دورات هندسية

 

 

الأعراض الرخيصة في الميكروباص (منقول من فرسان السنة)

صفحة 1 من 2 12 الأخيرةالأخيرة
النتائج 1 إلى 10 من 19
  1. [1]
    الصورة الرمزية إسلام علي
    إسلام علي
    إسلام علي غير متواجد حالياً

    عضو متميز

    تاريخ التسجيل: Mar 2005
    المشاركات: 12,009
    Thumbs Up
    Received: 1,093
    Given: 2,479

    الأعراض الرخيصة في الميكروباص (منقول من فرسان السنة)




    الاختلاط وما ادراك ما الاختلاط انه سم قاتل ...

    انها دوامة لا تنتهي ..

    انها خطوات لا تنقطع الا علي ابواب النار ..

    استخدمه الشيطان سلاح فتاك

    للتبرج والزنا واطلاق البصر والكذب و القتل في بعض الاحيان وفي عقوق الوالدين وإن شئت فقل هو بوابة الذنوب الاولى ...

    انا مش هتكلم عن الاختلاط .. عامة لكن نكمل كلامنا عن المواصلات ...

    المواصلات ما يحدث فيها ليس اختلاط فحسب ولكنه ان شئت قل إنتهاك للحرمات وبيع للاجساد بثمن بخس ألا وهو 50 قرش .. او ربع جنيه ....

    هذا ما اقوله عن واقع نعيشه ...

    الواحد دلوقتي ممكن جسمه يكون لاصق في جسم بنت أخرى فقط ب 50 قرش .. يابلاش

    واعلم من مرضى النفوس الذين تأخر عليهم سن الزواج من لا هم لهم ولا شغله ولا مشغله غير انه يلف في المواصلات هو اصلا مش رايح في حته لكنه بنص جنيه ولا بجنيه ياخدله دورين تلاته .. جنب النساء ..

    الله المستعان .. ( ووالله لا اتكلم عن توقع فانا اعرف من الناس من يفعل هذا )

    حديثي اولاً موجه للنساء ثم للرجال ثم للاخوات الملتزمات ...

    فنبدء ببسم الله إلتقاط بعض المشاهد ونذكر بأذن الله وتوفيقه بعض الحلول ثم نسمع من الاخوه الافاضل الحلول المقترحه ..

    موضوع النساء والرجال في المواصلات ده طامه كبيره سواء بقصد او بغير قصد ..

    بقصد يعني : الانسان اصلا منكوس الفطره يبقي قاعد جنب فتاه .. وميبعدش نفسه عنها ولكنه مستمتع بمعصيته هذه ... وساعات بتكون البنت نفسها عادي مش فارق معاه وراضيه بما يحدث ايضاً بقصدها او بمعني اصح بخبثها ... ودول زي صاحبنها الي بيلف في المواصلات وهو مش رايح في حته ..


    بغير قصد : يعني اصلا مش في دماغها .. بالنسبه ليها ده ضروره .. هي لا تحب ان يلمسها مخلوق ولو اقترب منها في الشارع احد ولمس شعره منها ممكن تعمل ليه فضيحه بجلاجل ..

    لكن المواصلات دي ( من وجهه نظرها او نظره ) ضروره

    فمفيش مشاكل انه التصق بها ... او غير ذلك مما لا يرضى به الله ..

    يا جماعه الموضوع خطير وفيه انتكاس للمفاهيم .. عارفين . مش احنا نتريق علي الرجل الي ميرضاش حد يلمس مراته ولكنه يرضي بالكوافير انه يمسح شعرها ويشتغل فيه ؟؟ والرجل واقف برا يمنع حد من الرجال يدخل علي مراته ليه ؟ يقولك ممنوع دخول الرجال عشان هي مع الكوافير جوا لدرجه ان بعض الكوافيرات تمنع العريس نفسه لدخول عند زوجته عشان هي مش فاضيه اصل في واحد بيلعب في شعرها ..

    الله المستعان . ده واحد منكوس الفطره والمفاهيم .


    كذلك ما يحدث في المواصلات بنت لا ترضي مخلوق يلمس جسدها بل وربما تكون ملتزمه لا تصافح الرجال بيدها فسبحان الله .. تظن ان المواصلات تعتبر ضروره بالنسبه ليها ..

    وهي بالفعل لا ترضي بما يحدث بس يظهر عليها تعبيرات مكتوفه الايدي ...

    ليه يا اخت مكتوفه الايدي .. ؟

    يقول لسان حالها ...

    انا لامه نفسي علي الاخر بس الرجل ده هو الي تخين
    او تقول انا اعمل ايه الكراسي صغيره ؟
    او تقول انا طلعت نفسي قدام وهو المفروض يرجع ظهره ورا
    تقول هو مش لامسني اوي .

    نقول . يعني ايه مش لامسك اوي ؟

    تقول .. يعني دي حته صغيره ..


    الواحد بصراحه مش عارف يقول ايه الواحد بيشوف حاجات بيكون هاين عليه يصرخ في وسط الميكروباص

    انا حديثي مش عن الولاد والبنات الي مش كويسين الي فاكر نفسه في غرفه النوم ومقضيها مع صاحبته وبعد ما تقوله يابني عيب يقولك دي خطيبتي ياعم الشيخ ..

    لا لا لا انا مش بتكلم عن دول خالص انا بتكلم عن ناس مش في دماغها المعصيه .. وممكن تكون اخت او اخ ملتزمين لكنهما يظنان ان لمس جسد من لا يحل له ضروره طالما مش بقصدي او طالما دي مواصلات او طالما اصل مستعجل او طالما مفيش مكان او طالما هي راضيه ..

    زي مره كنت في مواصلات وفي مكان فاضي جنبي وكانت واحده عايزه تقعد فقمت ليها قالتلي خليك ده هيكون في مكان فاضي كده .. قلت ليها لاء بلاش عشان تقعدي براحتك وفضلت انا واقف جه واحد ربنا يهديه بعد ما انا قمت وراح لازق جنبها .. فبقول ليه حضرتك ده مكاني وانا سيبته عشان هي تقعد براحتها قالي انت مالك اصلا

    قلت ليه هو ايه الي مالي في حاجه اسمها دم هي مش عارفه تقعد وانت عاجبك انك قاعد جنبها كده ترضاه لمراتك ...
    فقلت للست انتي راضيه انه يلزق فيكي كده .. قالتيلي يعني هعمل ايه يعني هقوله قوم ؟

    قلت لا حول ولا وقوة الا بالله .. قلت ليها خلاص براحتك ..

    فلاسف الناس شايفه انها بقت ضروره .. وانه عادي


    مره واحده وامها جايه تقعد وفي جنبي مكانين وروحت وقفت
    فالست قالتلي قعد يابني وقفت ليه قلت ليها معلش يا حجه عشان تقعدوا براحتكم قالتلي يبني اقعد احنا قاعدين كويس فالبنت بتقولها هو مش عايز يقعد ليه يا ماما قالت ليها معلش اصله شيخ .. وكاني مثلا عندي جرب عشان كده مش عايز اعديهم ...

    وغيرهم واحد وبنته ( المفروض رجل ) وبنته بتاع 22 سنه والذكي لما جه يقعد هو طبعا حابب يقعد جنب الشباك فخلي بنته تقعد جنبي وهو قعد جنب الشباك فقلت ليه ممكن تخليها هي جنب الشباك .. قالي يابني دي زي اختك عادي ... قلت ليه لاء مش اختي وكانت البنت بتاع 22 سنه .. قالي بطلوا التشدد ده بقا .. روحت نزلت من العربيه خالص وكنت انا المكسوف والله ..

    فالموضوع بجد خطير ولازم نلاقي ليه حلول ...

    الاخت الفاضله الي مستخسره .. تدفع نص جنيه زياده وتحفظ عرضها وجسدها وانها تحجز نفرين بدل نفر واحد ؟؟ وتقعد براحتها ..

    الاخ الفاضل الي شايف ان الوضع عادي انه يجلس جنب فتاه متبرجه كانت او منتقبه وهو منشكح وفاكر انها ضروره ... اذكركم بقول النبي صلي الله عليه وسلم ..

    لأن يطعن في رأس أحدكم بمخيط من حديد خير لهمن أن يمس امرأة لا تحل له ( صححه الشيخ الالباني )

    فيا اخوه بارك الله فيكم أعرف ان الموضوع موضوع ايمان
    حتى وان كان ما بيد الحيله
    حتى وان كانت هي راضيه
    حتى وان كان المكان ضيق
    حتى وان كان انت تخين او هي تخينه

    يا جماعه بارك الله فيكم هذه الاعراض التي تنتهك في كل ثانيه في مواصلات مصر ...

    ابوس ايدكم بالله هذه الاشياء تؤخر عنا النصر

    اشياء ممكن نشوفها صغيره ولكنها عظيمه

    قد قال النبي : فزنا العين النظر ، وزنا اللسان المنطق ، والنفس تمنى وتشتهي ،والفرج يصدقذلك أو يكذبه )صحيح البخاري )

    يا اخوه مجرد النظر اليها زنا فكيف بلمسها ؟


    طيب عرفنا قد ايه الموضوع خطير ..

    تعالوا نشوف الحلول ..



    الحل المقترح بالنسبه للاخوات ..

    1- اياكي ثم اياكي تركبي عربيه تكون فاضيه مفهاش غير السواق والتبًاع ( يعني الرجل الي بيلم الفلوس ) كم من حالة خطف وزنا حدثت بسبب ذلك حتى ولو انتي منتقبه دلوقتي مبقتش تفرق ناس كتير شايفين المنتقبات ( بنات مش محترمين وبيداروا ورا النقاب ) فلو سمحتي اركبي عربيه بها ركاب غيرك ويا حبذا لو نساء غيرك ..

    2- هتركبي العربيه عادي لو في بنت اقعدي جنبها بيحيث يكون * جنبك ناحيه البنت وجنبك الاخر ناحية الشباك او جنب ناحية البنت والجنب الاخر في بنت بردو ...

    3- بلاش تجلسي وتكوني علي الممر يعني يكون عند جنبك بنت والجنب التاني ممر يمر منه الناس اثناء الطلوع والنزول لان ده بيسبب احتكاكات سواء قاصد او غير قاصد .. وهذا من الخطء الكبير ..


    4- لو المواصله فاضيه شويه وقعدتي لوحدك ومش جنبك حد ادفعي نفر واحد لقيتي حد هيطلع قولي للسواق لاء خلاص انا هدفع نفرين

    خايفه من الاحراج وهمتك عاليه وخايفه علي مصلحتك اعتبري الدنيا غليت واعتبري ان كل مواصلاتك غالية الضعف وادفعي نفرين في كل مواصلاتك الا المترو طبعا .. وده ليه فايده كبيره انك هتقللي من الخروج وده يساعدك علي القرار في البيت

    5- الاخت الفاضله متسمحش لحد من القاعدين ورا يخبط علي كتفها بحجة انك توصلي الاجره للسواق ( هتقولي طيب واعمل ايه في المتخلفين الي بيخبطوا علي كتفي ) ... لو عايزه الحل عشان الله يبقي متقربيش ظهرك للمسند الخلفي واطلعي قدام سنه ... بحيث انه يعطي للاقرب لايده مع العلم بفضل الله ( ان الغير ملتزمين من الرجال يستحوا انهم يخبطوا علي ظهر فتاه ) ولكن العكس صحيح للاسف

    6- الاخت الفاضله الملتزمه صاحبة الدين والعفه والتي تخاف من العقوبه وترجو الثواب وترجو ان ربنا يرزقها زوج صالح زيها ... وانه يتقي الله فيها .... ولقت ان مفيش اي مفر من انها لازم تجلس جنب رجل وانها مش عارفه تدفع نفر تاني ومش عارفه تتصرف خالص ... انصحها ان تتقي الله وتقول ( علي جنب ياسطي )


    طبعا ونصيحتي ... للاخوات الفضليات ان يتقوا الله في انفسهن ولا ينسين امر الله ... ولي معهن حديث بإذن الله عن استشعار عبودية القرار في البيت التي فقد كثير من الاخوات احساس ان القعاد في البيت ده طاعه مستمره بعداد حسنات شغال لا يقف ( اذا احتسبته )

    اقول لهن عليكن بالعفاف قدر المستطاع ... ونقول

    1- القرار في البيت
    2- لو ضروري اوي انك تنزلي وخلاص مش عارفه تمسكي نفسك ( يبقي مع حد من محارمك رجل طبعا )
    3- لو محدش من الذكور عندكم فاضي يبقي عليكي بإحد نساء العائله الكريمه ينزلوا معاكي

    4- لو مفيش تتصلي بواحده صاحبتك ...

    ( بس في نقطه خطيره هنا اياكي ثم اياكي ثم اياكي انك تكوني خارجه وتتصلي بأخت قاعده في بيتها وتقطعي عنها عبادتها ( القرار ) وتجريها معاكي الي الفتن بمعني : متبقاش اخت قاعده في بيتها وانتي تتصلي بيها وتقوليلها ... بالله عليكي يا فلانه انا نازله تعالي معايه .. لاء ده غلط ... سيبيها في طاعتها ( القرار في البيت ) ....

    انا اقصد شوفي اخت اصلا بتروح الكليه زيك .. وامشوا مع بعض طالما طريقكم واحد يعني اقصد واحده اصلا ربنا ابتلاها بخروجه زيك وكفي عن سحب الاخوات من بيوتهن ... للخروج ...


    هذا للاخوات مع الاختصار ...


    اما الاخوه الافاضل وياريت الاخوات بردو يعرفوا بردو بعض الاشياء دي ..

    الاخ يتقي الله عز وجل ويعرف ان الي بيعمله في بنات الناس هيلاقيه في زوجته وبناته

    فنقول :

    1- لما توقف الميكروباس ولقيت مكان واحد جنب واحده حتى ولو سنها كبير ( بالله عليك بلاش ) تركب ولو انت بقا رجل جدع واخ من الاخر بلاش تركب وتقول انا هبعد نفسي عنها لان كل الناس سواء في الميكرو او في الشارع مش شايفين الحدود بين جسمك وجسمها بس شايفين انكم اتنين جنب بعض والشيطان بقا يلعب دوره .. ( ويقول بس الشيخ مقرب نفسه ازاي منها وعاملي شيخ ابن ال...
    فبالله صحيح انت معملتش شيء غلط وربنا يعلم انك ملمستهاش بس بردو الاخ الملتزم لازم يحافظ علي شكل الاخوه ...
    والله انا اكتر من مره اشوف اخ قاعد وبيكون شكله سيء جدا وهو قاعد جنب واحده حتى ولو ملمسهاش .. ولو عايز تنزل بأسلوب لطيف ارجع للجزء الاول من موضوعنا وشوف ازاي تنزل من الميكروباس باسلوب كويس ..


    2- الاخ الفاضل قاعد في الميكروباس مفتح يعني ايه .. وركزوا كلكم معايه في الحته دي .. عارف اني رغاي بس معلش استحملوني


    ركز يابني انت وهو عشان الفكره الي هقولها خطيره ومجربه :

    دلوقتي انت قاعد في الميكروباس مفتح يعني ايه ..

    يعني لو مثلا انت قاعد وانت شايف ان في الكنبه الي قدامك قاعد اتنين ستات وراجل ... والوضع قدام مش مريح كده ..
    وانت جنبك مكان فاضي ..

    هنا تقول للرجل ما تيجي تقعد هنا عشان النساء تقعد براحتها .. ( ساعتها هيتكسف ويرجع

    طيب لو انت بنت جت تقعد جنبك .. ساعتها بقا تروح ضارب عينك في الميكروباص كله بسرعه .. وتشوف هل في حد قاعد غلط تقومه وتقعدها ويجيي جنبك

    يعني واحد قاعد جنب نساء قدام ..

    تقول الاخ الي قدام يجيي يقعد هنا ويخلي النساء تقعد جنب بعضها ..

    يبقي كده ضربت راكبين بحجر .. انقذت نفسك وعفيت النساء الي قاعدين قدام ..

    وهكذا تحاول بقدر الامكان تنظم انت الميكروباس بحيث تبقي ماشي مش بس انقذت نفسك لاء كمان ظبط الناس كلها وده صدقوني سهله وانا مجربها كتير وبتحس من الناس بنظره احترام وساعات ممكن تلاقي احراج بس صدقني انت الصح والي بيحرجك بيكون اتحرج من نفسه ...


    3- الاخ الفاضل لو حس ان الدنيا قفلت ميقعدش بردو يقول ( على جنب ياسطي )


    4- بردو الاخ الفاضل ميكنش مثلا رايح مشوار ويروح متصل بواحد لا بيه ولا عليه ويقول ليه تعالي معايه المشوار الفلاني ... طيب ليه تخرجه من بيته الذي قال النبي وليسعك بيتك وتخرجه الي الدنيا ممكن اغاني ممكن عينه تقع علي فتاه
    فانا اقول للاخ .. انك تاخد حد معاك غلط من اكثر من ناحيه اولاً ممكن يفتن هو بسبب هذا المشوار ثانيا هتقعدوا ترغوا مع بعض ...
    بس في نقطه مهمه لو انت شايف في نفسك انك مش بتعرف تتقي الله وانت لوحدك وبتقعد عادي جنب النساء وانت لو حدك اقول ليك لااااااااااااااااااااااااااااازم يكون معاك حد في مشاوريك عشان تكسف منه ... ( مهمه جدا هذه لا تنسوها )


    شيء مهم وبيقطع قلبي خاص بموضوع الميكروباس والاختلاط فيه ولاهميته هذكره في موضوع منفصل .. ( بعنوان نسائهم حل لنا ) ان شاء الله

    اخيراً اسئل الله لي ولكم العفاف

    واحنا كمسلمين ... وملتزمين مينفعش نرضى بالواقع الخاطئ ..
    نحن قوم إبتعثنا الله ليخرج من شاء من عبادة العباد لعبادة رب العباد
    يعني في الاصل احنا جايين علي واقع فاسد ولازم نغيره من اول وجديد

    فبالله امر الاختلاط في المواصلات ده فظييع وانا لي رجاء خاص عند اهل الدين ومن ظهر عليهم الدين ان يتقوا الله في دينهم

    الواحد بيتألم لما يشوف منتقبه وراضيه بإن فلان يلصق فيها
    أو واحد ملتزم ويرضى بإن فلانه تلصق فيه ..

    بالله بالله أبوس ايدكم ... نراجع نفسنا
    وفي النهايه اقول هي أعراض ثمنها 50 قرش .. من يبيع عرضه ؟ ومن سيشتريه ؟؟

    فَسَتَذْكُرُونَ مَا أَقُولُ لَكُمْ وَأُفَوِّضُ أَمْرِي إِلَى اللَّهِ إِنَّ اللَّهَ بَصِيرٌ بِالْعِبَادِ [غافر : 44]

    نسألكم الدعاء بظهر الغيب وننتظر بإذن الله اقتراحات الاخوه الافاضل وتجاربهم .. والحلول المقترحه

    والسلام عليكم ورحمه الله وبركاته

    إنتظرونا مع المواضيع الاتيه بإذن الله

    1- رحله الي كنيسه مارجرجس
    2- المحكمه الشعبيه للاخوه السنيه
    3- أفكار دعويه لكن ميه ميه
    4- الافراح الاسلاميه بين الاسلام والواقع
    5- إلى كل منتظر للزواج أن يطفئ شهوته أقول لك بالادله في المشمش


    بإذن الله

    من مواضيع إسلام علي :


    0 Not allowed!



    لنعمل بجدية لتحسين مجال العمارة والإنشاء في سبيل خدمة أمتنا وهويتها الإسلامية, لا للتغريب ولا للعبثية والتفاخر في العمارة.
    لنتجنب أن نكون ممن قال الله فيهم
    : ( أتبنون بكل ريع آية تعبثون * وتتخذون مصانع لعلكم تخلدون )

  2. [2]
    أهل الحديث
    أهل الحديث غير متواجد حالياً
    عضو شرف


    تاريخ التسجيل: Jul 2006
    المشاركات: 18,342

    وسام الشكر

     وسام كبار الشخصيات

    Thumbs Up
    Received: 205
    Given: 261
    جزاك الله خيرا
    موضوع طيب من أخ طيب

    0 Not allowed!




    { الَّذِينَ آتَيْنَاهُمُ الْكِتَابَ يَعْرِفُونَهُ كَمَا يَعْرِفُونَ أَبْنَاءَهُمُ }

  3. [3]
    علي محمود فراج
    علي محمود فراج غير متواجد حالياً
    عضو تحرير المجلة
    الصورة الرمزية علي محمود فراج


    تاريخ التسجيل: Sep 2007
    المشاركات: 2,897

    وسام الشكر

     وسام كبار الشخصيات

    Thumbs Up
    Received: 102
    Given: 109

    افتح المصحف و اقرأ و ستجد من عجيب تدبير الله لك

    جزاك الله خيرا أخي بشر .. موضوع واقعي جدا و بلاء لا يعافى منه إلا من عصمه الله ... أنا من جنوب مصر و لست من سكان العاصمة ، و هذه المشكلة أهون بكثير في الجنوب لأن كثافة السكان أقل و هي غير موجودة أصلا في بعض المدن أيضا لأن كثافة السكان لا تقتضي الزحام في المواصلات ...
    ............
    ما كنت لأفهم ما تقول لولا أني كنت أحيانا أقضي بعض الوقت في المدن المزدحمة ( القاهرة - الأسكندرية .... ) ...
    أوافقك أخي أن هذا باب عظيم من أبواب الوقوع في الإثم .. لكني أيضا أراه فرصة عظيمة لأن تصدق مع الله و أن تريه من نفسك صدق العزم و حسن المراقبة .. أراه فرصة عظيمة أن تخلو بمحارم الله فلا تنتهكها فقط خشية لله و لعلمك أنه مطلع عليك ... أراه فرصة عظيمة أن تحسن و لو أساء الناس حتى يؤمنك الله و لو خاف الناس و حتى يعافيك و لو أبتلي الناس .. أراه فرصة عظيمة لأن تصون حرمة امرأة و أنت تملك أن تعتدي عليها و لا يمنعك إلا أنك تخشى الله و تتقه و ترجو ما عنده ..
    و أعرف كثيرين دعووا الله ألا يجعل رزقهم في هذا الزحام و كان الله بهم رحيما ..
    ...........
    و النصيحة هنا كما تفضلت هي الخروج للضرورة فقط و التعفف عن الركوب إذا لم يكن المكان مناسب و اصطحاب من يتقي الله و يكون عونا على الإستقامة ...
    ..............
    و الشيء الناجع هنا عن تجربة هو أن تمسك مصحف و لا يفارق جيبك .. فإذا ركبت الميكرو فافتح المصحف و اقرأ و ستجد من عجيب تدبير الله لك ..
    و أكثر من دعاء أن يصرف الله هذا البلاء عن الناس و أن لا يجعل لك حاجة في هذا الزحام .
    .................................................
    و لم يبقى إلا أن أعتذر للأخوة الذين لم يستوعبوا هذا الموضوع لانهم لم يتعاملوا مع المدن المزدحمة و لا يمكنهم أن يستوعبوا التفاصيل و ربما لا يسعفهم " الخيال الواسع " لإدراك الواقع .
    و لا حول و لا قوة إلا بالله ...

    0 Not allowed!



  4. [4]
    planner1
    planner1 غير متواجد حالياً
    عضو فعال


    تاريخ التسجيل: Jun 2006
    المشاركات: 88
    Thumbs Up
    Received: 0
    Given: 0
    جزاك الله خير أخي الفاضل
    ولقد تقدمت بحلول مثالية
    واعتقد انه لو اضفنا الى الحلول حملة توعية بين الناس والنساء بتحديد جزء للنساء :
    مثلا الستات اول ما يطلعو يركبو في الصف الاخير وهكذا والرجال يبدأو بالصف الاول وهكذا .
    ونسأل الله العظيم ان يعف نساء وشباب المسلمين

    0 Not allowed!



  5. [5]
    الشخيبي
    الشخيبي غير متواجد حالياً
    V.I.P
    الصورة الرمزية الشخيبي


    تاريخ التسجيل: Dec 2005
    المشاركات: 7,931
    Thumbs Up
    Received: 223
    Given: 335
    جزاك الله خيرا على نقل هذا الموضوع المهم والخطير....
    إن ما يحدث في المواصلات العامة فعلا يدمي القلب...
    أريد أن أعلق على أمر واحد الحقيقة...

    الأصل في المرأة أن تبقى في البيت ما لم تدع الضرورة إلى خلاف ذلك...بعض الأخوات قد لا يعجبها هذا الرأي...
    ولكن.. والله يا إخوة ويا أخواتي الكريمات إن خروج المرأة من البيت (وحدها أو مع غيرها من النساء) بحد ذاته فتنة.. حتى لو التفت بعباءة من رأسها إلى قدميها...
    قد تقول قائلة إن الزمن اليوم مختلف..أو أن هناك الكثير من الضرورات التي تجبر المرأة على الخروج من بيتها...
    نقول لها ..نعم هناك ضرورة ولكن الضرورة فقط....
    شراء الأغراض من السوق ليس بضرورة....بل هو أصلا من واجبات الرجل...إلا أن تخرج مع زوجها...

    يا أخواتي الكريمات... تتعرض المرأة عند خروجها لشتى أشكال الرجال..الصالح منهم والطالح.... وقد تضطر إلى التعامل معهم شخصيا... فكيف ترين تركيبة المجتمع؟؟؟ أهم في الغالب من الطيبين أم غير ذلك؟

    يا إخوتي الرجال..واجبنا أن نحافظ على أهلنا من اختلاطهم بالرجال قدر المستطاع...
    والله المستعان..
    وجزاكم الله خيرا..

    0 Not allowed!



  6. [6]
    إسلام علي
    إسلام علي غير متواجد حالياً
    عضو متميز
    الصورة الرمزية إسلام علي


    تاريخ التسجيل: Mar 2005
    المشاركات: 12,009
    Thumbs Up
    Received: 1,093
    Given: 2,479
    جزاكم الله خيراً
    الموضوع منقول من منتدى فرسان السنة http://www.forsanelhaq.com/

    0 Not allowed!



    لنعمل بجدية لتحسين مجال العمارة والإنشاء في سبيل خدمة أمتنا وهويتها الإسلامية, لا للتغريب ولا للعبثية والتفاخر في العمارة.
    لنتجنب أن نكون ممن قال الله فيهم
    : ( أتبنون بكل ريع آية تعبثون * وتتخذون مصانع لعلكم تخلدون )

  7. [7]
    إسلام علي
    إسلام علي غير متواجد حالياً
    عضو متميز
    الصورة الرمزية إسلام علي


    تاريخ التسجيل: Mar 2005
    المشاركات: 12,009
    Thumbs Up
    Received: 1,093
    Given: 2,479
    نكمل النقل أحبتي
    *******************
    السلام عليكم ورحمه الله وبركاته


    نزل صاحبنا ( الاخ ) من بيته ذاهباً إلي عمله او كليته او لإي حته ...

    ووقف علي أول الشارع وشاور للميكروباص ..

    ثم أثناء ركوبه في الميكرو .. لقطته كاميرا فرسان السنة .. ورصدت بعض المشاهد التي ستعرضها عليكم ..

    * بعض الناس بتاعني من مشاكل مع سواقين الميكروباص وبعض الركاب وذلك للإصطدام الفكري بين كل راكب والتاني .. واصطدام الافكار ده غالبا هتلاقيه موجود في الاماكن الي بتكون محل تجمع اكتر من فرد من كذا بيئه وكذا تربية فعشان كده الميكروباس من هذه الاماكن ومثله التجمعات الاسرية مع والعم والخال وغيرهم بيكون فيه اصطدام للافكار واساليب الحياه .. ومن الاماكن الي بيحصل فيها اصطدام فكري بردو مؤتمرات جامعة الدول العربية .وده لما تشمله من إجتماع بعض الافراد مختلفي الافكار والبيئه والأهداف وقل الأديان ان صح الجمع : ) الله المستعان

    المهم خلينا في الميكروباص عشان ميتقلبش بينا

    ركب صاحبنا الميكرو وبدءت كاميرا فرسان السنة إلتقاط بعض المشاهد

    المشهد الاول : أول لما الاخ ركب لقى السواق مشغل موسيقي واغاني ..

    عندك انت كأخ مش فارق معاك غير انها موسيقي وحرام ...


    عنده هو كسواق هو تفرق معاه اذا كانت عاليه فتضايقك لكن لو انها صوتها عادي او منخفض يعني ميسمعش صوتك في الاعتراض

    تفرق معاه كسواق اذا كانت اغنيه معتدله ومش هابطه زي الي بيقول بحب الحمار .. لكن لو بيغني اغنيه تامر حسني انا قلبي بيحبك .. مفيش مشاكل

    تفرق معاه كسواق اذا كان الي شغال اعلان عن الاف ام فده مش غلط خالص لكن لو
    انها اغنيه بالفعل ماشي

    تفرق معاه كسواق اذا كانت اغنيه للست *****او انها اغنيه **&**.


    كل دي اشياء هتفرق مع السواق جامد جدا وكل شيء من دول ليه عنده رد ...


    انا عايز بقي بعض الاشياء تفرق معاك ..

    يعني عايز يفرق معاك كاخ السواق شاب ولا رجل كبير ..

    شكله صايع ولا محترم

    مركب جنبيه واحده من البنات بتوع مدرسة التجاره او الثانوي ولا مركب جنبيه سواق صاحبه وفي الحالتين عايز يتمنظر بماكنة الصوت الي ورا وبيعلي علي الاخر ...

    فلازم انت كأخ تخلي بالك من شيء زي ده ...

    نخش في المهم ...

    انت ركبت ولقيته مشغل اغاني ( من اي نوع من اي زمن )

    عندك شيء من الاتنين يا اما تركب معاه يا اما متركبش معاه


    طيب الاقرب ( انك متركبش مثلا )

    هتقولي بس انا شاورت ليه ممكن لو وقف ومركبتش يشتمني ( زي ما حصل ) لو بعد ما شورت ليه اقول ليه خلاص مش اركب


    عندك يا اخي حلين واحفظ معايه

    1- الحل الاول هنفترض انك واقف في خط من الهرم للجيزة .. وانت عايز تروح الجيزة هتشاور للسواق ووقف ليك فالمفروض انت بتقرب من الشباك عشان تقول ليه ( جيزة يا اسطى ) صح ؟

    لاء انت بقا اول ما تقرب من الشباك وسمعت صوت الاغاني تعمل معتوه وكانك ألس في بلاد العجائب بمعني
    تقول ليه رايح مترو او رايح بولاق او مدينه نصر اي حته غير الي هو رايحها فتقول مثلا بولاق ياسطي ؟ ( وانت علي يقين ان الميكروباس ده خطه من الهرم للجيزة ) فطبعا هيفتكرك مش من هنا ومش عارف هيقولك لاء يا عم الشيخ اركب العربيه التيوتا .. بس وتبقى خرجت منها

    صحيح اتقال عليك مش من هنا بس اهو ارحم ما تسمع اغاني


    وهتحس بلذه جميله في انك فضلت يتقال عليك اهبل ومش فاهم احسن ما تسمع اغاني ... مع العلم ان الميكروباس الفولكس بيروح الجيزه والتيوتا مترو والترامكو الشهير ب( التابوت ) بيروح كفر طهورمس .... ( فده حل ) وخلي بالك من الميكروباس الي بيحمل خطين ومتكنش انت عارف يعني ممكن ياخدك غصب عنك يعني تقول ليه مترو يقول ليك اه .. وتقول ليه جيزه يقولك اه وتقول ليه بولاق يقول اه فانا رايي تقول ليه لاء خلاص انا هروح بيتنا عشان يسكت ...

    2- الحل الثاني وهو حل التفاوض .. يعني انت جيت تركب .. تقول ليه قبل ما تركب ( بادب واحترام ) ممكن يسطى تشغل قران عشان مش بحب اسمع اغاني , او عشان هقراء قران .. او ممكن يسطي تقفل الاغااني ؟ ( قبل ما تركب ) وبأكد تاني بأدب لان والله السواقين دول حساسين جدا وتفرق معاه الكلمه وممكن يشييلك فوق راسه لو كلمته بأدب وممكن يحطك تحت العجل لو قليت ادبك او حس انك بتعامله وحش ..

    فلو قالك لاء يا شيخ مش هقفل الاغاني متقولش ليه طيب روح عليك من الله ما تستحقه .. لاء قول ليه جزاكم الله خيرا ربنا يبارك ليك ... وتبعد عن الميكروباص




    ملحوظة

    طيب لو انت قربت عليه ومكنش مشغل اغاني وانت أول ما ركبت معاه لقيته كان مشغل اغاني وصوتها كان واطي انت مسمعتوش ... بردو عندك حل من اتنين يا اما تقول ليه لو سمحت اقفلها بردو بادب وكل شيء يا اما الحل التاني وده انا بعمله علي طول انك اول لما ركبت لقيت اغاني وانت شايف ان السواق مش هينفع تدعوه تروح نازل مباشرة وتقول ليه معلش ياسطي اصل كنت هنسي شيء ( وتنوى إنك كنت هتنسى وتجلس في الاغاني ) وتروح نازل وكانك راجع الي حيث كنت ...


    وده الحل التاني انك تركب بقا وتتعامل معاه وتدعوه جوا حتى ولو مشغل اغاني

    طيب الوضع الثاني بقا انك مثلا مستعجل او مثلا هو شغل الاغاني بعد ما مشيت .. .. وده بيكون عايز اكتر من شيء عشان تتكلم مع السواق



    1- لما تيجي تركب كل لما تكون اقرب للسواق بيكون افضل لاكثر من سبب .. عشان لو انت ورا خالص وقلت ليه كده بقنعره اقفل لو سمحت الاغاني .. او اقفل ياسطي وشغل قران اي كلام تقولوه وانت بعيد لازم هتقولوا بصوت عالي عشان يسمع * لانه بعيد * ولانه مشغل اغاني .. فلازم انت تعلي صوتك .. فهيكون اثرها صعب وكانك بتحرجه قدام الزباين او قدام البت الي جنبه او قدام السواق صحبه او التّباع الي شغال معاه في الميكرو ..

    فبقدر الامكان تركب قريب منه ويا حبذا لو جنبه وتكلمه ومحدش يسمعك غيره هو بس وصدقني بعد الاستعانه بالله ده شيء مجرب .. كل ما يكون الدعوه بينك وبينه بيكون افضل .. لان زي ما كلنا عارفين النصيحه علي الملء فضيحه ... ودي تعتبر نصيحه .. فيفضل عن قرب



    2- الافضل يكون معاك اسلحتك ..( شريط قران ) وهو اقوى بلا شك من انه يكون شريط درس ... لانه لو مشغل اغاني واعطيت ليه درس ممكن يركنه او يقول ليك لاء مش هشغله لكن القران هو عارف ان ده كلام الله فممكن يتحرج ... ومن اسلحتك بردو مصحفك .. وكمان يا سلام لو اسطوانه اوديو عشان الميكروباصات الي فيها cd ....



    3- تتكلم معاه بأدب ووالله مره سواق بيحكيلي وبيقولي تعرف يا شيخ انا سمعت كلامك وقفلت لانك بتتكلم بأدب قالي في شيخ امبارح خلاني شتمته وطردته وقلت ليه ياعم انا مسيحي ... عشان كلمني باسلوب وحش قدام الزباين ومع اني والله يا شيخ كل يوم الصبح بشغل قران واسيبه ساعتين والله ...

    وربنا شهيد علي كلامي السواق ده اعطاني رقمه عشان اجيب ليه دروس وقعد يقولي نفسي اصلي ومش عارف وقعد يطلب مني شرايط عن الصلاة واعطاني رقمه عشان اقابله .. وكان موقف السيده عائشه المهم .. انا مش بذكر كده عشان اقول ليكم اني بطل . . عشان اقول ليكم الناس دي فيها خير ... يعني واحد شتم شيخ وطرده وقال علي نفسه مسيحي بعدها بيوم بس قلبه رق وعايز يصلي ويديني نمرته .. كل ده من كلمه بعد اذنك .. او كلمة لو سمحت او كلمة من فضلك او كلمة معلش ياسطي ممكن كذا


    لان الناس دي قليل الي بيحترمهم ... فبلاش تكون انت و الناس عليه ...



    4- لقيته قافل خلاص ومش عايز يعمل شيء تطلع مصحفك وتقرا فيه وتحاول تخليه ياخد باله عشان
    يقفل ...


    ساعات بيكون في سواقين رخمين ومجهزين نفسهم في كل شيء تقول ليه ممكن الصوت بعد اذنك ياسطي يقولك اصل ده mp3 يا شيخ ...

    وساعات تبعت ليه شريط وتقول ليه شغل ده يقول ليك ده راديو والله مش كاسيت انا الكاسيت عندي بايظ يا شيخ .. تقول ليه انت بقا طيب متجيب اذاعة القران ...

    وفي كلمة حلوه :
    ساعات واحد يكون قافل خالص فتقول ليه او لما تدخل متسمعنا حاجه حلوه كده يسطي ,,,, طبعا هو بكل ذوق هيفهم انك شيخ وقصدك واكيد قصدك قران ...
    مرة قلتها لواحد : بقول ليه متشغل لينا حاجه حلوه قالي اشغلك جورج وسوف ... بصراحه معرفتش امسك نفسي قعدت اضحك وقلت ليه هو في احسن من القران

    او تقول ليه معندكش كده يا سطي شريط قران حلو تسمعه لينا وتاخد ثاوب ...

    اقصد بكل ده انك تدخل ليه بمدخل الادب ...

    وفي نقطه مهمه جدا ناسيها .. ان السواق مش يحب انك تعمل عليه انك انت التقي وهو الفاجر ... يعني تحاول تحسسه انه في نظرك انسان كويس متدين حتى ولو مكان بايظ

    يعني مجرد انك اول لما تدخل ... تقوم تطلع شريط وتديه ليه .. دي في حد ذاتها مسبه ليه وكانك بتقول ليه انت في العربيه دي كلها معندكش شرايط قران وانا بقا الي هديك ...


    لاء في الاول تسئله معندكش شريط حلو كده يسطي ... هو طبعا هيحب يتمنظر قدام الزباين ويظهر بقا انه انسان كويس وعنده شرايط فيطلع ولو مش عنده هيقولك لا والله يا شيخ للاسف مفيش تروح انت بقا تطلع ليه شريط


    ..* وفي بعض الاخوه للاسف تدخل ميكروباس وتلاقي السواق مشغل قران او درس وتلاقي الاخ راسه والف سيف يعطي السواق شريط وعايزه يسمعه دلوقتي ... فسبحان الله ...



    من الاسلحه القويه بردو

    5- انك اصلا يكون حالك كويس مع الله هتلاقي ربنا بيلين قلوب الناس ليك والله يا جماعه انا مره كنت مزعل ربنا مني ... اقسم بالله اليوم ده الرجل طردني من الميكروباس ورمى الفلوس في وشى ده وانا رايح ويوم تاني وانا راجع ... راح طردتني ونزلني علي الكوبري .. حتى مرديش ينزلي بعد الكوبري حلف لانزل عليه ... فصدقني لازم يكون حالك حلو مع ربنا وانت هتلاقي الناس بتستجيب ليك كويس ....



    اختصر ليك كلامي

    1- تكون قريب منه ويفضل جنبه او وراه مباشرة ..
    2- تكون معاك اسلحتك ( شرايط ومصحفك واسطوانتك )
    3- تتكلم معاه بأدب وبخلق وتقدم بعض الالفاظ ( لو سمحت , من فضلك , بعد اذنك , ممكن يا سطي )
    4- متعملش عليه شيخ وتحرجه في وسط الناس بالعكس حسسه انك عارف انه متدين ومحترم واستلف منه شريط كمان لو عايز
    5- وقبل كل هذا ان يكون حالك مع الله كويس وانك بتدعوه لله مش رخامه منك او تعود بل إخلص في هذا كله
    6- تخلي بالك من حاله شاب او كبير صايع ولا محترم يعني تحاول تستنتج شخصيته وتحاول تتعامل معاه بسرعه ...


    بعض الردود والاجابات :

    1- معلش يا شيخ اصل ده راديو : طيب ما تسمعنا اذاعة القران , لاء يا شيخ اصل انا لسا قافلها من شويه .. مفهاش شيء لو شغلتها شويه اصل انا نفسي اسمعها ,, يا شيخ ماهو مينفعش اشغلها طول اليوم عشان في زباين كده وزباين كده يعني مش كل الناس زي بعضها ... هنا بقا تدخل معاه في كلام عن الرزق ... .وطبعا كل ده مش هيتم لو انت في الاخر وهو في الاخر يعني زي ما قلت يفضل تكون جنبه عشان يكون الكلام حلو ...

    2- لو قال ليك يا شيخ معلش مش هينفع اقفل ... تقول ليه انا بقولك بعد اذنك .. عشان انا مش حابب اسمع ... لو قفل معاك ..


    يكون جميل لو يكون معاك بعض الاذكار والكتيبات ... الي تنشرها في الميكرو في الرايحه والجايه احنا بنغبط السواقين علي انهم في مكان دعوى مهم .. انت كمان كراكب معاك ناس ممكن توزع عليهم وتكون بتدعو بردو ...

    تكون عارف بعض ادلة تحريم الغناء عشان في بعض السواقين دلوقتي بقوا مثقفين وتلاقيه بيكلمك بالادله ...

    ملحوظة : في بعض الكلمات بتكون اوقع في قلب السواق من جزاك الله خيرا وربنا يبارك فيك .. يعني لو قلت ليه ألف شكر يا باشا ... هيستحسنها اكتر .. شوف يا اخي طالما مش شيء غلط يبقى تكلمه بلغته ...



    انصحك بترك الميكرو ... وانت بقا وايمانك يعني في بعض المشاوير بصراحه بتكون ضروري فيها السرعه بس متنساش اخي ان

    ومن يتق الله يجعل له مخرجاً ... وممكن لما تنزل تلاقي واحد صاحبك بعربيه ملاكي ينقلك ومفيش احسن من كده ...

    فالموضوع ان شاء الله مهم ونرجو منكم التعاون والمشاركة بوضع افكاركم واقتراحتكم هنا ... وان شاء الله هنتكلم في الموضوع الجي عن الاختلاط والتدخين في الميكروباس .. وشكرا

    ولنا تكمله ان شاء الله

    **************************************
    فرسان السنة

    0 Not allowed!



    لنعمل بجدية لتحسين مجال العمارة والإنشاء في سبيل خدمة أمتنا وهويتها الإسلامية, لا للتغريب ولا للعبثية والتفاخر في العمارة.
    لنتجنب أن نكون ممن قال الله فيهم
    : ( أتبنون بكل ريع آية تعبثون * وتتخذون مصانع لعلكم تخلدون )

  8. [8]
    مصابيح الهدى
    مصابيح الهدى غير متواجد حالياً
    الفائز في مسابقة الطيران الثانية
    الصورة الرمزية مصابيح الهدى


    تاريخ التسجيل: Nov 2007
    المشاركات: 1,153
    Thumbs Up
    Received: 7
    Given: 0
    اقتباس المشاركة الأصلية كتبت بواسطة الشخيبي مشاهدة المشاركة
    جزاك الله خيرا على نقل هذا الموضوع المهم والخطير....
    إن ما يحدث في المواصلات العامة فعلا يدمي القلب...
    أريد أن أعلق على أمر واحد الحقيقة...

    الأصل في المرأة أن تبقى في البيت ما لم تدع الضرورة إلى خلاف ذلك...بعض الأخوات قد لا يعجبها هذا الرأي...
    ولكن.. والله يا إخوة ويا أخواتي الكريمات إن خروج المرأة من البيت (وحدها أو مع غيرها من النساء) بحد ذاته فتنة.. حتى لو التفت بعباءة من رأسها إلى قدميها...
    قد تقول قائلة إن الزمن اليوم مختلف..أو أن هناك الكثير من الضرورات التي تجبر المرأة على الخروج من بيتها...
    نقول لها ..نعم هناك ضرورة ولكن الضرورة فقط....
    شراء الأغراض من السوق ليس بضرورة....بل هو أصلا من واجبات الرجل...إلا أن تخرج مع زوجها...

    يا أخواتي الكريمات... تتعرض المرأة عند خروجها لشتى أشكال الرجال..الصالح منهم والطالح.... وقد تضطر إلى التعامل معهم شخصيا... فكيف ترين تركيبة المجتمع؟؟؟ أهم في الغالب من الطيبين أم غير ذلك؟

    يا إخوتي الرجال..واجبنا أن نحافظ على أهلنا من اختلاطهم بالرجال قدر المستطاع...
    والله المستعان..
    وجزاكم الله خيرا..
    جزاك الله كل خير
    رأى سليم اخى بارك الله فيك

    0 Not allowed!



  9. [9]
    mrniceguy2932000
    mrniceguy2932000 غير متواجد حالياً
    عضو متميز


    تاريخ التسجيل: May 2007
    المشاركات: 948
    Thumbs Up
    Received: 5
    Given: 0
    لا حول ولا قوة الا بالله
    وافوض امري الى الله ان الله بصير بالعباد...

    0 Not allowed!



  10. [10]
    م وائل حسنى
    م وائل حسنى غير متواجد حالياً
    عضو متميز جداً
    الصورة الرمزية م وائل حسنى


    تاريخ التسجيل: Jul 2008
    المشاركات: 1,772
    Thumbs Up
    Received: 3
    Given: 1
    شكرا اخى للنقل
    وبارك الله فيك
    موضوع مشكور علية
    المهندس وائل حسنى

    0 Not allowed!



  
صفحة 1 من 2 12 الأخيرةالأخيرة
الكلمات الدلالية لهذا الموضوع

عرض سحابة الكلمة الدلالية

RSS RSS 2.0 XML MAP HTML