دورات هندسية

 

 

من اجمل ما قرأت للرائع علي سلامة ؟؟؟

صفحة 1 من 2 12 الأخيرةالأخيرة
النتائج 1 إلى 10 من 14
  1. [1]
    الصورة الرمزية <محمد مصطفي>2
    <محمد مصطفي>2
    <محمد مصطفي>2 غير متواجد حالياً

    عضو متميز جداً

    تاريخ التسجيل: Jan 2006
    المشاركات: 1,483
    Thumbs Up
    Received: 6
    Given: 0

    من اجمل ما قرأت للرائع علي سلامة ؟؟؟

    الفاتحة ع الاموات
    وفضلت أستني أستني
    لحد ما عدي اخر قطر
    وفات
    حزنت قعدت أعيط أعيط
    تعبت م العياط
    قلت أتمشي أتسلي
    أتفرج ع الشوارع والناس
    والعربيات
    زهقت
    قلت ارتاح
    سندت علي روحي
    اتلخبطت جوايا كل
    الحاجات
    مديت ايدي ف جيوبي
    لقيت شوية ورق قديم
    وصور وكروت تليفونات
    قلت أكلم مراتي
    افتكرت انها خدت الدوا
    ونامت من تلات ساعات
    قلت أكلم اخويا
    افتكرت أنه طلع معاش
    مبكر
    وكاره تاريخه
    ومركز ف التأمينات
    أكلم أختي
    هاتعيد وتقول نفس
    الحكايات
    أكلم خالي
    افتكرت انه غتت غتاتة
    ومعايا انا بالذات
    اكلم خالتي
    قلت يا واد
    دي خالتي وخالتك
    واتفرقت الخالات
    اكلم صاحبي صلاح
    افتكرت انه سافر العراق
    وفي احتمال يكون مات
    قلت أنا اصطاد موزة
    واعمل دماغ
    بس معرفش حد بتاع مخدرات
    قلت امشي ف مظاهرة
    لقيت العساكر راجعين
    مشطبين علي كل المظاهرات
    قلت اتصل بالسادة
    المسئولين
    هايتهموني بإزعاج
    السلطات
    قلت يا رب
    هو أنا إيه
    وليه
    ونسيت إيه
    وقطر ايه ده اللي فات
    الله يرحمك بقي يابا
    والفاتحة علي كل الاموات

  2. [2]
    <محمد مصطفي>2
    <محمد مصطفي>2 غير متواجد حالياً
    عضو متميز جداً
    الصورة الرمزية <محمد مصطفي>2


    تاريخ التسجيل: Jan 2006
    المشاركات: 1,483
    Thumbs Up
    Received: 6
    Given: 0

    الأرض بتتكلم عربي

    الأرض بتتكلم عربي

    --------------------------------------------------------------------------------

    الشعر عيرة والكحل عيرة
    والورد فوق الخد
    ولحد الضفيرة عيرة
    الصبر عيرة والضحك عيرة
    والفرح والأحزان كمان وحاجات كتيرة
    حتى الحنان جوه البيوت
    حتى الكلام...حتي السكوت
    حتى الهتاف جوه المسيرة برضه عيرة
    حيرني حيرة
    بقينا ليه حبة حاجات
    قمصان بدل على بالونات
    ما بقيتش شايف إيه اللي جاي وإيه اللي فات
    ما بقيتش افرق
    ده أزرق ده ولا أحمر رمادي
    ودي كارثة ولا ده وضع عادي
    وده طفل ولا راجل عجوز
    وده إيه ده راخر
    جايز يجوز
    نعسان ده ولا ساكت وساير
    بردان ده ولا ده دور وداير
    وده إحنا ولا الكل حاير


    علي سلامه

    0 Not allowed!



  3. [3]
    مرتضي منصور
    مرتضي منصور غير متواجد حالياً
    عضو فعال جداً


    تاريخ التسجيل: Jul 2007
    المشاركات: 266
    Thumbs Up
    Received: 1
    Given: 0
    رائع جدا جدا
    شكرا لك

    0 Not allowed!



  4. [4]
    <محمد مصطفي>2
    <محمد مصطفي>2 غير متواجد حالياً
    عضو متميز جداً
    الصورة الرمزية <محمد مصطفي>2


    تاريخ التسجيل: Jan 2006
    المشاركات: 1,483
    Thumbs Up
    Received: 6
    Given: 0
    اللهم انصر اهل غزة

    0 Not allowed!



  5. [5]
    <محمد مصطفي>2
    <محمد مصطفي>2 غير متواجد حالياً
    عضو متميز جداً
    الصورة الرمزية <محمد مصطفي>2


    تاريخ التسجيل: Jan 2006
    المشاركات: 1,483
    Thumbs Up
    Received: 6
    Given: 0

    حظك اليوم

    حظك اليوم
    تيجي نحسبها نلاقيها
    احنا فيها
    لف واتفرج معايا
    ع اللي نايم
    واللي صاحي
    واللي طافي النور
    وصاحي
    واللي بتسليه جراحي
    واللي قال فات الكتير
    واللي طاير
    بس مكسور الضمير
    ع اللي مشغول بالدولار
    واللي ضيع نص عمره في كام بهيمة وكام حمار
    واللي قال الارض باقية
    واللي طو ر مربوط في
    ساقية
    واللي لسه قميصه ناقص فيه
    زرار
    وفي ثواني
    مات كيلاني
    كل واحد فينا قام يحسبها
    تانى اللي نايم واللي صاحي
    واللي بيفكر ينام
    كله قام
    أد ايه ف العمر باقي
    يسوي كام
    أما شاعر بس بايخ
    جي ليه تشعللها نار
    يللا نهرب من قساوة
    الجد
    ونضيع ف الهزار
    ف العصير والفطير
    واللي لسه قميصه
    ناقص فيه زرار

    0 Not allowed!



  6. [6]
    <محمد مصطفي>2
    <محمد مصطفي>2 غير متواجد حالياً
    عضو متميز جداً
    الصورة الرمزية <محمد مصطفي>2


    تاريخ التسجيل: Jan 2006
    المشاركات: 1,483
    Thumbs Up
    Received: 6
    Given: 0

    شارع عبد العزيز

    شارع عبد العزيز
    صديقي الياباني ..
    كان في زيارة لمصر تأنى ..
    وهو شخص ابن بلد ولذيذ
    ..
    كان فرحان أوي واحنا
    بنتمشي
    في شارع عبد العزيز
    ..
    قاللي شايف يا
    فريكيكو
    كل ده ياباني .. كل
    ده ياباني
    وده اللي خلاني
    أقوله
    طول عمرك يا
    سيكو
    سيكو
    خايب
    شوف انت تسهر وتفكر
    وتصدر
    وأنا اخد
    جمارك
    وضرايب ..
    انت هنا في
    بلاد
    العجايب ..
    أمال ايه ..
    قاللي ليه الهيصة الكتير دي
    واللمة
    قلت له البلد كلها ف ثانوية
    عامة ..
    عندكوا مكتب تنسيق يا
    سيكو سيكو
    قاللي بس ده مش حل يا
    فريكيكو
    عندنا في اليابان مفيش
    مستحيل
    قلت له وعندنا ف مصر بالنا
    طويل
    وعندنا تلات أهرامات
    ونيل
    ومستورة وزي الفل
    قاللي عندنا
    ف اليابان
    المسئول
    اللي
    يغلط ..
    مفيش غير الانتحار ..
    قلت له وعندنا ف مصر
    اللي يخربها بيخرج
    منها
    معزز مكرم
    من صالة كبار
    الزوار
    ده
    المسامح
    كريم يا أخي
    وبعدين ..
    روحنا اتغدينا كوارع ف
    الحسين
    ومن ساعتها مش عارف
    هو فين ..
    مشفتش سيكو سيكو يا حج
    رضا ..

    0 Not allowed!



  7. [7]
    <محمد مصطفي>2
    <محمد مصطفي>2 غير متواجد حالياً
    عضو متميز جداً
    الصورة الرمزية <محمد مصطفي>2


    تاريخ التسجيل: Jan 2006
    المشاركات: 1,483
    Thumbs Up
    Received: 6
    Given: 0

    رثاء مصر

    خربوها
    الاوله آه
    والتانية آه
    والتالتة مفيش
    معنديش
    معنديش نفس اقول آه
    معنديش
    قالوا اقلعوا
    وأقلعنا
    ومفيش بتاعكوا
    وبتعنا
    وصار متعهم متعنا
    وألف مرة اتلسعنا
    وبرضك مفيش
    الاولة اه
    والتانية اه
    والتالتة مفيش
    قالوا ابصموا
    بصمنا
    ده بكرة سكر وسمنا
    سيبنا غيرنا رسمنا
    اتقسمنا
    علي أد ما فينا من جراح
    ابتسمنا
    الاولة .. والتانية .. والتالتة
    مفيش
    الدنيا هاصت وهيصنا
    ريحنا لما تيسنا
    تاه الطريق من اتوبيسنا
    يئسنا
    لا عرفنا ليه قلعنا
    ولا عرفنا ايه لبسنا
    الاولة .. والتانية .. والتالتة
    مفيش
    واهي ماشية تجري المسائل
    ولا حد سائل
    يصحي مرسي
    ينام وائل
    ده أنا كنت واد م الاوائل
    وكنت شاطر شطارة
    وكنت فن وعمارة
    وكنت صاحب تجارة
    معرفش ايه اللي صابني
    في قلبي ضاعت سمارة
    خربوها
    خربوها ولاد القطوطة
    لا طرحت بامية ولا قوطة
    وسابوها في سرير مربوطة
    ويا ريتهم طلعم رجالة
    ويا ريتها رايقة ومبسوطة
    خربوها
    دول سرقوا الهوا والضي
    ويا عيني عليها بلد
    يا ريتها ما جابت ولد
    خربوها
    دول سرقوا النخلتين والنهر
    والمدرسة
    والهندسة والجبر
    سرقوا الشوارع والمعاني
    والاغاني
    وسيد درويش والريحاني
    سرقوا المشاعر والمزاهر
    والبخور
    سرقوا الحزن
    سرقوا حتي القبور
    خربوها
    دول سرقوا الطيب والزين
    وسرقوا الكحل من العين
    وسابوها تاكل بالدين
    وان يوم اتعدلت .. عواجوها
    خربوها
    خربوها
    خربوها ولاد القطوطة
    انتهت



    ايه قيمة أبقي حصان جميل
    بس مربوط؟
    او نسر عظيم محنط محطوط؟
    لا ياعم
    خليني زي ما أنا قرد مجهول
    بس مبسوط؟

    0 Not allowed!



  8. [8]
    جسر الأمل
    جسر الأمل غير متواجد حالياً
    عضو متميز
    الصورة الرمزية جسر الأمل


    تاريخ التسجيل: May 2008
    المشاركات: 542
    Thumbs Up
    Received: 8
    Given: 46
    بصراحة ...أنا أحب الشعر العربي الفصيح

    0 Not allowed!



  9. [9]
    <محمد مصطفي>2
    <محمد مصطفي>2 غير متواجد حالياً
    عضو متميز جداً
    الصورة الرمزية <محمد مصطفي>2


    تاريخ التسجيل: Jan 2006
    المشاركات: 1,483
    Thumbs Up
    Received: 6
    Given: 0
    اشكرك
    بس الشعر دا مؤثر جدا ومعبر عن حالتنا

    0 Not allowed!



  10. [10]
    مهندس احمد غازى
    مهندس احمد غازى غير متواجد حالياً
    عضو فعال جداً
    الصورة الرمزية مهندس احمد غازى


    تاريخ التسجيل: Feb 2008
    المشاركات: 151
    Thumbs Up
    Received: 0
    Given: 0
    شعر جميل جدا

    0 Not allowed!



  
صفحة 1 من 2 12 الأخيرةالأخيرة
الكلمات الدلالية لهذا الموضوع

عرض سحابة الكلمة الدلالية

RSS RSS 2.0 XML MAP HTML