سؤال هام فى تصميم عماره - ومن المختص ؟

nagdo

عضو جديد
إنضم
25 يوليو 2013
المشاركات
5
مجموع الإعجابات
0
النقاط
0
بسم الله

انا ليست خريج هندسه

ولكن هناك استفسار حيث اريد ان انشأ عماره بمواصفات معينه

ومش عارف المختصين لفعل ذلك مين هما

بس انا هقول انا عاوز ايه ؟ وحد يفهمنى

دلوقتى انا عندى ارض والحمد لله

عاوز ابنى عليها ولو يكن مثلا 180 متر صافى

عاوز ابنى اساس للعماره يشيل عشر ادوار

عاوز الاساس يكون محمى من اى ميه تحت الارض او انه يتأثر بعوامل رطوبه
والتى بتأثر بعد كده على الحيطان العماره باكلمها بمرور الزمن

عاوز الاساس يكون ثابت مش قلاقى فى المستقبل مثلا الدور الارضى بلاط اعلى من بلاط ونقر فى الارضيه كده

عاوز يكون بداية بوابة العماره يبدأ من ارتفاع مترين او ثلاثه او خمسه على حسب - ازاى ده يحصل ؟
من غير ما اعمل بدروم - ولو هعمل جراش عربيه يبدأ مع بداية بوابة العماره

عاوز طريقه رسمه معينه للعماره من الخارج والداخل

عاوز امان فى العماره من اهتزازات ارضيه -
وكنت عاوز اركب كاميرات امان وحمايه

الارض مش متوصلها لسه صرف صحى ولا كهربا اقرب صرف وكهربا مسافه 300 متر مثلا - ومدى تأثير الكلام ده على رسمة العماره ؟ والمختصين فى ذلك ؟

عاوز ديكور خارجى للعماره

لو حابب اركب اصنسير - ومدى تأثير ذلك على رسم العماره - والمختص فى ذلك ؟

عاوز اعمل توصيلات كهربا معينه وكذا دش وامور اخرى - والمختص فى ذلك ؟

انا وضحت بعض النقاط اللى بثيرها
وعاوز اعرف مين اللى يعملى ده كله المهندس المدنى لوحده وللا فى ناس بتساعده ومختصين اخرين وها مين ؟ وهل بيكونوا مع بعض ولا كل واحد بيشتغل لوحده

عاوز افهم يعنى ؟

شكرا
 
التعديل الأخير:
أعلى