مش عارف ممكن موضوعي يكون غريب ممكن مجموعه تفتكرة تفاهات وممكن مجموعه تفتكرة فكر غلط وممكن مجموعه تفتكرة ان دة مش مكانة بس اعمل اية انا بعتبركو كلكم اخواتي وان الموقع بيتي التاني اول مرة لا اكون محتاج استشارة هندسية او سؤال فني المرة دي محتاج دعم معنوي
اخوكم جالة فرصة سفر ؟ اية الجديد.... مبروك.... يابختك.... عقبالي.... دة ممكن الي يتقال بس انا حاسس احساس مختلف اقلول ليكو لية !
من اسبوعين عملت مقابلة نجحت راتب محترم عقد كويس شركة كبيرة في السعودية كويس اتقبلت في الوظيفة مطلوب تجهيز ورقي بداء حوار بيني وبين نفسي قلت انت شغال في شركة كبيرة وعايش في بلدك وبعدين؟ قلت يواد لازم تكون مستقبلك ويكون عندك حاجة للزمن؟ بس انت اتجوزت وكويس وعايش مستورة اه ما بتعرفش تحوش حاجة بس اهو كويس؟ قات ابدا في تجهيز ورقي دخلت في دوامة المصالح الحكومية والقرف بتاعها والاختبارات الطبية وياخبر مصر كلها مسافرة اية دة المهم كملت وديت ورقي للمكتب اسبوع اتصال مهندس علي ورقك خلص وتاشيرتك طلعت حدد ميعاد سفرك!
ياخبر اسافر حصل ليا خوف غريب داخلي وقلق مش طبيعي وقلت لنفسي لا مش لاعب زي الاطفال اول مرة اسيب مصر من 30 سنة وهو عمري.
هل الموضوع يستحق هل اسافر واجرب واسيب الشركة الي شغال فيها هل اسيب اهلي واضحي علشان مستقبلي؟
بس انا غريب في بلدي بشتغل 9 ساعات كل يوم وما بلحق اشوف قاريبي غير كل كام شهر حتي اخواتي مرة اواتنين في الاسبوع طب ابي وامي
مش عارف حاسس اني ممزق؟ بس عارفين بجد انا باخد مرتبي بيضيع اكل وشرب ونور وغاز وتليفون
مش عارف احوش اي حاجة مش عارف اجيب عربية 127 فيات حتي بتبهدل في اي مصلحة حكومية يا ربنا حد فيكم جرب السجل المدني يا خبر بهدلة بهدلة كانك بني ادام وهما من جنس تاني عارفين حالة السعار الي بقت فيها البلد
خايف وقلقان بس اتوكلت علي الله محتاج رايكم ومحتاجو جانبي

__________________
سأل أعرابي الخليل بن احمد ( ما أنواع الرجال ؟ فقال الخليل ( الرجال أربعة رجل يدري ويدري انه يدري فسلوه ورجل يدري ولا يدر انه يدري فذاك ناس فذكروه ورجل لا يدري ويدري انه لا يدري فذلك يسترشد فعلموه ورجل لا يدري ولا يدري انه لا يدري فذلك جاهل فارفضوه ) .

اخ على/السلام عليكم ورحمه الله
أحساسك ده شىء طبيعى ولكن
توكل على الله وسافر ولا تضيع الفرصه وافضل لك الف مره تكون غريب خارج بلدك ولا تكون غريب داخل بلدك
وعلى فكره يا اخى انا جت لى نفس الفر صه من3 سنوات وترددت وضاعت وندمت
فأعقلها وتوكل
ولا تنسنى من دعائك عند رسول الله صلى الله عليه وسلم
ارجومن الله العظيم ان يذكرك

السلام عليكم
يا اخي في الله
انا مغترب سوري في الخليج وبدي انصحك تترك بلدك بس بشروط اولها لازم تعرف انه
اذا مارح تاخد قد اللي بتاخده ببلدك اربع مرات لا تترك بلدك
تاني شي اذا كانت الشركة بالسعودية فمتل ما بعرف السكن رخيص يعني ممكن تجيب عائلتك معك بعد كم شهر والاكل كمان
بس اذا كان الامارات فاحسلك لا تفكر
بعدين شي تاني بكرة بجيب الوالدة على الحج والوالد يعني اذا السعودية وجدة روح الله يوفقك
بس اذا رحت حاول ما تحكي كتير بالسياسة وتسال هذا شو جنسيته لانه بتبدا الناس تحاربك اذا عرفوك بتكره جنسية معينة
ولا تسال حدا كم راتبك او تجيب احد سألك كم راتبك لانه رح تتاثر كتير وبالذات اذا شفت احد بياخد اكتر منك وبيشتغل اقل منك
كمان شهادة قيادة السيارة في البلد الرايح عليها كتير مهمة
الله يوفقك وبالتوفيق هذا والله اعلم
اخوك بالله احمد حباب
سبحان الله وبحمده سبحان الله العظيم

اخي اشرف تبريد شكرك علي ردك كم اثلجت صدري باجابتك
[quote=ولا تنسنى من دعائك عند رسول الله صلى الله عليه وسلم
ارجومن الله العظيم ان يذكرك[/quote] انشاء الله سوف اتذكر وادعو لك

__________________
سأل أعرابي الخليل بن احمد ( ما أنواع الرجال ؟ فقال الخليل ( الرجال أربعة رجل يدري ويدري انه يدري فسلوه ورجل يدري ولا يدر انه يدري فذاك ناس فذكروه ورجل لا يدري ويدري انه لا يدري فذلك يسترشد فعلموه ورجل لا يدري ولا يدري انه لا يدري فذلك جاهل فارفضوه ) .

اخي احمد حباب متشكر جدا علي نصايحك الغالية وبالفعل المرتب عالي بس خوفي انة يتراجع وميدنيش مرتبي زي ما اتفقت ناس كتير حصل معاها كدا بس انا بتوكل علي الله وبستخير بالفعل السفر للسعودية وامنيتي اني اقدر اجيب امي وابي للحج

__________________
سأل أعرابي الخليل بن احمد ( ما أنواع الرجال ؟ فقال الخليل ( الرجال أربعة رجل يدري ويدري انه يدري فسلوه ورجل يدري ولا يدر انه يدري فذاك ناس فذكروه ورجل لا يدري ويدري انه لا يدري فذلك يسترشد فعلموه ورجل لا يدري ولا يدري انه لا يدري فذلك جاهل فارفضوه ) .

__________________

الف شكر يا هندسة يسعدني ردك والحمد لله انا في حالة اتزان نفسي الان ومستعد للسفر واكيد ربنا سوف يكرمني لان ربنا كريم وشكرا لكل من قدم لي دعم معنوي وشكرا لكل الي دخل وقراء الموضوع ولم يعلق فانا شاكر لكم كلكم

__________________
سأل أعرابي الخليل بن احمد ( ما أنواع الرجال ؟ فقال الخليل ( الرجال أربعة رجل يدري ويدري انه يدري فسلوه ورجل يدري ولا يدر انه يدري فذاك ناس فذكروه ورجل لا يدري ويدري انه لا يدري فذلك يسترشد فعلموه ورجل لا يدري ولا يدري انه لا يدري فذلك جاهل فارفضوه ) .

ربنا يكرمك و يهديلك الحال يارب يا هندسة
اخوك : تامر الجزار

الف شكر يا تامر باشا عقبالك ان شاء الله

__________________
سأل أعرابي الخليل بن احمد ( ما أنواع الرجال ؟ فقال الخليل ( الرجال أربعة رجل يدري ويدري انه يدري فسلوه ورجل يدري ولا يدر انه يدري فذاك ناس فذكروه ورجل لا يدري ويدري انه لا يدري فذلك يسترشد فعلموه ورجل لا يدري ولا يدري انه لا يدري فذلك جاهل فارفضوه ) .

اخى الحبيب
ارجوك الاهتمام بدقائق بنود العقد
ولاتغتر بالوعود الشفوية فلن يبقى الا ما هو مكتوب صراحة فى العقد المعتمد من القنصلية
ودعائى لك بالتوفيق

الف شكر وربنا يبارك فيك

__________________
سأل أعرابي الخليل بن احمد ( ما أنواع الرجال ؟ فقال الخليل ( الرجال أربعة رجل يدري ويدري انه يدري فسلوه ورجل يدري ولا يدر انه يدري فذاك ناس فذكروه ورجل لا يدري ويدري انه لا يدري فذلك يسترشد فعلموه ورجل لا يدري ولا يدري انه لا يدري فذلك جاهل فارفضوه ) .

اتوكل عالله يا علي وان شاءالله مش حتندم .
أنا عندي مبدأ ماشي عليه . علشان تغير من وضعك لازم تغير الوضع اللي انت في سواء غيرت الشركة اللي انت فيها أو سافرت على مكان تاني أو حتى غيرت المهنة اللي انت فيها لو اضطريت يعني من مهندس تكييف صرت مهندس ديكوور مثلا وده اللي حاصل معايا إن شاء الله ربنا حيوفقك

__________________

( الحمدلله - الحمدلله - الحمدلله - الحمدلله )