السلام عليكم ورحمة الله وبركاته
اعرض معكم حاله لزيادة دور لمنزل بطريقة الحوائط الحامله

رايت بعينى
بيت مكون من أرضى و3 أدوار متكرر بنظام الحوائط الحامله بمساحة حوالى 100 م2
محاط بجار من الخلف والجوانب
تتوسط الوجه الأماميه بلاطه كابولى " بلكونه أو تراث " بعرض تقريبا 75 سم وطول حوالى 5-6 م
وعند زيادة الأدوار المتكرره إلى دور رابع متكرر بنفس النظام " الحوائط الحامله "
تم صب بلاطة سقف الرابع بسمك 20 سم ترتكز على مخدات ( 12x20 ) سم " كمر ساقط صغير العمق جدا "
وتم عمل عمود ( 20x10 ) سم فى ركن البلكونه الداخلى للجه اليمنى فقط وذلك لأختلاف التصميم المعمارى الداخلى للمنشأ وتوزيع الحوائط ويرتكز على الترابزين للبلكونه فى الدور الرابع " سور البلكونه من الطوب " وفى الأعلى سقف الرابع مباشرة اى لا يوجد كمر ساقط يطول الوجه الأماميه

*-* سورى أنى سميته عمود مش لقيله تسميه تانيه فأغلب الكودات أن مكنش جميعها على المستوى العالمى يعطى أدنى بعد للعمود ب ( 20x20 ) سم
*-* التسليح لا أعلمه ولا يهم فهو فى اغلب الحالات منيمم " أدنى حد تسليح "

أناقش معكم
1 - ما فائدة هذا العمود ؟
2 - وهل يأخذ أحمال أم لا ؟
3 - وأن أخذ أحمال فإلى من ينقلها ؟
4 - هل يمكن الأستغناء عنه ؟
5 - وهل يمكن أستبداله بعنصر أنشائى آخر ؟
7 - وإن تم تكبير قطاع العمود فماهى الحاله عند إذ ؟
8 - وكيف يعمل العمود وهو لا يرتكز على مثيله أسفله بطبيعة النظام الهيكلى ؟

ملحوظه يمكن بالطبع عمل اعمده تقف فى بعض الأدوار ولا تكمل إلى النهايه أو عمل أعمده تبدأ من ادوار علويه ......... ولكن بتصميم معين وحالات خاصه مدروسه جيدا !!!

فل نناقش سويا التحليل الأنشائى لهذه الحاله ليستفيد الجميع ومحدثكم أولهم

__________________

السلام عليكم...
هذا "العمود" تراه في معظم العمارات الجديدة بالقاهرة بين طابقين ثم يتوقف ثم بين طابقين آخرين و يتوقف
الحقيقة و في حالة البلكونات الكبيرة نسبيا و بعد حدوث مشاكل لا تخفى على أحد نتيجة اهمال بالتنفيذ...أصبح الوضع الشائع بين المصممين الى تأمين ال cantelivers مبالغ فيه
هذا "العمود"هو عنصر شد (tie member) حتى انك تراه في بعض البنايات كابل , و يظهر ذلك جليا من صغر مقطعه ..تخيل ال buckling لهذا العمود !!
كما انه يقاوم التشكلات...صحيح هل رأيت تسليحه؟

تحياتي,,,,,,,,,,,,,,,,

__________________
Abo Seif

أولا يا هندسه القائم على العمل ليس مهندسون تصميم أو تنفيذ
ثانيا : حضرتك تقصد أنه شغال " هانجر " بس الهانجر اقل بعد ليه 25x25 وكمان الهانجر بينقل شد
هنا هيشيل شد أزاى يعنى ؟ وهيشيل شد منين أصلا
العمود ده لو شغال يبقى بيشيل ضغط مفيهاش كلام ولا انت ايه رأيك يا بشمهندس أيمن ؟
لاحظ يا هندسه أن ده عشان يشيل شد لازم تسليح يبقى تسليح هنجر وده اتصب على ابوه على الترابزين والترابزين ده بقالو سنين لأنه كان ترابزين السطح
ولا أنت ايه رأيك يا هندسه .....
وكمان مقطع العمود فى هذه الحاله كان 10x20

Be Conction

سالدان للهندسه والإنشاءات

__________________

السلام عليكم اعتقد ان هذا العمود ليس له دور فعال ويمكن الاستغناء عنه

السلام عليكم..

أخشى أني والزملاء لم نتصور الحالة بشكل جيد، لذا حبذا لو تستطيع أخذ صورة فوتوغرافية لهذه الحالة وبالتالي أظن بأن نسبة المشاركة ستكون كبيرة إذ أن الموضوع ملفت للانتباه...

الصوره الأولى للعمود كاملا
والثانيه لنفس العمود عند نقطة أرتكازه على الترابزين

سالدان للهندسه والإنشاءات

الصور المرفقة

	column.bmp‏ (371.0 كيلوبايت, المشاهدات 75)
	على الترابزين.bmp‏ (177.0 كيلوبايت, المشاهدات 63)

__________________

حسب كلامك يابشمهندس
فان نظام البناء هنا ( جدران حاملة ) وبالتالي ليس نظاما هيكليا
اي ان الاعمدة ليست عناصر اساسيه لنقل الاحمال
لذلك اعتقد ان هذا العمود ليس لنقل الاحمال
ربما منظر جمالي فقط
او ممكن وجدوا انهم بحاجة اليه لسند السقف من تلك الجهة
ام ماذا

__________________

هذا هو محل النقاش هل يمكن أن نجد أننا نحتاج لسند السقف بعمود فى نظام الحوائط الحامله
وبعدين ده مش عمود ده (10x20) سم فهل ممكن السمك ده يسند أو ينقل أحمال أكيد بالطبع لأ
وكمان مع بلاطه سمكها 20سم
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

سالدان للهندسه والإنشاءات

__________________

معناها الموضوع موضوع ديكور فقط والله اعلم

معتقدش خالص يا هندسه
أولا الناس دى مش بتاعت ديكور خالص وكمان الديكور مش هيبقى فى جمب واحد
اعتقد ان فى أعتقادهم أن ده بيسند السقف زى ما حضرتك قولتى
وعشان كده انا عايز اناقش الموضوع ده

سالدان للهندسه والإنشاءات

__________________

الاخ سالدان / السلام عليكم ورحمة الله وبركاته
العمود ده مالوش لازمه ولا يتحمل اي احمال لان البلاطة هنا محمله من ثلاث جهات فقط والجهه الخارجيه ( جهة البلكونه ) لا يوجد بها كمرة حيث انه من الطبيعي ان احمال البلاطة تنتقل الي الكمرات واحمال الكمرات تنتقل الي الاعمده ولكن هذا العمود لا توجد كمرة محمله عليه وبالتالي فلا يوجد نظام انشائي يعمل العمود من خلاله. هذا طبعا لو اعتبرناه عمود من الاساس
والكمر اللي بتقول مرتكز عليه السقف طبعا ده كلام مش مظبوط لو السقف زي ما بتقول سمكه 20 سم لانه هايبقي وكانه فلات سلاب ودي مشكله في طريقه نقل الاحمال منها للحوائط اللي تحتها واللي اعتقد انها ها تكون 12 سم سمك مثلا
يعني الشغل ده بظرميط واهي ماشيه ببركة دعاء الوالدين وسبحان الله

السلام عليكم ورحمة الله وبركاته
سيدى الفاضل / م. محى الدين
تحيه طيبه وبعد
أشكر سيادتكم على المشاركات الفاعله ليس هنا فقط ولكن على السايت بالكامل بارك الله فى حضرتك وجزاك الله خيرا
بالنسبه للشغل ده كان رأى بردو كده وده اللى لفت نظرى خلانى اطرح الموضوع للنقاش
ده غير ان البلاطه انا شايف تسليحها رقه واحده " شبكه سفليه " على الرغم من أنها بسمك 20 سم وحاجات تانيه كتير ..............................
بس موضوع " baby column " لفت نظرى جدا لدرجة انى قولت أتناقش معاكم هنا فى السايات حتى يستفيد الأخوه المهندسين حديثى الخبره
وعلى فكره ده هنا فى مصر بنسميه الشغل البلدى " اللى لا فيه مهندس ولا حاجه "
شوية صنيعيه يمكن يكون ليهم كمنده ويمكن لأ ...... وهم دول اللى بيقوموا بالواجب كله حتى الصب بيبقى بطبليه المحرات .
يعنى زى ما حضرتك بتقول ماشيه بدعا الوالدين وبركة ربنا والله
وبيرجعوا يقولو ما البيوت واقفه زى الأسد أه ومش عاملها مهندسين ولا حاجه هههههههههههههه
وفعلا الخرسانه المصريه سرها باتع يا هندسه

سالدان للهندسه والإنشاءات

__________________

السلام عليكم ورحمة الله .
تحياتي لجميع الزملاء
م.احمد انا فعلا" شدني منظر هذه البلاطة ومنظر ال Demo column كما احببت ان اسميه والذي باعتقادي انه محمول من السقف وليس العكس يعنى لو السقف السفلى سقط ( لا سمح الله) سيبقى العمود معلق بالسقف العلوى . واكيد ان هذه الجملة لا تمت للتحليل الانشائي بصلة ..

لكن انا اود بالفعل من باب الفضول ان اميز الجملة الانشائية ( ان وجدت ) لهذه البلاطة يعني :
- نوع البلاطة : مصمتة باتجاه واحد او فلات او ...
- طريقة الاسناد . وهل هي مستمرة ام بسيطة
-قوة الخرسانة المتوقعة
-التسليح ان امكن .

ومن هذه المعطيات فلنحاول دراسة قيمة العزم المقاوم Mrs لمقطع البلاطة اما من خلال مقاومة الخرسانة او من خلال الحديد ... ومن ثم نقارنه بالعزم المطبق فعليا" على البلاطة من خلال الاحمال الحية والميتة والتي من السهل ايجادها .
مع توقعي الاكيد بفشل البلاطة الا انني اتمنى التجربة لاثبت فعلا" المقولة ( الخرسانة سرها باتع )

مهندس محمد
مرحبا بك
لو العمود معلق بالسقف العلوى يبقى بيشيل شد يعنى شغال هانجر مش عامود والناس دى متعرفش يعنى أيه هانجر خالص وانا متأكد أنهم مش هيسلحوه عشان يشيل شد لأنهم ميعرفوش
أما للإجابه على الأسئله
أنا والله ما عارف ............ ؟
البلاطه دى نوعها ايه هل هيا مصمته بكمر ساقط ... ولا فلات بسمك 20سم ولا أيه بالضبط
يا هندسه ده شغل بلدى لا يمت للأنظمه الهندسيه بصله
هو مجرد سلطة قطاعات خرسانيه لا أكثر
وشكرا لكلام حضرتك المميز

سالدان للهندسه والإنشاءات

__________________

مهندس احمد
انا لم اقصد انه سيعمل شد , كل ما قصدته انه لا يمكن ان ينقل حمل او يكون له اي دور خاصة ان عملية الصب تمت ( على ابوه) ومن خلال البلكون .