السلام عليكم ورحمة الله وبركاته,’
ياريت ياباشمهندس samoza توضح الموضوع بصورة أفضل علشان الناس اللي شايفين في نفسهم القدرة علي التعاون تقدر تتقدم..
بمعني إن اللي بتتكلم عنه ده موضوع بحثي مثلا وموارده موجوده ولا موضوع تجاري ومحتاج أفكار وياريت لو سمحت لو تقدر تتدخل علي الموضوع اللي بنتناقش فيه عن مشكلة البحث العلمي والتطوير في الوطن العربي وتتقدم بالطرح اللي انت بتتكلم عليه وانت هتلاقي أكيد اللي يدلك لأني شايف في كلامك بادرة أمل وهتلاقي اللينك موجود بالأسفل......
بالنسبة بقي لموضوع عمن لدية فكرة تطوير محركات,, فعلي ماأعتقد الموضوع محتاج بحث, فعلي سبيل المثال أنا لسه خريج جديد السنة دي وأعتقد إني مش هقدر أفيدك بس كنت مرة حضرت في الكلية مناقشة رسالة ماجيستير , كان فيها أحد المهندسين متقدم بورق بيتكلم فيه عن تطوير لأحد موديلات المحركات النفاثة,, ومكتبة القسم عندنا في هندسة طيران القاهرة تحوي العديد من هذة الرسائل والمشاريع, وعلي هذا الأساس بـأطلب منك التوضيح لأنه بناءا عليه إن شاء الله أقدر أحدد ليك تعمل ايه,, فمثلا لو انت عاوز مشروع جاهز للتنفيذ , ده هيستلزم انك تزور الجامعة وتحاول تلتقي بمجموعة من الباحثين والمعيدين اللي بيشتغلوا علي مثل هذة المشاريع , أو أنك تنوي إنشاء نواة مركز أبحاث في هذا المجال وتبحث عن كوادر وخريجين مستعدين للعمل والبحث في هذا المجال, والله الموفق.....
بالنسبة للينك اللي بناقش فيها مشكلة البحث العلمي في مصر هتلاقيها بعنوان
مشروع التخرج لهندسة الطيران 2007 وأزمة مركز بحوث الطيران
http://www.arab-eng.org/vb/showthread.php?t=63906
19-09-2007, 05:38 PM
