اخوانى اعتقد ان كل المهندسين حديثى التخرج يعانون من نفس المشكلة ولكن ماهى الاسباب التى ادت الى ذلك هل هو عدم الثقة بالنفس او عدم الثقة فى ما تعلموه بالكلية ومن المسئول عن ذلك هل اساليب ومناهج الدراسة بالكلية قاصرة وجامدة ولاعلاقة لها بالحياة الواقعية ؟ اسئلة تبحث عن اجوبة . وفق الله كل مهندسينا الجدد

بسم الله الرحمن الرحيم
انا كنت طرحت الموضوع ده للمناقشه من حوالى شهرين كنت وقتها لسه مستلم الشغل وبجد كنت محتاج لأى نصيحه او اى خبره من اى اخ مهندس لأنى كنت عايز أبدأ بدايه مشرقه لأنى مقتنع بحكمه سمعتها من شيخ بتقول ( من أشرقت بدايته أشرقت نهايته )
دلوقتى احب طبعا بعد إذن اخوانى المهندسين الكبار انى اقول خبرتى اللى خدتها من الشهرين اللى فاتو دول خصوصا انى حاسس انهم سنتين مش شهرين
انا شايف ان اهم حاجه الثقه بالنفس فى كل المواقف وفى كل الاوقات حتى لو مش عارف
تانى اهم حاجه ان الواحد يعتبر نفسه لسه بيتعلم ولسه مبقاش مهندس ولازم يسأل عن كل حاجه واى حاجه بيشوفها ومش عارفها
تالت حاجه انه ميبصش للماده فى اول 3 شهور المهم يبص انه يشتغل فى شركه او مكتب شغال فى انشطه ومقاولات كبيره علشان يتعلم
وطبعا فوق كل ده لازم يتقى الله فى كل ثانيه بتمر عليه وهو فى شغله
ديه الخبره اللى انا خدتها من الشهرين اللى فاتو وقلت اقولها لاخوانى المهندسين فى المنتدى وبرجو من ربنا ان حد يستفيد من الكلام ده ولو بكلمه واحده
وشكراااااااا
اخوكم
م. إسلام شعراوى

شباب هل يوجد مرجع بالعربي ينقل لنا الخبرة؟؟
او اي وسيلة اخرى؟؟
انا لسه خريج و اعمل مهندس تنفيذ..انصدمت لما شفت واقع الدراسة غير نهائيا عن واقع العمل!!

كيف الحل؟..وبماذا تنصحون حيث انه المشروع الذي اشتغل به انا المسؤل عنه ولا يوجد احد غيري وهو عبارة عن فلل فخمه لغرض الاستثمار

ياريت تساعدوننا نحن المهندسين الجدد وشكرا جزيلا

الثقة اهم شي الثــــــــــــــــــــــــــــــــقة بالنفس وحاول تكون طبيعي ولا تؤذن اذا انت تعرف شي وغيرك ميعرفة حاول اتكون ريلاكس ولاتخاف احنا بالعراقي انكول جيت يعني ارمي نفسك.

والله فعلا موضوع ممتاز

السلام عليكم و رحمة الله وبركاته
انا عضو جديد جدا فى هذا الموقع , وفعلا شئ عظيم ان نجد مثل هذه المواقع العربية التى تتيح للمهندسيين العرب سواء كانو شباب ام كبار ان يلتقوا ويتشاركوا الخبرات والمعرفة من اجل تطوير انفسهم وبالتالى الارتقاء بمستوى المهندسيين العرب . الف شكر للعامليين على هذا الموقع والمساهميين به , جزاكم الله كل خير
بالنسبة السؤال المطروح
انا خريج 2000 عملت عمل حكومى مكتبى لمدةسنتين ثم اتجهت للعمل باحدى الشركات الكبيرة
يعنى لسه خبرتى على قدى والكلام اللى زملاؤنا ارسلوه اكثر من رائع واحب ان اضيف له الاتى :
1- حاول تتعلم من العمال و بالذات الصنايعية الكبار اللى معاك اسرار كل صنعة -طبعا بدون رفع التكليف بينك وبينهم - صدقنى حتتعلم كتير اوى عن كل صنعة
2-لو حضرتك بتقوم باعمال حفر عميقة ( اكتر من 5 م ) لازم تراعى نوع التربة وكيفية الحفر الأمن ( بدون حدوث انهيارات فى جوانب الحفر) يعنى مثلا تقوم بعمل جوانب الحفر على شكل مصاطب ,عرض المصطبة وارتفاعها يعتمد على نوع التربة كلما زادت قوة التربة كلما زاد ارتفاع المصطبة وقل عرضها . او استعمال سواند لاجناب الحفر ( حوائط ساندة مؤقتة من الطوب او الاخشاب او sheet pillingاو اى اسلوب طبقا لنوع التربة والعمق المطلوب ومكان الحفر والامكانيات المتاحة
3-لاتنسى استلام المواد بدقة واسلوب حساب كل مادة يعنى مثلا :
-الاسمنت لو شكاير يبقى بالعدد , اما لوكان سايب يبقى لازم تتاكد ان فتحات خزانات الاسمنت متبرشمة برشام المصنع و ان بيانات اليصال اللى مع السائق مضبوطة بالنسبة للعربية وتبتدى تحفظ كل عربية حمولتها قد ايه وبتملى لحد فين من خزانات السمنت فى الخلاطة المركزية ( تقدر تعرف منسوب الاسمنت فى الخزانلت ببساط , اطلب من احد العمال الصعود على السلم الخارجى للخزان والتخبيط على جدران الخزان -طبعا الفاضى حيرن اكتر من المليان)
- الطوب بالعدد مع مراعاة نسبة الهالك ( فى الطوب العادى 20% ولكن فى بعض انواع الطوبالمفروض ان تكون نسبة الهالك اقل -و بالتالى تكون اغلى -لازم تبقى عارف النسبة دى و تتاكد ان الهالك لايتجاوز النسبة المفروضة
-بالنسبة للحديد انا كنت استخدم طريقة بسيطة و هى عمل حساب وزن السيخ لكل قطر حديد و 2عمال يعدوا السياخ ويبلغوك تقدر ساعتها تعرف وزن الحديد المستلم
-الركام بالمتر المكعب يعنى عرض صندوق العربية x الطول xالارتفاع
الخشب بالمتر المكعب
4- بالنسبة لجودة المواد راجع كتب الكلية فيها الشفا الى ان تكتسب الخبرة الكافية للحكم على المواد
5- لازم تكون فكرة عن المعدات الثقيلة اللى معاك فى الموقع بغض النظر عن وجود مهندس ميكانيكا لانك المسئول عن تحديد الشغل المطلوب منها ( وعيب يا بشمهندس ان سائق المعدة يظهرك كانك لا تعلم شئ عن المعدات)
6-خلى بالك من اجراءات الامن الصناعى ( كتتتتتتتتييييييييييرة قوى)
7-لا تتردد فى سؤال من هو اكبر منك لم يولد اى مهندس و هو خبيير
8- لاتتردد فى ان تكون حمبلى اذا لزم الامر ( لان للمهندس سمعة بيبنيها من اول يوم عمل )
9-المراجعة الدقيقة لمقاسات اعمال الشدد لان بعض المقاوليين يلجأ لتقليل المقاسات للتوفيير( 10 سم فى اى شدة تفرق كتتييييييير , صدقنى )
10- بالاضافة لكل ما اخبرك به زملائى ....................................... الف مبروك
ملحوظة : ارحب برسائلك و لا تتردد فى السؤال اذا واجهتك اى مشكلة

مشكووووووووووووووووورررررررررررررا

اقتباس:

المشاركة الأصلية كتبت بواسطة zoma82 اولا عليك بالثقة ولو انته مش عارف حاجة اسال المهندس اللى اكبر منك لا تتكسف كلنا كنا هكذا ثانيا اى حاجة مش عارفها اوعى تسيبها من غير ما تعرفها ثالثا وانته شغال ابدء تقرء الكتب بتاعة الكلية من جديد صدقنى هتحسس احساس جميل جدا وهتلاقى الكلام اللى كان فى الكتب وانته مش متخيله اوى بقيت بتشوفه رابعا اوعى تنسى التصميم يا معلم فاهم خامسا عليك بقى بكتاب المواد علشان الخرسانة وكل حاجة عنها من اول الركام و ماء الخلط والاسمنت واهم حاجة اوعى تصب باسمنت سخن والا تبقى مصيبة لان تفاعل الاسمنت مع الماء ينتج عنه حرارة ولو الاسمنت سخن ممكن السقف عندك يشرخ مهم جدا ماء الخلط يكون نظيف وتخلى بالك من اماكن ايقاف الصب وتخلى الخلة الخرسانية قوامها كويس زى ما بيقولوا الصنيعيية ملفوفة وتحاول تحفظ الالفاظ اللى بيقولها العمال وتعرفلك حبة مساحة علشان المناسيب والارتفاعات وتخلى بالك من الحديد واماكن ايقافه صدقنى الموضوع سهل ولذيذ بس محتاج منك حبة صبر وتبقى واحد مصحصح ولا تفعل الا الصح وما يمليه عليك ضميرك يعنى مافيش بقى غش فى المونة علشان نوفر اسمنت او حديد والحاجات اللى انتة عارفها الحاجة تتعمل صح فاهم وسلام ولا تقلق الموضوع بيجى واحدة واحدة

مشكوووووورررررررررررا

اقتباس:

المشاركة الأصلية كتبت بواسطة المهندس إسلام بسم الله الرحمن الرحيم انا كنت طرحت الموضوع ده للمناقشه من حوالى شهرين كنت وقتها لسه مستلم الشغل وبجد كنت محتاج لأى نصيحه او اى خبره من اى اخ مهندس لأنى كنت عايز أبدأ بدايه مشرقه لأنى مقتنع بحكمه سمعتها من شيخ بتقول ( من أشرقت بدايته أشرقت نهايته ) دلوقتى احب طبعا بعد إذن اخوانى المهندسين الكبار انى اقول خبرتى اللى خدتها من الشهرين اللى فاتو دول خصوصا انى حاسس انهم سنتين مش شهرين انا شايف ان اهم حاجه الثقه بالنفس فى كل المواقف وفى كل الاوقات حتى لو مش عارف تانى اهم حاجه ان الواحد يعتبر نفسه لسه بيتعلم ولسه مبقاش مهندس ولازم يسأل عن كل حاجه واى حاجه بيشوفها ومش عارفها تالت حاجه انه ميبصش للماده فى اول 3 شهور المهم يبص انه يشتغل فى شركه او مكتب شغال فى انشطه ومقاولات كبيره علشان يتعلم وطبعا فوق كل ده لازم يتقى الله فى كل ثانيه بتمر عليه وهو فى شغله ديه الخبره اللى انا خدتها من الشهرين اللى فاتو وقلت اقولها لاخوانى المهندسين فى المنتدى وبرجو من ربنا ان حد يستفيد من الكلام ده ولو بكلمه واحده وشكراااااااا اخوكم م. إسلام شعراوى

انا بشتغل فى حكومة بس عايزة اقول بحاول انى اعلم كل حاجة فى المجال المدنى وفى الحكومة شغل المدنى بيكون معظمة تتطوير يعنى فى شرخ فى حائط او فى حمام السباكة مش حلوة او اى حاجة من النوع دة ومع ذلك مشتنية اول فرصة اخرج لعمل فى الخاص علشان نفسى اخد خبرة كويسة انشاء اللة وسلام

انا عايزة اشكر بشدة المهندس md-salemعلى معلوماتة القيمة اللى انا استفدت منها كتير وياريت من مزيذ شكرا جزيلا

شكرا علي الموضوع الجميل