السلام عليكم
انا عندى سؤال هام جدا
انا مطلوب منى رسم دالة بإستخدام الماتلاب
انا عارف الأوامر الرئيسية لكن المشكلة ان الدالة تحتوى على جزء تربيعى وهذا الجزء متغير بمعنى آخر
انا الدالة متغيرة عندى من 0.001 الى 1000
انا عايز ارع الأرقام من 0.001 الى 1000
وكل ما اعمل كده يدينى ايرور انا مش عارف اعمل ايه
انا حطت ورا الرمز بتاعهم نقطة زى ما قريت لكن مافيش فايدة
ارجو اللإفادة
وشكر لكم
والسلام عليكم ورحمة الله وبركاته

مش فاهم انت عايز تعمل ايه بالضبط ؟؟
عايز ترسم x تربيع مثلا
و x لها قيم من 0.001 الى 1000 ؟؟؟
وضح سؤالك ولو عرفت هجاوبك ان شاء الله

بالظبط كده انا الدالة عندى er=1+n*alpha/(e0*w^2)*1
وعندى قيم w=0.001 :1000
انا عايز اربع الارقام من 0.001 الى 1000
المشكلة انى حاولت لكن فشلت يعنى حطيت نقطة ورا الw
وامر for
مش بيدينى نفس الدالة المرسومة
مشكور جدا لإهتمامك
ويارب تلاقى الحل

بص يا سيدي
اولا انا adde
بس غيرت الaccount بتاعي
المهم
ان شاء الله عارف حل مشكلتك
قبل ما تكتب
plot
اكتب السطر ده
w = w. * w
وبكده هو كل w هيرسمها هيضربها الاول في w يعني اتربعت ان شاء الله
انا جربت الحل قبل ما قولهولك على دالة عبيطة و نفعت الحمد لله
بس انا معرفش قيم المجاهيل في الرسمة بتاعتك بكام زي ال alpha مثلا
جرب و قولي

اولا شكر جدا على الإهتمام والتعب الكبير اللى عملته معايا
لكن ياريت تكمل معايا لأنى مش عارف اعمل ايه
ادى الأوامر اللى كتبتها
clc
clear all
n=25e22;
a=6e-6;
e0=5.85e-12;
w=0.001:1000;
z=w.*w;
er=1+(n*a)/(e0*(1+z))
semilogx(w,er)
grid
وادى اللى بيطلعلى مش عارف اعمل ايه بجد
??? Error using ==> mrdivide
Matrix dimensions must agree.

Error in ==> Untitled at 8
er=1+(n*a)/(e0*(1+z))
ياريت تساعدنى وشكرا مرة تانية
ويارب تلاقى الحل المرة دى لأنى علرف انى تعبتك
والسلام عليكم

بص يا باشا
clc
clear all
n=25e22;
a=6e-6;
e0=5.85e-12;
w=0.001:1000;
z=w.*w;
z=n;
er=1+(n*a)/(e0*(1+z))
semilogx(w,er)
grid
نفس الي انت كتبته ما عدا z=n
جربها هتلاقيها اترسمت فعلا
متسألنيش ليه عشان انا مش فاهم :d
بس على فكرة الرسمة غريبة جدا
ومش هتبقى واضحة غير لو شلت grid
يا رب تطلع هي الرسمة الي انت عيزها

مشكور جدا على تعبك معايا
وجزاك الله خير
صحيح مش هي الرسمة المطلوبة لكنى حاولت مع الhelp بتاع المات لاب
ونجحت فى اخراج الرسمة
مشكور جدا وجزاك الله كل خير

على ايه يا باشا
انا معملتش حاجه