أكاديمية أون لاين للتدريب

 

 

شرح حساب الاحمال باستخدام chvac7

بسم الله الهادى يسرنى اصدقائى الاعزاء الذين طالما فخرت بمعرفتهم حتى و ان كنت لم ارى معظمهم و بعد انتظار

صفحة 1 من 5 12345 الأخيرةالأخيرة
النتائج 1 إلى 10 من 44
  1. [1]
    الصورة الرمزية zanitty
    zanitty غير متواجد حالياً

    مشرف متميز

    تاريخ التسجيل: Jan 2007
    المشاركات: 6,032
    Thumbs Up
    Received: 904
    Given: 1,546

    شرح حساب الاحمال باستخدام chvac7

    بسم الله الهادى

    يسرنى اصدقائى الاعزاء الذين طالما فخرت بمعرفتهم حتى و ان كنت لم ارى معظمهم
    و بعد انتظار عام كامل منذ وعدى الاول
    ان اقوم بشرح طريقه حساب ازاله الحمل الحرارى باستخدام برنامج ايليت CHVAC7 للحصول على كافه البيانات المطلوبه لبدء مشروع تكييف لمكان ما

    تحميل البرنامج من مكتبتى و لكن نسخه تجريبيه لعدد محدود من الزونات

    http://www.mediafire.com/?53k3trnzthdxvar


    و لتحميل اللى بالى بالكوا هتلاقوه فى المرفقات

    محدش يستخدم CHVAC8 لانه لسه متعملوش (اللى بالى بالكوا)


    احب اوضح حاجه قبل ما نبتدى فى الشرح ... انا مش عبقرى فى علم التكييف و الثيرمو و الهيدروليك و خلافه لانى بالاساس مدرستهمش لانى كنت قسم انتاج


    لكن اكل الخبز هو اللى خلانى اشتغلت بتاع تكييف ... فعلى قد ما اعرف حشرح و فيه حاجات ممكن تقع منى و فيه حاجات ممكن اقولها متكونش صحيحه 100%


    و لذلك الموضوع ده هنعتبره موضوع جماعى لو حد شافنى غلطت فى حاجه يا ريت يلحقنى بالتصحيح ... بس مش عاوزين برضوا الموضوع يقلب شات زى باقى مواضيعى و زيكو تكييف (الله يرحم ايامه و يمسيه بالخير) يخش يتريق علينا و على الشات بتاعنا و الكلام ده حصل فى موضوع شرح الهاب فى موضوع
    سنه اولى تكييف

    ملحوظه
    تم نقل المداخلات الى هذا الموضوع
    مداخلات شرح برنامج ايليت CHVAC7


    و تخصص الردود هنا فقط للاستفسارات حول البرنامج او لتصحيح معلومه تم ذكرها بالخطأ فى الشرح

    و لمتابعه الموضوع فى لوحه التحكم دون الاشتراك فيه يمكن ذلك عن طريق الخطوات الاتيه (موضخ فى الصوره التاليه)
    1- اذهب الى القائمه الموجوده فى اعلى الموضوع و اختر القائمه المنسدله أدوات الموضوع
    2- اختر الاشتراك فى هذا الموضوع
    3- اضغط موافق



    بعد ذلك ستحصل على اى تحديث بخصوص الموضوع فى لوحه التحكم الخاصه بك

    8 Not allowed!


    الملفات المرفقة
    التعديل الأخير تم بواسطة zanitty ; 2013-02-02 الساعة 12:15 AM


    › شاهد أكثر: شرح حساب الاحمال باستخدام chvac7

    ليكن اخر كلامنا فى كل مجلس هو دعاء كفاره المجلس
    سبحانك اللهم و بحمدك... اشهد ان لا اله الا انت... استغفرك و اتوب ا
    ليك

    من طلب رضا الله بسخط الناس
    رضى عنه الله و ارضى عنه الناس
    و من طلب رضا الناس بسخط الله
    سخط عليه الله و اسخط عليه الناس



    استحضار النيه (مهم جدا للجميع)


    ملفات مهمه على Dropbox

  2. [2]
    مشرف متميز
    الصورة الرمزية zanitty


    تاريخ التسجيل: Jan 2007
    المشاركات: 6,032
    Thumbs Up
    Received: 904
    Given: 1,546

    رد: شرح حساب الاحمال باستخدام chvac7

    فى الصوره التاليه نرى الواجهه الرئيسيه للبرنامج عند فتحه اول مره



    الخطوه الاولى هى انشاء مشروع جديد كما فى الصوره التاليه بان نقوم باختيار مشروع جديد ثم نختار blank project


    بعد ذلك نحصل على الشاشه التاليه


    هذه الشاشه تحتوى على عده تبويبات فى الاعلى
    التبويب الاول Project
    و هو الخاص ببيانات المشروع

    التبويب الثانى Client
    و يتم فيه ملأ بيانات العميل (صاحب المنشاه)

    التبويب الثالث Company
    و يتم فيه ملأ بيانات الشركه المعده للحسابات (المقاول)

    التبويب الثالث و الرابع حناجلهم لوقتهم علشان فيه حاجات لازم نفهمها قبلهم



    6 Not allowed!


    ليكن اخر كلامنا فى كل مجلس هو دعاء كفاره المجلس
    سبحانك اللهم و بحمدك... اشهد ان لا اله الا انت... استغفرك و اتوب ا
    ليك

    من طلب رضا الله بسخط الناس
    رضى عنه الله و ارضى عنه الناس
    و من طلب رضا الناس بسخط الله
    سخط عليه الله و اسخط عليه الناس



    استحضار النيه (مهم جدا للجميع)


    ملفات مهمه على Dropbox

  3. [3]
    مشرف متميز
    الصورة الرمزية zanitty


    تاريخ التسجيل: Jan 2007
    المشاركات: 6,032
    Thumbs Up
    Received: 904
    Given: 1,546

    رد: شرح حساب الاحمال باستخدام chvac7

    نركز بقى فى الصوره اللى جايه علشان هى دى قلب الايليت النابض بالحياه


    الاربع ايقونات اللى فى الاول شارحين نفسهم
    ملف جديد - فتح ملف - حفظ الملف - حفظ باسم

    الحروف دى بقى هى زبده الكلام على راى مش فاكر مين
    G يعنى General project data و دى اللى احنا لسه متكلمين عنها فوق
    O يعنى Operating load profile و دى اللى بنحدد منها البروفايل بتاع استخدامات الاشخاص و الاناره و المعدات و خلافه على حسب اشغال المكان
    I يعنى Indoor/outdoor design condition و دى اللى بندخل فيها اعدادات المدينه و كمان اعدادت الزون المطلوبه (درجه حراره و رطوبه)
    M يعنى Master data اللى هى بيانات الجدران و السقف و الزجاج و الابواب و الشبابيك و البارتشن و خلافه
    A يعنى Air handler data و الراجل ميقصدش انه اير هاندلنج يونيت و لكن المقصود هو وحده التكييف شخصيا اللى بتطلع الهوا ايا كان نوعها
    Z يعنى zone و دى اللى هى ال space فى الهاب او للى ميعرفش هاب فدى المنطقه اللى حنحسب لها الحمل الحرارى و ممكن تكون غرفه او صاله او مطبخ او اى شئ كان
    P يعنى Plenum و هو الحيز الفراغى ما بين السقف المستعار و السقف الخرسانى للدور

    الارقام بقى
    1- لاعداد تقرير باخراج معين غير الافتراضى بتاع البرنامج ( و انا عمرى ما جربتها )
    2- دى على ما اعتقد خاصه ببرنامج تانى من برامج الايليلت و اللى بيترسم فيه الزونات و ممكن تجيبهم من البرنامج ده بدل ما تدخل بيانات الزون يدوى
    3- و دى مرتبطه بالنقطه الىل قبلها بتحدد له طريقه المدخلات هل هى يدوى زى ما حنشرح و اللا بال drawing board
    4- دى قبل ما تعرض النتايج بتظهر لك لو فيه اخطاء و ايه هى الاخطاء
    5- دى مسؤوله ن طريقه عرض التقرير و بتحد له عاوز ايه يظهر معاك سواء فى المدخلات او فى المخرجات و حنتعرضلها فى وقتها بالتفصيل
    6- دى معاينه للتقرير نفسه و حنستخدمها كتير اوى قبل الطباعه
    7- طباعه
    8- برنامج و لا اعرف عنه اى حاجه
    9- دى لاضافه و حذف المدن و الظروف المناخيه ليها فى قاعده بيانات البرنامج
    10- ده خاص بنافذه الاكسبلورر اللى بتظهر اول ما نفتح البرنامج و انا غالبا بقفلها اول ما تظهر و معرفلهاش اى فايده فى الحسابات
    11- ليها علاقه بموضوع ال drawing board
    12- خصائص البرنامج (جربوها انتوا)
    13- اعتقد و العلم عند رب العزه ان ده بستورد بيه شكل معين للتقرير
    اخر حاجه الهلب



    5 Not allowed!


    ليكن اخر كلامنا فى كل مجلس هو دعاء كفاره المجلس
    سبحانك اللهم و بحمدك... اشهد ان لا اله الا انت... استغفرك و اتوب ا
    ليك

    من طلب رضا الله بسخط الناس
    رضى عنه الله و ارضى عنه الناس
    و من طلب رضا الناس بسخط الله
    سخط عليه الله و اسخط عليه الناس



    استحضار النيه (مهم جدا للجميع)


    ملفات مهمه على Dropbox

  4. [4]
    مشرف متميز
    الصورة الرمزية zanitty


    تاريخ التسجيل: Jan 2007
    المشاركات: 6,032
    Thumbs Up
    Received: 904
    Given: 1,546

    رد: شرح حساب الاحمال باستخدام chvac7

    اى حرف حندوس عليه حيفتح لنا نافذه جديده كما فى الصوره


    كل نافذه من دول جواها بلاوى و حنتكلم عنها لوحدها فيما بعد ان شاء الله علشان حان الان موعد النوم

    6 Not allowed!


    ليكن اخر كلامنا فى كل مجلس هو دعاء كفاره المجلس
    سبحانك اللهم و بحمدك... اشهد ان لا اله الا انت... استغفرك و اتوب ا
    ليك

    من طلب رضا الله بسخط الناس
    رضى عنه الله و ارضى عنه الناس
    و من طلب رضا الناس بسخط الله
    سخط عليه الله و اسخط عليه الناس



    استحضار النيه (مهم جدا للجميع)


    ملفات مهمه على Dropbox

  5. [5]
    مشرف متميز
    الصورة الرمزية zanitty


    تاريخ التسجيل: Jan 2007
    المشاركات: 6,032
    Thumbs Up
    Received: 904
    Given: 1,546

    رد: شرح حساب الاحمال باستخدام chvac7

    طيب دلوقتى حصل لنا الشرف و اتعرفنا على القوائم معرفه سريعه ، عاوزين نستفيد من المعرفه دى باى طريقه علشان تبقى معرفه مصالح
    يبقى نشتغل بقى كاننا حنبتدى مشرو بالفعل و نتابع الخطوات
    اول حاجه فى اى مشروع اننا بنحط له المدخلات الاساسيه فى المشروع ، نتوكل على الله و نبتدى مع الوضع فى الاعتبار عدم اهميه الترتيب فى ادخال المدخلات يعنى عادى اننا نبتدى بقايمه قبل التانيه المهم اننا ننتهى من كل القوائم قبل عرض التقرير و عمل الحسابات

    حنبتدى اول شئ (زى ما قلت لكوا الترتيب مش مهم يعنى مش مهم يكون ده اول حاجه) باننا نعمل بروفايل ( و علشان الناس الجديده تعرف معانا يعنى ايه بروفايل فده يا جماعه الشئ اللى بيوضح طريقه اشغال المبنى سواء للافراد او للاضاءه او المعدات او غيره يعنى لو مبنى سكنى حيبقى مثلا شغال اناره خلال ساعات الليل بشكل مكثف اكثر اما لو مبنى تعليمى فحيبقى الحمل الاكبر فى فتره النهار و هكذا )

    حنفتح النافذه بتاعه البروفايل بالضغط على حرف O فى القوائم كما سبق توضيحه
    حتظهر معانا النافذه التاليه


    فى خانه Description حتكتب توضيح (لنفسك) عن البروفايل ده
    و فى المثال اللى انا حاطه عملت بروفايل للاشخاص بمعدل اشغال للمبنى فى خلال 12 ساعه يعنى حنفترض ان المبنى ده مبنى تعليمى او مبنى اعمال مكتبيه او خلافه
    لو افترضنا انها كليه و بتبتدى الساعه 8 يبقى منطقى ان قبلها بساعتين العمال حتبتدى تنضف المبنى و فى الفتره دى حتستعمل شويه اناره و بعض المعدات
    و الساعه 7 قبل معاد العمل بساعه الموظفين النشطاء حيروحوا (وانا طبعا مش من دول علشان انا عمرى فى حياتى ما رحت فى معادى و دايما متاخر و حالتى وحشه جدا
    ) فبعمل حساب حمل 50% للناس اللى زى الفل دى
    الساعه 8 حيبقى الحمل كامل - طبعا ده مش صحيح لانى برضوا لسه موصلتش
    -

    ليه انا بقول الكلام ده كله
    علشان اوصل معاكوا لان الحمل الكامل بعبر عنه بحرف C يعنى Complete على ما اعتقد ده قصد مصمم البرنامج و الرقم اللى بكتبه فى الخانه المقابله للتوقيت هو النسبه المئويه للاشغال

    بعد ما عملت البروفايل رقم 1 بخش على رقم 2 و بعمله للاناره و 3 للمعدات
    و بعمل لنفسى بروفايل كامل 24 ساعه اشغال علشان ابقى لو حبيت بعد استعراض حمل المبنى على البروفايل ال 12 ساعه انى اقارنه ببروفايل 24 ساعه و اشوف الحمل حيتغير و لا لا و فيه ناس بتحب تحسب على 24 ساعه اصلا و مبتلجاش لموضوع الاشغالات ده

    كده خلصت اول نافذه يا اصدقائى و باعتذر عن الملل فى الشرح لكن بحاول انى اوضح كل كبيره و صغيره علشان فيه ناس مش بتتعلم البرنامج بس و لكن بتتعلم حساب احمال اصلا


    6 Not allowed!


    ليكن اخر كلامنا فى كل مجلس هو دعاء كفاره المجلس
    سبحانك اللهم و بحمدك... اشهد ان لا اله الا انت... استغفرك و اتوب ا
    ليك

    من طلب رضا الله بسخط الناس
    رضى عنه الله و ارضى عنه الناس
    و من طلب رضا الناس بسخط الله
    سخط عليه الله و اسخط عليه الناس



    استحضار النيه (مهم جدا للجميع)


    ملفات مهمه على Dropbox

  6. [6]
    مشرف متميز
    الصورة الرمزية zanitty


    تاريخ التسجيل: Jan 2007
    المشاركات: 6,032
    Thumbs Up
    Received: 904
    Given: 1,546

    رد: شرح حساب الاحمال باستخدام chvac7

    نيجى للخانه اللى بعدها يا شباب اللى هى بنجيبها من حرف I و دى خاصه بالخصائص المناخيه للمكان اللى حنحسب له الحمل الحرارى سواء كموقع جغرافى او كظروف تصميميه للمبنى
    بمعنى ايه
    اقول لك بمعنى ايه
    اول ما هتفتح حتطلع معاك النافذه دى


    قدامى حل من اتنين
    يا اما املا الخانات بنفسى لو عندى اى مصدر للبيانات دى ( و انا افضل ده رغم انه اصعب بس على الاقل تضمن ان البيانات محدثه )
    او انك تختار المدينه من قاعده البيانات بتاعه البرنامج كما فى الشكل التالى


    لاحظ ان ترتيب المدن مش ابجدى حسب المدينه و لكن ابجدى حسب الدوله نفسها (ماعدا امريكا حاططها اول واحده ابن اللذين رغم انها بتبتدى بحرف U)
    المهم بعد ما نحدد المدينه هتنزل البيانت كما بالصوره التاليه


    و زى ما قلت لكوا مش بفضل الطريقه دى غير لو انت مضطر و مش عارف تجيب بيانات محدثه من محطه ارصاد موثقه للمدينه اللى انت بتحسب لها الحمل لان قاعده البيانات دى الله اعلم بقالها كام سنه - و البرنامج نفسه خلاص النسخه 7 بطل ينزل لها تحديثات و عملوا نسخه 8 يعنى كمان كام سنه هتبقى البيانات دى متهالكه اصلا - و طبعا كلنا عارفين ان الظروف المناخيه بتتغير جدا من سنه للى بعدها يعنى جده مثلا فجاه بقى فيها سيول فى اخر كام سنه و مصر بقى بينزل فيها تلج و ده عمرنا ما شفناه و احنا صغيرين
    يعنى خلاصه الكلام لو عاوز تضمن شغلك حاول تجيب بيانات صحيحه للمكان اللى انت بتصمم له

    انتهى و نلتقى فى النافذه التاليه

    6 Not allowed!


    ليكن اخر كلامنا فى كل مجلس هو دعاء كفاره المجلس
    سبحانك اللهم و بحمدك... اشهد ان لا اله الا انت... استغفرك و اتوب ا
    ليك

    من طلب رضا الله بسخط الناس
    رضى عنه الله و ارضى عنه الناس
    و من طلب رضا الناس بسخط الله
    سخط عليه الله و اسخط عليه الناس



    استحضار النيه (مهم جدا للجميع)


    ملفات مهمه على Dropbox

  7. [7]
    مشرف متميز
    الصورة الرمزية zanitty


    تاريخ التسجيل: Jan 2007
    المشاركات: 6,032
    Thumbs Up
    Received: 904
    Given: 1,546

    رد: شرح حساب الاحمال باستخدام chvac7

    نسيت اوضح حاجه ىف المشاركه اللي فاتت
    لما بنختار المدينه اوتوماتك هو بيديلنا الظروف المناخيه لشهر واحد فقط اللى هو بيعتبر انه ال Peak و فى المثال السابق هو اختار شهر اغسطس
    فكده البرنامج حيحسب الحمل الحرارى للشهر ده فقط
    لو انت حابب ان البرنامج يحسب السنه كلها و يطلع ال peak على حسب حسابات ال 12 شهر فحضرتك مشكورا هتتعب و حتملا البيانات بتاعه كل الشهور


    6 Not allowed!


    ليكن اخر كلامنا فى كل مجلس هو دعاء كفاره المجلس
    سبحانك اللهم و بحمدك... اشهد ان لا اله الا انت... استغفرك و اتوب ا
    ليك

    من طلب رضا الله بسخط الناس
    رضى عنه الله و ارضى عنه الناس
    و من طلب رضا الناس بسخط الله
    سخط عليه الله و اسخط عليه الناس



    استحضار النيه (مهم جدا للجميع)


    ملفات مهمه على Dropbox

  8. [8]
    مشرف متميز
    الصورة الرمزية zanitty


    تاريخ التسجيل: Jan 2007
    المشاركات: 6,032
    Thumbs Up
    Received: 904
    Given: 1,546

    رد: شرح حساب الاحمال باستخدام chvac7

    نيجى بقى للحرف M و ده اللى هو Master data و شكله زى الصوره اللى جايه


    ده اللى فيه بيانات مكونات المبنى من جدران و اسقف و زجاج و بارتشن ( و علشان الناس الجديده نوضح يعنى ايه بارتشن كالتالى :-)
    البارتشن هو جدار (حيطه بالمصرى) عادى جدا ... امال ايه الفرق يا مولانا بينه و بين الجدار و ليه البرنامج عامل التفرقه العنصريه دى
    اقول لك
    الجدار ده فى حساب الاحمال بيطلق على الجدار ال exposure يعنى اللى بيبقى منه للدنيا الخارجيه مباشره .... اما البارتشن فبيبقى جدار ما بين مكان مكيف و مكان جنبه مش مكيف ...
    يعنى ايه
    الخارجى خلاص انتهينا منه ... البارتشن بقى هو زى ما قلنا فاصل بين 2 زون واحد منهم مكيف (غرفه مثلا او فصل دراسى او طرقه) و التانى مش مكيف (حمام مثلا لو مش مكيف او منور خدمات او سلم هروب - لو مش مكيف لان فيه ناس بتكيفه - و الجدار ده ممكن يبقى طوب عادى (بلوك ايا كان نوعه مش حيفرق معانا غير فى ال يو فاليو U-value و ممكن يكون الواح جبسيه Gypsum Board)
    فى الهاب فيه كمان غير ال wall partition فيه roof partition لكن فى الايليت مفيش روف بارتشن ده و يا ريت حد يفيدنا هل كده الحسابات مظبوطه بدونه و اللا علشان الايليت بياخد فى اعتباره البلينيوم و بيعتبر ان البلينيوم ده عمل فاصل بين المنطقه المكيفه و المنطقه اللى فوقيها و اللا ايه

    يرجع بقى مرجوعنا لموضوعنا
    الشاشه لما هتتفتح حنلاقى فيها عده تبويبات ... تبويب للسقف و تبويب للجدران و تبويب للبارتشن و تبويب للزجاج و تبويب للتظليل (ستائر او تنده من بتوع اخونا فى الله القبنورى او ما شابه)
    و اختصارا للوقت هنتكلم عن واحده فيهم علشان اللى حيصير على واحده حيصير على الباقى و محدش احسن من حد
    ناخد مثال السقف
    بص يا سيدى قدامنا حل من تلاته
    1- انك تدوس على السهم اللى جنب رقم السقف فتطلع لك شاشه جديده زى الصوره دى


    و من عند ASHRAE Number تنقى منه السقف اللى على مزاجك زى الصوره دى


    ده لو السقف بتاعك لو مش موجود فى القايمه تقدر تعمل واحد () و تضيفه للقايمه بانك تدوس على Add to custom list

    2- انك تدوس من الشاشه الرئيسيه على الرقم اللى جنب ASHRAE Number و تختار السقف بتاعك لو هو فى القايمه و حتلاقيه نزل ببياناته كامله

    3- و ده اللى انا بعمله لانه غالبا المعمارى بيختار مواد مش موجوده فى القايمه دى و انت و مشروعك و على حسب ما تعود المعمارى بتاعك و كل واحد و سيطرته بقى
    انك تدخل البيانات بمعرفتك واحده واحده

    لاحظ حاجه حنقولها لاول مره فى الايليت لكنها موجوده فى الايليت كله و دى تعتبر لوحدها شرح
    ان معظم الاختيارات لو دوست على السهم بتاعها بيديلك شرح واف عن الموضوع و كمان القيم المقترحه لو انت مثلا فيه قيم مش عارفها
    بمعنى ايه
    بص للصوره الجايه و انت تفهمنى


    عند خانه Susp. Ceiling (السقف المعلق) الراجل بيقول لك حط حرف Y لو السقف ده تحته سقف معلق و N لو لا
    و بهذه المناسبه اقول لك يا صديقى انك مش لازم تدوس على القايمه المنسدله دى كل مره علشان تختار انت ممكن تقف جوا الخانه و تكتب الحرف
    و اقول لك على حركه تانى فى الايليت كمان
    انت ممكن تتنقل من خانه للى بعدها بانك تدوس انتر او تاب اللى يريحك
    بس تاب (Tab) بتجيبك على الخانه اللى بعدها ايا كانت
    اما انتر (Enter) بتوديك على اول خانه ليها لازمه ... يعنى ايه ليها لازمه ... لما نوصل لل zone ابقى فكرنى احكى لك الموضوع ده علشان هناك اوضح

    المهم يا بطل تقدر تدخل كذا سقف بالطريقه دى و غالبا حتحتاج تدخل 2 ... واحد فيه قيمه السقف الخرسانى و التانى لقيمه السكاي لايت (القبه السماويه) (Sky Light) لان كل واحد فيهم له يو فاليو غير التانى

    لاحظ ان الخانه اللى قدامها القيمه = 0 البرنامج حيعتبرها مش موجوده ( و متتعودش على كده علشان ال 0 ده له معنى كبير جدا فى اماكن تانيه و ممكن يبوظ الدنيا لاننا لما نروح ال zone مثلا (يادى ال zone اللى انت مصدعنا بيها) هناك حنكتشف ان ال 0 له قيمه و لا يساوى 0 (ضحكات متقطعه شريره)

    المهم خلاصه الكلام ان الماستر داتا دى بتاعتك و بتاعه مواد مشروعك تعمل بيها و فيها اللى انت عاوزه

    و حيث ان الساعه هنا بقت 1 و نص و 7 يبقى كفايه عليكوا كده النهارده علشان حقوم انام و غالبا بكره مفيش شرح (ضحكات متقطعه اشر من اللى فاتت) علشان ظروف عائليه




    3 Not allowed!


    ليكن اخر كلامنا فى كل مجلس هو دعاء كفاره المجلس
    سبحانك اللهم و بحمدك... اشهد ان لا اله الا انت... استغفرك و اتوب ا
    ليك

    من طلب رضا الله بسخط الناس
    رضى عنه الله و ارضى عنه الناس
    و من طلب رضا الناس بسخط الله
    سخط عليه الله و اسخط عليه الناس



    استحضار النيه (مهم جدا للجميع)


    ملفات مهمه على Dropbox

  9. [9]
    عضو فعال


    تاريخ التسجيل: Jan 2010
    المشاركات: 56
    Thumbs Up
    Received: 8
    Given: 5

    رد: شرح حساب الاحمال باستخدام chvac7

    كلام زى الفل مقدرشى اقول حاجه عنه بس كان ليا شويه استفسارات .. 1- انت لما اختارت المدينه جده فعلا ظهر معايا اول شهر هو اغسطس وباقى الشهور مش ظهرت وبما انى فى الدمام ومش لقتها واقرب مكان ليا هو الظهران فاختارتها " ما شاء الله" طلع كل الشهور زى الصوره دى




    2- بالنسبه للبارتشن . كانت عايز اعرف البارتشن اللى بين مكانين فيهم تكييف ياعنى عنى غرفتين الفاصل اللى بينهم يبقى ايه؟


    3- طبعا لو مش متاح ليا انى اعرف السقف نوعه ايه . ودى بيحصل كتتتير . المفروض انا اختار ايه او ايه القيمه اللى بتكون متنشره واقرب الى الصح . شكرا .

    3 Not allowed!



  10. [10]
    مشرف متميز
    الصورة الرمزية zanitty


    تاريخ التسجيل: Jan 2007
    المشاركات: 6,032
    Thumbs Up
    Received: 904
    Given: 1,546

    رد: شرح حساب الاحمال باستخدام chvac7


    اقتباس المشاركة الأصلية كتبت بواسطة medoo00o مشاهدة المشاركة
    كلام زى الفل مقدرشى اقول حاجه عنه بس كان ليا شويه استفسارات .. 1- انت لما اختارت المدينه جده فعلا ظهر معايا اول شهر هو اغسطس وباقى الشهور مش ظهرت وبما انى فى الدمام ومش لقتها واقرب مكان ليا هو الظهران فاختارتها " ما شاء الله" طلع كل الشهور زى الصوره دى




    ما اهو علشان كده يا باشا انا قلت افضل تدخل البيانات بنفسك لان قاعده بيانات البرنامج انا شخصيا مش ضامنها

    2- بالنسبه للبارتشن . كانت عايز اعرف البارتشن اللى بين مكانين فيهم تكييف ياعنى عنى غرفتين الفاصل اللى بينهم يبقى ايه؟

    ما بين مكانين مفيهمش تكييف مبنعتبرهوش بارتشن و بيعتبر جدار داخلى مبيخشش فى الحسابات و لو عندك غرفه مكيفه و جنبها حيطه نصها مشترك مع غرفه مكيفه و النص التانى مع مكان مش مكيف مثلا يبقى تدخل نص الحيطه على انها بارتشن و النص التانى و لا كانك شايفه
    لما نيجى لشرح الزون ابقى فكرنى



    3- طبعا لو مش متاح ليا انى اعرف السقف نوعه ايه . ودى بيحصل كتتتير . المفروض انا اختار ايه او ايه القيمه اللى بتكون متنشره واقرب الى الصح . شكرا .

    مفيش حاجه اسمهما مش متاح ليك ... دى تلزق للمعمارى و لممدنى و لو هو hollow core تلزق للمصنع بتاعهم و تشوف كتالوجاته و تشوف باقى مكونات السقف من عزل و خلافه و تجيب ال total u-value ليهم ... دى حاجه تنسيقيه بينك و بين المعمارى و المدنى اللى عندك ...و لو دخلت على
    ashrae 2009 fundamentals شابتر 26 هتلاقى الشابتر ده مخصوص بس علشان موضوع اليو فاليو لاشهر المكونات عموما اللنك ده فيه اشهر قيم اليو فاليو لاشهر الخامات الموجوده بس نصيحه متعممش الموضوع ده و تستسهل الفايل لان كل مبنى بظروفه و مكوناته

    http://www.engineeringtoolbox.com/thermal-conductivity-d_429.html

    و فى المرفقات يا باشا هتلاقى ملف ورد فيه مثال عن طريقه حساب اليو فاليو (و الايليت نفسه بيحسب كمان اليو فاليو و حبقى اقول لك ازاى






    و فى المرفقات يا باشا هتلاقى ملف ورد فيه مثال عن طريقه حساب اليو فاليو (و الايليت نفسه بيحسب كمان اليو فاليو و حبقى اقول لك ازاى



    الردور فى الاقتباس باللون الازرق يا ريس

    1 Not allowed!


    الملفات المرفقة
    ليكن اخر كلامنا فى كل مجلس هو دعاء كفاره المجلس
    سبحانك اللهم و بحمدك... اشهد ان لا اله الا انت... استغفرك و اتوب ا
    ليك

    من طلب رضا الله بسخط الناس
    رضى عنه الله و ارضى عنه الناس
    و من طلب رضا الناس بسخط الله
    سخط عليه الله و اسخط عليه الناس



    استحضار النيه (مهم جدا للجميع)


    ملفات مهمه على Dropbox

  
صفحة 1 من 5 12345 الأخيرةالأخيرة
الكلمات الدلالية لهذا الموضوع

عرض سحابة الكلمة الدلالية

RSS RSS 2.0 XML MAP HTML

Search Engine Optimization by vBSEO ©2011, Crawlability, Inc.