أكاديمية أون لاين للتدريب

 

 

الاجابات النموذجيه لاسئلة المقابلة الشخصيه للمهندس المدنى حديث التخرج

بسم الله الرحمن الرحيم بداية انا مهندس حديث التخرج حاولت جاهدا انى اجمع الاجابات النموذجيه للاسئله بناء على طلب العديد

صفحة 1 من 9 12345 ... الأخيرةالأخيرة
النتائج 1 إلى 10 من 83
  1. [1]
    engineer.medo43 غير متواجد حالياً

    عضو فعال جداً

    تاريخ التسجيل: Feb 2010
    المشاركات: 377
    Thumbs Up
    Received: 17
    Given: 0

    Smile الاجابات النموذجيه لاسئلة المقابلة الشخصيه للمهندس المدنى حديث التخرج

    بسم الله الرحمن الرحيم

    بداية انا مهندس حديث التخرج حاولت جاهدا انى اجمع الاجابات النموذجيه للاسئله بناء على طلب العديد من الاعضاء ......ها هى بين ايديكم ويارب يستفيد بها اكبر عدد من المهندسين

    ولو فيه اى تعديلات ياريت مهندسينا الكبار يفيدونا اكتر

    على بركة الله نبدأ الاسئله واجاباتها :-

    1- عندك قاعدة خرسانية 2*3 م ............ بالنسبة للحديد الفرش هيبقى فى اى اتجاه ؟ وليه ؟
    بالنسبه لحديد الفرش بعد البحث عنه لقيت فيه اختلاف كبير جدا منهم من يقول انه يكون فى الاتجاه القصير (2م) لاننا نضع الفرش فى اتجاه العزم الاقل كما فى كتاب الدكتور مشهور غنيم ومنهم من يقول انه يكون فى الاتجاه الطويل كما فى الكود المصرى للتفاصيل الانشائيه ومنهم من يقول لايوجد فرق كبير فى اخذ اى من الاتجاهين .......الملف المرفق يحتوى على صفحه من الكود المصرى وصفحه من كتاب الدكتور مشهور غنيم

    2- اشرحلى اختبار الslump test ? وبنعمله ليه ؟

    slump test

    او اختبار الهبوط


    الغرض
    من هذا الاختبار :- هو لتحديد قابلية الخرسانة للتشغيل (Workability)
    ولتحديد قوام الخرسانة وتحديد نسبة الماء اللازم إضافته إلى الأسمنت

    يتم
    اختبار الخرسانه للهبوط بواسطه قمع الهبوط الذى توضع فييه الخرسانه مباشره
    بعد الخلط و يتم دمكها داخل المخروط على ثلاث طبقات كل طبقه 25 دمكه ثم
    يتم رفع المخروط لنرى هبوط الخرسانه و يتم قياس الهبوط لتعيين محتوى الماء
    بها وابعاد المخروط ( 4*8*12بوصه) (10*20*30 سم)

    3- لما بنيجى نصب الخرسانة بناخد كام مكعبات الكسر عشان نعمل ليهم اختبار ؟ وكل كام متر مكعب ؟

    بالنسبه لمكعبات الكسر ........جميع الأعمال الخرسانية يتم أخذ مكعبات اختبار بعدد (6) مكعبات لكل 100متر مكعب خرسانة تختبر 3 مكعبات بعد 7 أيام من تاريخ الصب و3 الباقية بعد 28 يوم

    4- المترالمكعب الخرسانة درست فى الكلية انه يتكون من .8 م3 زلط و .4 م3 رمل؟؟ مع العلم ان مجموع النسب دى يعطى 1.2 م3 فما تفسيرك لذلك ؟؟

    1- بالنسبه لنسب الرمل والزلط 0.4 و 0.8 وذلك لوجود فراغات فى حبيبات الزلط ( الركام الكبير) والتى تحتاج الى ملئها بحبيبات الرمل ( الركام الصغير) وبالتالى يحدث تجانس لمكونات الخلطه الخرسانيه لتكون ام3 خرسانه


    5- فاصل صب الخرسانة المسلحة بيكون عند( الزيرو شير) ولا( الزيرو مومنت)؟؟ وليه ؟؟

    1- بالنسبه لفاصل صب الخرسانه يوجد فيها مدرستين

    - المدرسهالأولى ( مدرسة الزيرو شير = zero shear )

    هنا يحدد المهندسين تبعا للكود البريطانى أن يكون فاصل الصب عند أقل قيمه لقوى القص اى عند منتصف الباكيه وفى مثالنا عند منتصف الكمره اى بعد 1.5 م من طول الكمره فى منطقة أقصى عزوم موجبه للكمره

    * وذلك من منطلق ان الخرسانه هى التى تتحمل قوى القص فيجب عدم أضرار الخرسانه حتى تتحمل بكامل كفاءتها ما هى من أجله ولذلك يتم فصل الخرسانه عند أقل قوى للقص
    وذلك حتى وإن لم يتم ربط الخرسانه القديمه بالجديده بالوضع الأمثل يكون ذلك فى منطقة اقل إجهادات قص وتقريبا تؤل إلى الصفر ولا نحتاج فى هذه المنطقه أن تعمل الخرسانه بكامل كفاءتها إذ أن قوى القص أقل ما يمكن ولكن ماذا عن ان تلك المنطقه ( منطقة اقل إجهادات قص ) هى منطقة اقصى عزوم موجبه ؟؟ .....

    هنا تجاوبنا تلك المدرسه أن

    العزم قوتين شد وضغط ...... شد على أسفل القطاع وضغط على أعلاه والقوه الأهم فى العزوم هى الشد وأنه متواجد على الجزء السفلى من القطاع أى تحت natural axis يعنى يقاوم من قبل اسياخ التسليح فقطوليس للخرسانه علاقه بتحمل إجهاد العزوم

    اما عن قوى الضغط المولده للعزم فيحدثونا أنه ليس هناك أدنى مشكله فى فصل الخرسانه فى منطقة الضغط فليس هناك خطرا فى أن تضغط الخرسانه على بعضها

    2- المدرسه الثانيه ( مدرسة الزيرو مومنت = zero moment )

    هنا يحدد المهندسون تبعا للكود المصرى أن يكون فاصل الصب عند اقل إجهادات العزوم وهى عند نقطة أنقلاب العزوم
    وفى مثالنا عند خمس أو ربع الكمره من وش الركيزه اى عند 3/5 من وش الركيزه أى عند منطقة أقصى إجهادات قص تقريبا
    وذلك من منطلق ان العزم قوتين شد وضغط وهو الأخطر دائما على المنشأ وإن قوة الشد يتحملها اسياخ التسليح ونجد ان منطقة الفصل فى الخرسانه قد تكون منطقه حرجه لتكون شروخ ناتج الإجهادات المؤثره عليها وعدم لحام الخرسانه القديمه والجديده بالطريقه المثاليه المطلوبه وهذه الشروخ يجب التحكم فيها حتى لا تتسع وتأثر سلبا على حديد التسليح بالصدأ
    ولذلك فإن منطقة أقل إجهادات عزوم تكون هى أمثل مناطق عدم توسع الشروخ وعنه عدم التأثير على أسياخ التسليح حتى وإن حدث توسع للشرخ أو صدا لحديد التسليح يكون فى مناطق اقل عزوم

    كما ان فاصل الصب فى الخرسانه سوف لا يؤثر فى منطقة الضغط إذا انها منطقة أقل عزوم أى أن القوى الضاغطه على الخرسانه اقل ما يمكن ولكن ماذا عن تلك المنطقه ( منطقة أقل عزوم ) وهى منطقة أقصى قوى قص ؟؟؟؟ ....

    وهنا تجاوبنا تلك المدرسه ان .......

    نعم تلك المنطقه هى منطقه اقصى قوى قص ولكن نرى أن قوى القص يتحملهاالحديد بقيمه كبيره فى الكمرات مثلا متمثل فى الكانات لا محاله ونجد مثلا ان قوىالقص فى البلاطات آمنه تماما
    فليس هناك ادنى خوف من موضوع فصل الخرسانه فىمنطقة اقصى إجهاد قص
    بينما إذا تم الفصل فى منطقة اقصى عزوم اى فى منتصف البحرنجد أن قد يكون امكانية حدوث شروخ وتوسعتها أكبر ناتج قوى العزوم والإجهاد المؤثرعلى تلك المنطقه وعنها يسبب صدأ حديد التسليح بمناطق اقصى عزوم
    كما ان الفصل فىالخرسانه سيجعل الخرسانه لا تعمل بكامل كفاءتها لتتحمل أقصى قوى ضاغطه بأعلى القطاعمولده لأقصى عزم موجود فى تلك المنطقه

    ولكن فى النهايه قد يتفق مهندسىالمدرستين على أن فاصل الصب يجب ان يحدد من قبل المهندس المصمم على الرسومات ويتمتنفيذ فواصل الصب بإستشارة وموافقة أستشارى الموقع وأستخدام أدق واحدث الوسائل لربطالخرسانه القديمه بالجديده


    6- بنوصل الحديد فى الكمرات عند ............... (الركائز ولا الوسط ) وليه ؟؟

    بالنسبه لوصل الحديد فى الكمرات :- بعد البحث لقيت اننا بنوصل الحديد فى منطقة الضغط اى عند الركائز وليس فى منتصف البحر لوجود عزوم شد ......لكن بعض المهندسين فى احد المشاركات قال اننا ينفع نوصل الحديد فى اى مكان حتى لو فيه شد طالما الوصله سليمه ومكفيه الاشتراطات

    7- ازاى بتستلم الخنزيرة من النجار ؟؟؟؟؟

    1- يتم استلام ابعاد الخنزيره بحيث تكون اكبر من ابعاد الحفر بمسافه تمنع تأثرها بالحفر
    2- يتم شد خيط للتأكد من استقامه اضلاع الخنزيره
    3- التأكد من تقويه جميع الاضلاع بالخوابير او الشيكالات
    4- مراجعة افقية كل ضلع من اضلاع الخنزيره بواسطة ميزان المياه
    5- التاكد من الزوايا المحصوره بين الاضلاع عن طريق نظرية فيثاغورث
    6- التأكد من عدم حدوث اى حركه فى زوايا الالتقاء بين اضلاع الخنزيره

    8-الحديد الاضافى العلوى فى البلاطة الفلات يسمى ف السوق ب ............... ؟؟؟؟؟

    1- الحديد الاضافى العلوى فى البلاطه الفلات سلاب يسمى فى السوق ب ( البرانيط او الكابات)



    9- لو الارض صخرة وانت عايز تحفر على عمق 3 متر .. فأى نوع من انواع عربية الحفار تستخدم لحفر الصخور ؟

    1- بالنسبه لنوع الحفار لو كانت الارض صخريه هو سؤال صعب جدا بصراحه ليا كمهندس حديث التخرج لكن انا بحثت عنه ولقيت حفار البوكلين يستخدم فى التربه الصخريه وفى حالة الصخور يتم الحفر المطرقى لتجهيز العينات بحجم 4-5 بوصة في عمق يصل إلى 100 م كحد أقصى.
    هذا النوع من الحفر مناسب في المناطق ذات الصخور والحجارة الصلبة مع استخدام محرك(نافخ الهواء) الهواء لتسهيل عمليات الحفر.





    10- لماذا تستخدم الاحلال تحت الخرسانه العادية ؟

    - بالنسبه لتربة الاحلال :- يتم اللجوء اليها عندما تكون التربه الاصليه غير صالحه للتأسيس عليها مثل التربه ذات المشاكل

    Swelling soil – collapsing soil – soft clay soil


    11- ايه نوع الاسمنت المستخدم فى الاساسات ؟ والمستخدم فى السقف ؟ والمستخدم فى حوائط الخزان؟

    - نوع الاسمنت المستخدم فى الاساسات :- الاسمنت البورتلاندى المقاوم للكبريتات

    نوع الاسمنت المستخدم فى السقف :- الاسمنت البورتلاندى العادى او اسمنت المهندس

    نوع الاسمنت المستخدم فى حوائط الخزانات :- الأسمنت المقاوم للكبريتات ( الأسمنت نوع (V) ويتم طلاء جدران وأرضيات

    الخزانات بمادة الإيبوكسي أو غيرها من المواد المستعملة لمنع تسرب المياه

    12- لو وصلتلك تقرير بان مكعبات الكسر فشلت بعد 28 يوم اتعمل ايه ؟

    - فى حالة فشل فحص المكعبات بعد 28 يوم :- يتم اللجوء الى فحص الكور تيست او اختبارات القلب الخرسانى

    13- ما اسم القطعه الخرسانية التى توضع فى ال cover فى الكمرات والسقف والاعمدة والاساسات ؟ وما سمك ال cover لكل منهم ؟ وليه بنستخدمها ؟

    اسم القطعه الخرسانيه التى توضع فى ال cover :- ( بسكوت) او وضع وتر خرسانى من الاسمنت والماء كبديل للبسكوت

    سمك ال cover :- فى الاعمده 2.5 سم وفى القواعد والاسقف 5-7 سم

    وظيفته :- حماية حديد التسليح من الصدأ







    باقى الاجابات فى المشاركات القادمه











    4 Not allowed!


    الملفات المرفقة


    › شاهد أكثر: الاجابات النموذجيه لاسئلة المقابلة الشخصيه للمهندس المدنى حديث التخرج


  2. [2]
    عضو فعال جداً


    تاريخ التسجيل: Feb 2010
    المشاركات: 377
    Thumbs Up
    Received: 17
    Given: 0

    Smile الاجابات النموذجيه لباقى الاسئله

    14- الوصلات فى الحديد تقول 65 مرة القطر فكم طول الوصلة لسيخ قطرة 22؟

    - بالنسبه لطول وصلة الحديد لو القطر المستخدم 22 :-

    65*0.022 = 1.43 م


    15- وزن المتر الطولى للاسياخ معروفة فى جدول الحديد .. افرض انت مش معاك الجدول ومش حافظة ازاى تطلع وزن المتر الطولى لسيخ قطرة 16 من غير جدول ؟

    - لو مش معانا جدول وعايزين نعرف وزن المتر الطولى لاى سيخ عموما فيه قانون يعرفنا بسهوله :-
    وزن المتر الطولى = ( القطر بالمللى)تربيع ÷ 162

    16- الحداد لو سالك وعايزك تفصلة الكانه لكمرة طولها 30*70 يبقى طول السيخ للكانه الواحده كم متر ؟

    - بالنسبه لحساب طول الكانه لكمره (30*70) :- الفكره اننا هنسيب cover مناسب وليكن 5سم من فوق ومن تحت ومن اليمين ومن الشمال

    من فوق ومن تحت من البعد 70 ومن اليمين والشمال من البعد 30

    هيتبقى عندنا طول السيخ = 20+60 + 5سم قفل كانه = 85 سم تقريبا .......وياريت باشمهندسينا الكبار يفيدونا فى النقطه دى

    17- كثافة الحديد بساوى كم ؟ وكثافة الخرسانه العادية والمسلحة بيساوى كم ؟

    - كثافة الحديد 7870 كجم / م 3

    كثافة الخرسانه العاديه : ( 2200-2300) كجم/م3

    كثافة الخرسانه المسلحه : ( 2400-2500) كجم/م3


    18- المتر مسطح مبانى فيه كم طوبة ؟ والمتر مكعب مبانى فى كم طوبة ؟

    - بداية ابعاد الطوبه : 25*12*6 سم

    عدد الطوب فى المتر مسطح = مساحة المتر مسطح مبانى ÷ مساحة الطوبه الواحده

    عدد الطوب فى المتر مكعب = حجم المتر مكعب مبانى ÷ حجم الطوبه الواحده


    19- اذا كان عندى عمود طوله 30 سم وعرضة 60 سم وارتفاعه 3 متر ازاى اعرف وزن العمود ؟

    الوزن = الحجم * الكثافه

    اذن وزن العمود = (0.3*0.6*3)*2500 = 1350 كجم


    20-ايه الفرق بين التيودوليت ؟ والتوتال استيشن ؟

    الفرق بين التيودوليت والتوتال ستيشن :-

    التيودوليت :- جهاز مساحي دقيق يستخدم لقياس الزوايا وقياس فروق الارتفاع والمسافات

    التوتال ستيشن :- جهاز للرصد المساحي الارضي يجمع بين عدة أجهزة في محطة واحدة: فهو يجمع بين ثيودليت الكتروني لقياس الزوايا الافقية و الرأسية + جهاز قياس المسافات الكترونيا Electronic Distance Measurement (EDM) + وحدة ذاكرة داخلية أو كارت بيانات لحفظ الارصاد ونقلها بعد ذلك للحاسب الالي + معالج كمبيوتر لاتمام بعض العمليات الحسابية داخل الجهاز واظهار النتائج علي شاشة الجهاز أثناء الرصد العملي (مثل حساب المسافة الافقية وحساب فرق ارتفاع وحساب احداثيات النقطة المرصودة بمعلومية احداثيات النقطة المعلومة ....الخ) ..... وهذا الجهاز هو أحدث ماوصلت اليه ثورة الاجهزة المساحية الارضية في السنوات الاخيرة

    21- كيف تستلم الاعمدة ؟ وكيف تستلم السقف ؟

    استلام الاعمده :-

    المفروض يحدد نجارة العمود ولا حدادة العمود لكن احنا هنجاوب على الاتنين

    استلام نجارة الاعمده :-

    1- مراجعة قطاع العمود وابعاد الحطات
    2- مراجعة التقفيل الجيد للاجناب وتسديد الفتحات
    3- التأكد من منسوب نهاية الصب وتحديد ارتفاع باب العمود
    4- مراجعة التقويات وتثبيتها جيدا مع التخشيب
    5- مراجعة الوزنات الرأسيه

    استلام حدادة العمود :-

    1- التأكد من نظافة حديد التسليح وعدم وجود صدأ
    2- مراجعة نوع واقطار حديد التسليح وعددها واطوالها
    3- مراجعة عدد الكانات وتقسيطها وربطها بالاسياخ تربيط سد
    4- التأكد من تركيب كانه بعيون للاعمده
    5- التأكد من رأسيه حديد التسليح الرأسى وافقية الكانات
    6- مراجعة تثبيت العدد الكافى من البسكوت بين شدة العمود وحديد التسليح
    7- مراجعة اماكن ومناسيب اشاير حديد التسليح للاعتاب
    8- التأكد من نظافة العمود قبل التقفيل

    استلام نجارة الاسقف الخرسانيه ( تحت السقف) :-

    1- مراجعة القوائم (العروق) والمسافات بينها
    2- مراجعة اماكن وصل العروق مع بعضها فى حالة الارتفاعات العاليه والتأكد من متانة التقويه عند الوصلات
    3- مراجعة جودة تثبيت عرقات الكمرات وبلاطة السقف
    4- مراجعة عمل تقويات الشده بعروق مائله (نهايز) فى الاتجاهين وتثبيتها بالقمط جيدا مع عروق الشده ومع الاعمده
    5- مراجعة تقوية قاع الكمرات بعروق ( حبس) باستخدام القمط
    6- مراجعة تقوية رقاب الاعمده والتأكد من سلامة التسديد بما يضمن عدم وجود زوائد خرسانيه بعد الفك
    7- مراجعة سقوط بلاطات دورات المياه عن مستوى بقية البلاطات
    8- مراجعة التقويات عند اتصال الواح التطبيق ببعضها والتأكد من عمل الوصلات بطريقه سليمه

    استلام نجارة الاسقف الخرسانيه ( فوق السقف ) :-

    1- مراجعة الابعاد الخارجيه وتطابق المحاور مع المحاور الصحيحه
    2- مراجعة مناسيب واماكن وارتفاعات البلاطات على المستويات المختلفه
    3- مراجعة ابعاد وصحة زوايا بلاطات السقف
    4- مراجعة منسوب سطح الشده مع الروبير والتأكد من مطابقته لمنسوب بطنية السطح
    5- مراجعة ابعاد وارتفاعات سقوط الكمرات
    6- مراجعة رأسية جوانب الكمرات
    7- مراجعة ارتفاع الجوانب الخارجيه للسقف وتخانات البلاطات
    8- مراجعة سقوط بلاطات دورات المياه عن مستوى بقية البلاطات
    9- مراجعة التسديد بين الواح التطبيق وبعضها
    10- مراجعة اماكن وابعاد فتحات الكهرباء والصحى والتكييف ........الخ
    11- مراجعة اماكن تثبيت الجوايط او البالتات والتأكد من تثبيتها جيدا


    استلام حدادة السقف :-

    1- التأكد من نظافة حديد التسليح وعدم وجود صدأ
    2- مراجعة نوع واقطار حديد التسليح وعددها واطوالها
    3- مراجعة وصلات واطوال اسياخ حديد التسليح حسب الرسومات
    4- مراجعة ابعاد كانات كمرات السقف وكذلك عددها وتقسيطها على مسافات متساويه او حسب الرسومات
    5- ربط حديد تسليح الكمرات العلوى والسفلى مع الكانات بسلك رباط ربطا جيدا
    6- اضافة كانات شتش بعدد لايقل عن كانتين لكل كمره للمحافظه على التسليح السفلى للكمره فى موضعه اثناء الصب
    7- مراجعة تكسيح حديد التسليح بالكمرات وانه قد نفذ فى اماكنه المضبوطه طبقا للرسومات
    8- مراجعة بسكوت بلاطه السقف والكمرات والسلالم
    9- مراجعة حديد تسليح السلالم والدرج والتأكد من عمل اشاير ( فى حالة ادوار متكرره)
    10- مراجعة اشاير الاعمده المزروعه ان وجدت والتأكد من مكانها
    11- التأكد من تكسيح حديد اشاير اعمدة الدور الاخير داخل بلاطة السقف
    *================================================= =====================*
    22- وفى نفس الوقت كان فيه حدادين مسلح جايين يعملوا مقابلة ... فالمسئؤل قال ادى الجمل وادى الجمال .... المهندس موجود والحداد موجود ..اختبر الحداد يا بشمهندس ؟؟؟؟؟؟؟؟؟؟؟
    يبقى المطلوب منك فى البند 22 تكون عارف شوية مصطلحات النجارة والحدادة ومصطلحات التنفيذ عشان تختبرهم وانواع الخشب وايه الفرق بين الالواح والعروق فى الخشب ووزن المتر الطولى للسيخ لكل قطر



    بالنسبه للسؤال الاخير ......اجابته فى الرابط ده


    http://www.arab-eng.org/vb/showthrea...CF%C7%E6%E1%E5

    وفى الختام اطلب منكم الدعاء بالتوفيق فى بداية المشوار

    3 Not allowed!



  3. [3]
    عضو
    الصورة الرمزية jupa_pal


    تاريخ التسجيل: Feb 2009
    المشاركات: 38
    Thumbs Up
    Received: 3
    Given: 0
    مشكوووور أخ العزيز
    دمت بخير

    1 Not allowed!



  4. [4]
    عضو فعال جداً
    الصورة الرمزية hos1989


    تاريخ التسجيل: Feb 2009
    المشاركات: 173
    Thumbs Up
    Received: 11
    Given: 10
    جزاك الله خيرا

    0 Not allowed!



  5. [5]
    عضو متميز
    الصورة الرمزية مهندس رواوص


    تاريخ التسجيل: Feb 2009
    المشاركات: 903
    Thumbs Up
    Received: 15
    Given: 22
    جزاك الله خيرا . بالتوفيق

    0 Not allowed!


    اعمل لدنياك كأنك تعيش ابدا ... واعمل لاخرتك كانك تموت غدا

  6. [6]
    mos
    mos غير متواجد حالياً
    عضو متميز


    تاريخ التسجيل: Nov 2005
    المشاركات: 571
    Thumbs Up
    Received: 14
    Given: 1
    إجتهاد رائع ولك مستقبل باهر إنشاء الله

    0 Not allowed!



  7. [7]
    عضو فعال
    الصورة الرمزية Star__eng


    تاريخ التسجيل: Jan 2011
    المشاركات: 71
    Thumbs Up
    Received: 5
    Given: 85
    جزاكم الله خيرا على المعلومات القيمه ووفقك الله وسهل لك كل الصعاب

    0 Not allowed!



  8. [8]
    عضو متميز


    تاريخ التسجيل: Nov 2009
    المشاركات: 447
    Thumbs Up
    Received: 48
    Given: 2
    ياخى المهندس ازاى حضرتك تجيب المعلومات الماخوذة كوبي وباست من على النت بدون تاكيد
    ازاى حضرتك تعمل بموضوع جديد وتاخذ الاسئلة وتعملها موضوع لحضرتك وكانها فى بعض الاجابات الخاطئة اللى ممكن اى مهندس يروح فى داهية بسببها

    ازاى يكون فى بعض الاجابات تقول .. بعد البحث لقيت اختلاف كثير .. وبعد البحث لقيت احد المهندسين قال .. وبعد البحث لقيت فلان قال

    يابشمهندس ان كنت تعرف فاعمل وانت كنت لاتعلم فالصمت افضل لك حتى لاتحاسب عليها

    انا لسة لغاية الوقتى بعمل الاجابات بموضوع اكبر من حضرتك بالصور وبالفيديوهات عشان توصل الاجابة صح لكل مهندس بدون اقل غلط

    ومش المفروض تحط الاجابات دى فى الموضوع الاصلى بتاعى عشان يبقى موضوع واحد ولا عايزه تبقى موضوع منسوب لحضرتك وترمينى بعيد عن المهندسين

    اخيرا جهودى كلها ضاعت اللى تعبت فى البحث على الاجابات باعلى دقة بسبب الموضوع ده
    والوقتى انا مش داخل اكتب اجابات تانى ولا اعمل مواضيع حصرية
    لانى مش بحب واحد بياخذ حاجه من حد ويخليها لنفسة وينسي مخترعها
    وده ايكون اخر موضوع ليا عشان جهودى ضاعت والحمد لله

    0 Not allowed!


    صفحة الهندسة التنفيذية على الفيس بوك

  9. [9]
    عضو فعال جداً


    تاريخ التسجيل: Feb 2010
    المشاركات: 377
    Thumbs Up
    Received: 17
    Given: 0
    بداية شكرا على طريقة ردك

    موضوعك بقاله حتى الان 4 ايام وانا كنت من الناس اللى منتظرين الاجابات لكن لما لقيتك اتأخرت فى الرد قلت ان اكيد حضرتك مشغول فى شغلك او مش فاضى عموما لتجميع الاجابات

    ثانيا حضرتك لو شايف اى اجابه خطأ قولها

    ثالثا لما قولت ان فيه اراء كتير واختلافات ودا فى سؤال واحد فقط او سؤالين .....لكى يعلم المهندس حديث التخرج ان الهندسه المدنيه اراء ومذاهب ومدارس مختلفه وجميعها صحيحه

    والسلام عليكم ورحمة الله وبركاته

    0 Not allowed!



  10. [10]
    عضو فعال


    تاريخ التسجيل: Sep 2007
    المشاركات: 51
    Thumbs Up
    Received: 2
    Given: 0
    نحن فى انتظار اجابات المهندس صاحب الموضوع الاصلى وربنا يوفقك
    بس ياريت لو فيه فيديوهات حضرتك ترفعها على الmedia fire

    0 Not allowed!



  
صفحة 1 من 9 12345 ... الأخيرةالأخيرة
الكلمات الدلالية لهذا الموضوع

عرض سحابة الكلمة الدلالية

RSS RSS 2.0 XML MAP HTML

Search Engine Optimization by vBSEO ©2011, Crawlability, Inc.