اختى امه الرحمن طبعا كل انسان له رأى ولكن من الممكن أن يقتنع بأراء الاخرين.
أنا واحد من طلبة هندسة جامعة الزقازيق دخلت قسم الهندسه الصناعيه وانا ماكنتش اعرف عنه اى حاجه كنت داخله غصب عنى بس لما دخلت القسم لاقيته كله متعاون مع بعض وحبيت القسم فوق ماتتصورى وجبت تقدير وعرفت عنه كتير اوى لكن العيب الوحيد انه لسه جديد لسه مفيش دفعه واحده اتخرجت منه وزى ما ده عيب فى نفس الوقت يعتبر ميزة لان اللى هيتخرج عدد صغير جدا من السهل انهم هيلاقوا شغل فى مجال الهندسة الصناعيه غير طبعا الهندسة المدنيه اللى بيتخرج منها تقريبا 500 واحد من كل جامعه . فياريت ما تفكرى كويس وتعرفى ايه هو قسم الهندسة الصناعيه وتعرفى مجالات العمل اللى ممكن يشتغل فيها المهندس الصناعى وكمان تعرفى الفرق بين الهندسة الصناعيه وهندسة الانتاج . وشكراااااااا
ياريت تقولى انتى جامعه ايه علشان نقدر نوضحلك اكتر ولو فى أى سؤال ممكن تتفضلى تقوليه وان شاء الله هنحاول نجاوب عليكى .

يلا يا شباب شمروا عن سواعدكم ونبدأ نطرح نقاط تلك التى يمكن ان يعمل بها المهنس الصناع لنرى ونورى ماروعه انا اقتر مواضيع مثل ال CAD/CAM supply chain quality ISO Automatic Identification and data capture barcode DAtabase and information systems Robots

شكرا لك يا بشمهندس ماهر على المواضيع الهامه دى ولكن ممكن التحدث عن تلك المواضيع فى الصفحه الرئيسيه للقسم حتى يشارك الجميع بأرائهم وليس فى موضوع فرعى .

انا طالبة في هندسه صناعيه جامعه الزقازيق لسه في سنه اولي ومحتاجه ضروري برنامج c++ ومعرفش اجيبه منين علشان اشتغل عليه في البيت ممكن تسعدوني؟؟؟
شكرا

مرحبا بك يا بشمهندسة remy فى المنتدى وكمان فى قسم الهندسة الصناعيه . بالنسبه للبرنامج اللى هتشتغلى عليه ++c هو برنامج visual studio 6.0 والبرنامج ده المفروض بتاخديه من المعيد على اسطوانه ولو ده محصلش ممكن تقوليلنا وان شاء الله هنروح نديلكم نسخه من الاسطوانه اللى فيها البرنامج بالاضافه الى بعض الكتب اللى هتفيدكم فى اللغه . شكرا
الفرقه الثانيه
هـ . صناعيه

شكرا يابشمهندس أحمد هحاول تاني مع المعيد ولو معرفتش اخده هطلبه منكم وشكرا علي المساعدة

مرحبا بكم فى المنتدى وانا سعيد بفكرتكم ولو فى استطاعتى الاجابة عن اى استفسار لكم فى مجال الانتاج والجودة . ولكن ارجو قبل الاستفسار قراءة مواضيع المنتدى لعلها تجيب عن بعض اسئلتكم .

لا شكر على واجب يا بشمهندسه remy . انا مستعد انسخ لدفعه اولى صناعيه الاسطوانه اللى فيها البرنامج بس ياريت انتى تقوليلى عملتى ايه فى محاولتك مع المعيد .شكرااا

نحن سعداء جدا بانضمامك الينا فى هذا الموضوع يابشمهندس محمد وان شاء الله نقدر نستفاد منك فى الانتاج والجوده .
شكراااااااااااااا

انا جبت الاسطوانة شكرا لك
انا اسفة علي الازعاج

للاسف الشديد الكل ينظر الي قسم صنلعية بانه قسم سئ مثل كلية التجارة ومعظم الناس نسوا ان المهندس له فكرة الخاص وله نظرة ثاقبة لا يفهمها الا المهندسين امثاله الذين تنبض قلوبهم بالهندسة
احب ان اعرف الجميع ان مهندس الهندسة الصناعية هو المسئول تقريبا عن كل شئ في المصنع من
وضع خطط للانتاج
وضع خطط للصيانة
ينسق مسالة المخزون ومتي يطلب وما هي الكمية التي يطلبها
هو المسئل عن اتخاذ القرار في كل الامور
وهناك الكثير والكثير من مهام المهندس الصناعي
ولكن في النهاية اقول بان مهندس الهندسة الصناعية هو الليدر (القائد) لباقي المهندسين في المصنع ؟ لماذا ؟ فكروا وانتم تعرفون الاجابة
اخيكم يحيي
انا اعمل في السيويدي للكابلات وبالفعل رايت خريجي الهندسة الصناعية وهم القادة ونحن تابعين
بالمناسبة انا خريج جامعة الزقازيق قسم باور وفي هذه الايام اتندم لانني قسم باور
لانه كلما تعطلت الماكينات نتحمل نحن المسئولية ؟؟؟؟؟
وشكرا لكم جميعا
وعيني عليكم باردة يا بتوع الهندسة الصناعية
ايه اخر اخبار الدكتور جمال نوارة
والدكتورعبد الناصر والدكتور عبدالرازق
بصراحة الدكتور نوارة زي العسل ربنا يبارك فية ويديله طول العمر
وشكرا

شكرا لك يا بشمهندس يحيى على مشاركتك الجميله دى احنا القسم عندنا كويس جدا وفى تعاون بين الطلاب والدكاترة والدكتور جمال نوارة هو رئيس القسم عندنا بصراحه دكتور فعلا لذيذ جدا وزى العسل لكن بالنسبه بئى للدكتور عبد الناصر والدكتور عبد الرازق دول انا معرفهمش لان مفيش حد عندنا بيبيع كتب .

مهندس احمد ممكن انتعرف من خلالك على قسم الهندسة الصناعية جامعة الزقازيق من حيث المواد والدكاترة والمعيدون انه يبدو لى احيانا انه قسم عظيم

بصراحه ياأخ ماهرالكلام عن قسم الهندسة الصناعيه كتير جدا وانا مش عارف اقول ايه بالظبط بس ان شاء الله احاول اعرفك بقسم الهندسة الصناعيه جامعة الزقازيق الى حد ما .
قسم الهندسة الصناعيه بجامعة الزقازيق قسم جديد جدا تم انشاءة عام 2003 واول دفعه من القسم ده لسه هتتخرج السنه دى ان شاء القسم . احنا بندرس فى القسم ده مواد مفيده جدا مثل:

1- مدخل الهندسة الصناعيه لتعريف الطلاب بمعنى الهندسه الصناعيه ومجالاتها .
2 - الاحتمالات والاحصاءالهندسى.
3- تكنولوجيا التنبؤ والتقويم Forecasting Technology .
4-بحوث العمليات Operation Research .
5- تخطيط ومراقبة الانتاج .
6- ادارة المشروعات الهندسيه .
7- البرمجه وهى مهمه جدا فى القسم حيث يتم دراسة اربع قرصات برمجه .
8- منظومات الجوده الشامله.
9-تصميم قواعد البيانات
بالاضافه الى مواد اخرى علميه ومواد من اقسام اخرى حيث ندرس رياضيات (2)و(3) والفيزياء والميكانيكا وتكنولوجيا الانتاج وديناميكا الحرارة والموائع والهندسة المدنيه وتحليل الاجهادات والاقتصاد الهندسى والهندسة الكهربيه والتصنيع المدعم بالحاسب وسلاسل الامداد ومحاكاة النظم وهندسة العوامل البشريه ومنظومات الخدمات والتصنيع وتخطيط التسهيلات ومنظومات الخدمات والتصنيع والاحلا وهندسة التقييم والربوتات الصناعيه .
ذلك بالنسبه للمواد التى يتم دراستها ولقد قمت انا وزميل لى فى هذا العام بطباعه ورقه توضح المواد التى يتم دراستها فى كل عام بالاضافه الى معنى القسم ومجالاته وتم توزيعها على طلبة الفرقه الاولى .
بالنسبه للدكاترة والمعيدين كويسين جدا فى تعاملتهم مع الطلاب ومستعدين لاى مناقشه مع اى طالب وعلى راسهم رئيس القسم .
يتوفر بالقسم معمل خاص مزود باجهزة حاسب الى حديثه ومزوده ايضا بالانترنت .
كما يوجد تعاون بين طلاب القسم وذلك يساعد على حبهم للقسم وحصولهم على تقديرات كويسه جدا ولكن اهم حاجه للحصول على التقدير من رأيي هو حضور المحاضرات لان الامتحان مابيطلعش بعيد عن المحاضرات .
لو عايز تعرف حاجه تانيه عن القسم ممكن تفسرلى بالظبط عايز تعرف ايه وشكرا لك يا أخ ماهر وسأنتظر ردك لمعرفة رأيك فى القسم .

السلام عليكم ورحمة الله وبركاته

قريباً جداً إن شاء الله أنضم إلى طلاب هندسة صناعية الزقازيق فشكراً لكم على إنشاء هذا الموضوع وعلى التعريف بالقسم فجزاكم الله خيراً

__________________

قال ابن الأعرابي
.
.
وأجرأُ من رأيتُ بظهْرِ غيب ... على عَيب الرِّجال ذوُو العيوبِ
.
.