|
|
|
|
|
|
يسر إدارة الملتقى أن تهنئ الجميع بحلول شهر رمضان المبارك ، تقبل الله منا ومنكم صالح الأعمال ( اضغط هنا ) |
|
|||||||
| الهندسة الكيميائية ................ بإشراف : أبو عزام |
 |
|
|
LinkBack | أدوات الموضوع | تقييم الموضوع |
22-07-2008, 06:19 PM
|
|||
|
|||
|
يبقى اللى احنا قلنا عليه هنجيبه من شركة الكوك حاجتين :
1 _ قطفة فينول 2 _ زيت كيروزوت طيب هنجيب أد إيه وإيه الإجراءات اللى هنعملها علشان نصرف الخامتين دول من الشركة الأصل إنهم مبيدوش خامات إلا للى معاه بطاقة ضريبية ومعاه سجل صناعى فمعاك سجل صناعى تصرف رسمى من الشركة وبالسعر الرسمى اللى بتطلع بيه الشركة فخامة زى قطفة الفينول مبتطلعش رسمى من الشركة إلا بالسجل الصناعى فإنتا لو معاك سجل صناعى بيبقى معمولك دفتر هناك عندهم صفحة ليك عندهم مثبت فيها رقم السجل بتاعك وكل حاجة لإنك بتودى هناك السجل التجارى بتاعك وصورة من البطاقة الضريبية والسجل الصناعى والحاجات دية كلها بحيث انها تتثبت أرقامها على الكمبيوتر عندهم يعنى تتسجل عند جهاز المبيعات بحيث إن يبقى ليك حصة خامات على طول عندهم مع كل إنتاج فكل سجل صناعى بيبقى ليه حصة هناك فى الشركة ولكن أبشر معظم الشركات اللى شغالة فى مجالنا ده مش عاملة سجل صناعى 80 % من الشركات بتصرف قطفة الفينول من الشركة ومعهاش سجل صناعى إذن هناك بدائل للسجل الصناعى هنتكلم على الموضوع ده بالتفصيل إن شاء الله تعالى أما بالنسبة للكيروزوت فإنتا بتجيب البطاقة الضريبية بتاعتك عادى بس أهم حاجة تبقى ضايف فيها زى ما قلتلك قبل كده كلمة وتصنيع منظفات صناعية ودية سهلة عادى مفهاش مشاكل سواء كنت عامل بطاقة جديدة من الأول أو انتا فاتح نشاط تانى خالص غير النشاط بتاعنا ده وبعدين لما جيت تشتغل فى مشروعنا ده فاحتاجوا منك البطاقة الضريبية بالنشاط الجديد فبدل اما تطلع بطاقة جديدة لأ فى بطاقتك القديمة بس ضيف بس كلمة وتصنيع منظفات صناعية فهتجيب معاك صورة الإقرار الضريبى اللى مثبت فيه المنظفات طالما مكتوب فيه الكلام ده يبقى هتجيب معاك أصل الإقرار الضريبى وصورة منه والبطاقة الضريبية وصورة منها وتثبتها هناك فى الشركة عند وحدة جهاز المبيعات على اساس انك تصرف بيها كيروزوت من الشركة رسمى بالسعر الرسمى للشركة اللى بيطلع بيه التعديل الأخير تم بواسطة ممدوح الجيار ; 22-07-2008 الساعة 06:22 PM. 
|
|
23-07-2008, 11:17 AM
|
|||
|
|||
|
السلام عليكم ورحمة الله
 جزيت خيرا وجعلها الله فى ميزان حسناتك ودمت زخرا لقبيلة المهندسين.
|
|
23-07-2008, 11:32 PM
|
|||
|
|||
|
يبقى زى ما قلنا إن علشان تصرف قطفة فينول من الشركة فيه بدائل للسجل الصناعى زى ما قلتلك لإن معظم الشركات زى ما قلتلك مش عاملة سجل صناعى فبتاخد قطفة فينول بنفس الطريقة اللى هقلك عليها دلوقتى :
العمال اللى هناك فى شركة الكوك اللى شغالين فى جهاز المبيعات واللى شغالين فى وحدة الفنيك ووحدة مكتب التقطير اللى هى بتاعة القطفة بيبقى معاهم تفويضات من شركات كثيرة معاها سجل صناعى ومش شغالة فى الفنيك أو شغالة فى الفنيك وعندها وفر فى الخامات فمش محتاجة الحصص بتاعتها لإن شركة الكوك بتطلع كميات كبيرة من الخامات فى حصص كل الشركات اللى بتتعامل مع شركة الكوك من زمان بالسجلات الصناعية فبيبقى زى ما قلتلك يا إما عندهم وفر فى الخامات فمش محتاجين الحصص بتاعتهم يا إما مش شغالين فى المجال ده وعامل سجل صناعى للتجارة بيه المهم العمال اللى شغالين فى الكوك بيبقى معاهم تفويضات من الشركات دية فبيبقى معاهم البطاقة الضريبية والسجل الصناعى بتوع الشركات دية وياخدوا منهم تفويض لازم تفويض منهم باسم الشركة علشان يقدر يبعلهم بالتفويض ده الخامات اللى نازلة فى حصصهم على السجل الصناعى بتاعهم فإنتا بتروح تتفق مع حد من العمال دول من اللى معاهم سجلات صناعية وبطاقة ضريبية من شركات تانية ومعاهم تفويض منهم وإذن دفع وتتعامل معاهم مقابل العمولة اللى انتا هتديهالهم اللى هيقولولك عليها والنسبة اللى بيخدوها منك دية بتبقى على حسب سحبك إنتا منهم وبرده على حسب إنتاجهم هما ( إنتاج شركة الكوك من قطفة الفينول ) فأحيانا تروح يقولك والله النسبة النهاردة 3% وأحيانا تروح يقولك لأ ده النسبة 5% وأحيانا لأ النسبة 8% على حسب كمية القطفة الموجودة يعنى على حسب إنتاجهم من قطفة الفينول وأيضا على حسب سحب الشركات منها يعنى إنتا بتروح بتسحب وأنا والثانى والثالث فتبص تلاقى عليها سحب جامد المصنع مثلا بيطلع 80 طن فى اليوم أو 100 طن فى اليوم فتبص تلاقى ال 100 طن ممكن لو فيه سحب جامد على الساعة 12 الظهر يكونوا خلصانين وده طبعا بيبقى فى فترة الصيف اللى هى شهر 5 ، 6 ، 7 ، 8 ،9 دية فترة الطحن بقى فى الشغل وساعات النسبة ممكن توصل إلى 10% لما بيكون فيه ضغط جامد فى السحب على القطفة أو الإنتاج قليل التعديل الأخير تم بواسطة ممدوح الجيار ; 24-07-2008 الساعة 01:27 AM.
|
|
24-07-2008, 02:04 AM
|
|||
|
|||
|
بس عامة النسبة عمرها ما تعدى ال 10 % اطمئن
وسبحان الله تيجى تروح فى الشتاء أحيانا بتبقى لسه امبارح واخد 5 براميل قطفة يقولك لو عاوز 10 براميل خد وعليها 1 % بس وبرده فى الشتاء مش مقياس لإن ده كله متوقف على حجم سحب الشركات من القطفة وبرده على حسب إنتاجهم هما من القطفة فالقطفة اللى انتا هتاخدها دية بتبقى نازلة على بطاقة وسجل شركة من الشركات وبتاخد منك نسبة عليها زى ما قلنا نسبة على إجمالى مبلغ مشترياتك من القطفة فهو بيديك القطفة عن طريق التفويض وإذن الدفع اللى واخده من الشركات دية مقابل العمولة بينهم
|
|
01-08-2008, 09:24 PM
|
|||
|
|||
|
فالناس دول بيساعدوك فى ايه فى حاجتين :
1_ إن انتا لو ممعكش سجل صناعى فيخلصوك بالعمولة وخلاص فإنتا بترحم نفسك من السجل الصناعى فالأفضل إنك إنتا تبعد نفسك عن السجل الصناعى وعن الكلام ده أهو إنتا بتخلص نفسك بالعمولة وخلاص لإن إنتا لسه بادىء فشغلك ميستحملش السجل الصناعى ومواويله 2_ نمرة اتنين إن هما بيبقوا على اتصال بيك على طول فيه قطفة فينول يقولولك تعلالى السبت تعلالى الإثنين تعلالى الأربعاء تقوم تاخد عربيتك وتروح وترن على تليفون اللى تعرفه منهم من برة أو بتتصل بيه من على البوابة يقوم يطلعلك ويدخلك ويبقى شايلك نصيبك من القطفة فبيقولك على اليوم اللى تروح له فيه لإن مش آى وقت تروح فيه لإن إنتاج القطفة مش إنتاجها على طول دية شحنة بتتعمل وبتتجهز كل مثلا 10 أيام كل 15 يوم مثلا وممكن كل شهر فتيجى مثلا الشركة النهاردة عملوا شحنة الشحنة بتتعمل النهاردة مثلا وتتحلل فى المعمل والمعمل يقول أوكى يعنى تطلع الشهادة بتاعتها أنها صالحة للبيع يقوموا مبلغين جهاز المبيعات وجهاز المبيعات يبلغ الشركات إن فيه قطفة موجودة عندنا للبيع يبلغوا مثلا يوم الأحد ومعاد الصرف البيع يعنى يوم الثلاثاء مثلا ولازم فى اليوم المحدد يوم الثلاثاء مثلا الصرف يبقى يوم الثلاثاء حتى لو راح ناس من الشركات الكبيرة اللى بتتعامل مع شركة الكوك بقالها سنين طويلة بالسجلات الصناعية وليها السبق إلى الخامات زى شركة النيل للأدوية وهى شركة قطاع عام وزى شركة العالمية للمنظفات بتاعة فنيك العاشر حتى لو راحت الشركات دية قبل الميعاد ميقدروش يحملوا خامات هو يوم الثلاثاء يبقى لازم يوم الثلاثاء فالكل يلتزم بالميعاد فالكل يروح يوم الثلاثاء يروح كل واحد يدخل الصبحية يسجلوا أساميهم كلهم يقوموا مدخلين الشركات الكبيرة الأول مثلا اللى هما شركة النيل للأدوية وشركة العالمية وشركة الجمهورية وكذا شركة من الشركات الكبيرة اللى معاها سجلات صناعية من سنين وبقالها سنين بتتعامل مع الشركة يقوموا مدخلينهم الأول لإن الشركات الكبيرة دية بياخدوا على طول حتى لو مفيش حد راح فى اليوم اللى أعلنت فيه شركة الكوك عن صرف القطفة للشركات ممكن الشركات الكبيرة دية تشيل الكمية كلها شحنة القطفة كلها الموجودة حتى لو 100 طن يقسموها على بعضيهم فلو فيه حد راح بقى والعدد كبير برة يقوموا ينظموا العملية يطلعوا مثلا نصف الكمية أو تلت الكمية للشركات الكبيرة دية ويجوا على التلتين الباقين من كمية شحنة القطفة يقوموا موزعينهم على الكام عميل اللى واقفين برة علشان يراضوهم يعنى مثلا يدوا لكل واحد 3 براميل 3 براميل كده حتى لو فيه ناس جات تانى يدوا للناس اللى جات تانى حتى لو كل واحد هيدوله برميل برميل كده المهم إنهم يراضوا الكل وكل واحد يرجع من الشركة مجبور الخاطر ويقدر يعبى شغل وياكل عيش فهما ماشين بسياسة كويسة
|
|
18-08-2008, 08:12 PM
|
|||
|
|||
|
يتبع إن شاء الله
التعديل الأخير تم بواسطة ممدوح الجيار ; 18-08-2008 الساعة 08:17 PM.
|
|
22-08-2008, 06:28 PM
|
|||
|
|||
|
وطبعا فائدة معرفتك بالناس اللى هناك إنهم بيبقى معاهم زى ما قلنا حصص شركات تانية بالتفويض وإذن الدفع اللى واخدينهم منهم مقابل العمولة بينهم .
فممكن الناس دول ينفعوك إنك لو مقدرتش تيجى فى اليوم ده بتاع صرف الخامات ممكن يشيلو لك نصيبك لإن زى ما قلنا بيبقى معاهم حصص بتاعة شركات تانية . وعلى فكرة نسبة توفر القطفة فى شركة الكوك دلوقتى أحسن من الأول يعنى أحسن من السنوات اللى فاتت يعنى ممكن الناس دول اللى فى الكوك يوفرولك بتاع 4 أو 5 براميل ( طن يعنى من القطفة ) مش وحشين طبعا لو كل شهر يو فرولك مثلا 4 أو 5 براميل من القطفة ومعاهم برميلين كيروزوت مش وحش .
|
|
25-08-2008, 11:30 PM
|
|||
|
|||
|
وطبعا النسبة اللى احنا قلنا عليها قبل كده اللى بتتاخد منك على القطفة لو ممعكش سجل صناعى دية بتبقى نسبة على القطفة بس لإن الكريزوت زى ما قلنا قبل كده بيطلعلك سهل بالبطاقة الضريبية بعد إضافة كلمة تصنيع منظفات صناعية فيها مفهوش مشاكل حتى لو انتا مش عامل بطاقة ضريبية خالص ممكن ياخدوا منك نسبة بسيطة عليه ويطلعهولك مفيش مشاكل .
وعلى فكرة أنا أعرف واحد من البحيرة كان بيجيب كيروزوت بالبطاقة الضريبية أول ما راح شركة الكوك يعنى أول مرة راح فيها اداهم البطاقة الضريبية وأخدوا بياناتها وصورة منها وسجلوا بيانتها على الكمبيوتر عندهم وبعدين مرة واتنين كان بيتعامل بالبطاقة الضريبية تالت مرة راح خلاص العملية بقت عادى بقى ياخد من غير ما يشوفوا البطاقة وياخدوا بياناتها وهو كان لغى البطاقة بتاعته ووقفها من زمان من سنة 2004 ومازال بيسحب على اسمها يروح على البوابة يتصل باللى هو من طرفه من اللى اتعرف عليهم هناك فى الشركة يقوم يطلعله عند الحسابات ويصرفوله الكيروزوت عادى على البيانات القديمة للبطاقة بتاعته اللى متسجلة عندهم على الكمبيوتر والعملية بقت عادى فطالما أنت بقيت عميل عندهم واسمك هناك خلاص العملية بتمشى وممكن ميطلبوش منك البطاقة الضريبية من أصلها وممكن تبعت أى حد كمان مكانك يمضى مكانك العملية بتمشى مفيش مشاكل أهم حاجة زى ما قلتلك اتعرف على الناس اللى فى وحدة الفنيك والقطفة من العمال والمهندسين اللى هناك فى وحدة الفنيك وهما يسهلولك كل حاجة لإن زى ما قلنا بيبقى معاهم سجلات صناعية لشركات كتير وإذن تفويض من الشركات دية لصرف الخامات للى يعوز مقابل العمولة اللى هيخدوها منك .
|
|
01-09-2008, 12:10 PM
|
|||
|
|||
|
السلام عليكم ورحمة الله وبركاتة
و كل سنة وانتم طيبيين بمناسبة شهر رمضان الكريم و سؤالي الى المهندس ممدوح الجيار هل نكتب فى البطاقة الضريبية عبارة تصنيع منظفات صناعية أم تعبئة منظفات صناعية كما ذكرتها فى أول الموضوع وشكرا
__________________
aymanabdeen@hotmail
|
|
01-09-2008, 01:46 PM
|
|||
|
|||
|
الأخ العزيز ماذا تقصد بمادة الفنيك واين تستعمل
|
|
| مواقع النشر (المفضلة) |
| أدوات الموضوع | |
| تقييم هذا الموضوع | |
|
|
 |
 |
 |
