بشرى لكل من يريد معرفة صناعة الفنيك ,,,,,,,,,,,,,,,,,,,,,,,,,,,,,,,,,,,,,,,,,,,,,,,,, - الصفحة 7

aymanabdeen · #91 (**permalink**) 16-04-2008, 05:49 PM

ممتاز ياباشمهندس ممدوح

عرض رائع ممكن الأستفادة منه فى مجالات عده وليس النظفات فقط

aymanabdeen@hotmail

ممدوح الجيار · #92 (**permalink**) 17-04-2008, 02:05 AM

________________ بالنسبة للإستيكر اللى هنلصقه على الجركن 4 لتر ____
طبعا ده هيرجع ليك انتا وما تفضله من خامات للإستيكر وتكلفته ومقاسه على الجركن كل هذا بيختلف من شخص إلى أخر حسب ما تفضل وما ستكلف ولكنى سأعطى لك نموذج عن إستيكرات لشركات لناس أصدقائى ساهمت معهم فى تصميم وشكل الإستيكر
أنا عملته مقاسه 9.5 سم فى 14.5 سم واديتله طبقة يو فى عليه علشان يلمع والتصميم والتعديل مجانا كل مرة تطبع فيها أى كمية انتا عايزها على الشركة نفسها لإنها شركة تصميم وطباعة
وعموما انا بعمل الألف عندهم حتى لو هعدل أو هغير فى التصميم كل مرة لإن التصميم مجانا زى ما قلتلك بطبع الألف عندهم ب 83 جنية
وصورة الإستيكر هى :

ودية صور لجركن 4 لتر عليه استيكر :

______________________ بالنسبة للكراتين اللى هيتتعبى فيها عبوات الجراكن 4 لتر __________________
طبعا انتا هتروح لأى مصنع كراتين عندك وهتاخد معاك 6 جراكن ( الكرتونة هيبقى فيها 6 جركن ) فخد معاك ال 6 جراكن علشان ياخد عليها مقاسات الكرتونة من طولها وارتفاعها وعرضها لإنه ممكن يقولك هاتلى 3 جراكن بس اقيسلك عليهم الكرتونة لكن الأفضل تقيس على ال 6 جراكن علشان ميبقاش فيه ( لقة فى الكرتونة ) وسع يعنى وطبعا خامات الكرتونة بتختلف حسب رغبتك انتا وتكلفتك للكرتونة

انا عامة هقلك انا بعمل ايه وشركات كتيرة بتعمل ايه

انا بعملها ورق اسمه ( ورق جرافت ) برة وجوة يعنى من برة الكرتونة ومن داخلها بعمله ورق جرافت لإن ده انظف ورق فى الكراتين يستحمل معاك والكرتونة بتبقى ناشفة مش طرية مخدومة يعنى وبعملها سنجل عادية يعنى 3 رقات فوق بعض علشان الكرتونة تستحمل وفى نفس الوقت توفر وتبقى رخيصة
وبالنسبة لسعر الكرتونة بيوصل معاية ل 2.5 جنية الكرتونة

على القصاص · #93 (**permalink**) 20-04-2008, 07:18 PM

جزاك الله خير الجزاء يا باش مهندس

م اليكس · #94 (**permalink**) 20-04-2008, 11:03 PM

شكرا علي المعلومات القيمه

abdallan60 · #95 (**permalink**) 25-04-2008, 04:15 PM

بارك الله فيك وان شاء الله يكون موضوعك خير لمن يحتاجه

احمد ابو جلال · #96 (**permalink**) 27-04-2008, 12:38 PM

ارجو استكمال الشرح ا/ممدوح

haadi · #97 (**permalink**) 29-04-2008, 09:38 AM

جزاك الله كل خير
موضوع يستحق القراءه

علي للمواد اللاصقة · #98 (**permalink**) 01-05-2008, 08:24 PM

موضوع جيد واجرك انشاء الله عظيم

اللى ميتسمى · #99 (**permalink**) 03-05-2008, 06:06 AM

والله تستاهل بوسة

ممدوح الجيار · #**100** (**permalink**) 04-05-2008, 06:32 PM

فيه ملحوظة مهمة يا إخوانا أنا نسيت أذكرها لكم طبعا أكيد الكل عارفها بس هأذكرها لكم من باب التذكير بها
وهى : ان رخصتك بتاعة المصنع اللى هتطلعها بتطلعها لو انتا أول مرة هتفتح مصنع فى مجالنا ده :
باسم : خلط وتعبئة وتوزيع المنظفات الصناعية والمطهرات
اما لو انتا فاتح مصنع تانى فى أى مجال تانى وعايز تشتغل فى مجالنا ده ( تزود نشاطك ) بتضيف تقريبا فى الرخصة النشاط الزيادة اللى هو بتاعنا اللى بنتكلم عليه او بتعدل تقريبا الرخصة انا مش متذكر صراحة
وبنكتب خلط وتعبئة وتوزيع المنظفات الصناعية والمطهرات دية علشان ترخيص المصنع وابعد عن ان انتا تضيف كلمة تصنيع فى الرخصة لإنك كده هتوقفها مش هتطلع ليك لإن اللى بيضيف كلمة تصنيع ويكتب فى الرخصة : خلط وتعبئة وتصنيع المنظفات الصناعية والمطهرات ده بيكتب كده ليه علشان يطلع السجل الصناعى فعلشان يطلعلك سجل صناعى لازم تكتب كلمة تصنيع وطبعا السجل الصناعى طلوعه صعب ومواويله كتيرة واش فى طلوعه شغلانة واش فى واش وبعدين السجل الصناعى عايز المناطق الصناعية غير المناطق الصناعية صعب يطلع لإنه عايز تصريح للأرض نفسها اللى هيقام عليها المصنع أما المصانع اللى فى المبانى وغيرها مش بيطلع ليهم سجل صناعى وخاصة فى الأيام دية إلا بقى اللى بيعرف يسلك نفسه ويدفع وليه واسطة طبعا انتم فاهمين كلامى
كان زمان السجل الصناعى سهل اى حد بيطلعه فى التمنينات
وعامة عايز اقولك على حاجة السجل الصناعى ملوش لازمة فى شغلنا غير فى حاجة واحدة اما اجى اتكلم على الخامات اللى هنجبها من الكوك نبقى نذكر فوائده
وتلات تربع الشركات اللى شغالة فى مجالنا ده شغالة من غير سجل صناعى وشركات كبيرة وليها اسمها فى السوق اهم حاجة انه يكون معاك رخصة المصنع والسجل التجارى والبطاقة الضريبية لإن مشاكلك كلها مش مع السجل الصناعى مشاكلك بتبقى مع بتوع البيئة ومباحث التموين لو منتجك مغشوش فى السوق كله ماية مثلا ومرسب تاريخ صلاحيته انتهت حاجات زى كده ممعكشى سجل تجارى مثلا وحاجات زى كده مش مرخص المصنع اما كونك فاتح فى الأرياف فى المدن فى شارع فى حارة فى وسط مجمعات سكنية عادى طالما مرخص خلاص ومنتجاتك سليمة خلاص مفيش اى مشكلة هتقابلك
وبعدين معظم المصانع والشركات دلوقتى فى مجالنا او فى اى مجال تانى من اللى شغالين فى المدن وسط المجمعات السكنية شغالين عادى بقالهم سنين ومن غير سجل صناعى وانتا خبير بكده وشايف ان المصانع كترت دلوقتى داخل المدن وفى الشوارع والحوارى وسط السكان

وانتا لما تشتغل فى مجالنا ده ان شاء الله هتشوف بنفسك شركات معدودة على الأصابع اللى معاها سجل صناعى زى شركة العالمية للمنظفات ( فنيك العاشر ) وزى شركة النيل للأدوية ( فنيك عابدين ) وزى شركة الجمهورية وزى شركة السلام وكام شركة كمان مش كتير لما تروح تشترى خامات إن شاء الله من الكوك هتشوف بنفسك وهتعرف انهم معدودين على الأصابع وهتلاقى معظم الشركات التانية بتاخد من الشركة من غير سجلات صناعية لما نيجى نتكلم عن شراء الخامات هنفصل فى المسألة دية
أهم حاجة بس اللى عايزك تعمله انك لما تعمل بطاقة ضريبية تكتب فيها كلمة تصنيع منظفات صناعية ودية سهلة عادى مفهاش مشاكل ولو عندك بطاقة ضريبية بتاعة مجال تانى ضيف فيها بس كلمة وتصنيع منظفات صناعية بدل اما تطلع واحدة تانية ضيف فيها بس كلمة وتصنيع منظفات صناعية

يتبع إن شاء الله

ممدوح الجيار · #**101** (**permalink**) 04-05-2008, 09:16 PM

وفيه نقطة برده أسف نسيت أذكرها وهى :
أهم حاجة المكان اللى هتشتغل فيه ( المصنع يعنى ) الحاجات الأساسية إنك تكون :
1 _موفر مصادر للتهوية الطبيعية اللازمة بإنك تركب شفاط الشفاط ده يرد لبرة علشان يطرد شوية الهواء اللى وقت التصنيع لبرة عامة متقلقش الفنيك مبتبقاش ريحته جامدة لإن احنا بنصبن الأول وبمجرد ما يبرد صابون الفنيك شوية بتبقى الريحة وقتها بس وخلاص فعادى بالنسبة للى شغال عادى لكن انا بكلمك علشان خاطر محدش من بتوع البيئة الأمن الصناعى أى جهة من الجهات اللى بتجيلك تتلككلك وعلشان كمان ده بيبقى مطلوب فى الرخصة
وعامة انتا ممكن تجبلك شفاط مستعمل يعمله حوالى 400 جنية مبيبقاش كبير عادى بس قوة الشفط بتاعته كبيرة هأقولك زى ايه لو عايز تشوفه زى اللى بيبقى متركب فى أى فرن ( مخبز عيش ) بتلاقى الفرن كله مفهوش غير شفاط واحد بس بتلاقية مغطى نسبة كبيرة من الفرن عامة انا مركبتوش لإنى والحمد لله رخصتى عدت ومركزوش معاية على مسألة الشفاط بس برده اعمله انتا مش عارف الظروف ايه انا عامة هاركب واحد قريب إن شاء الله .
2 _ موفروسائل إطفاء الحريق اللازمة يعنى تجبلك طفاية حريق علشان تعدى من إجراءات الأمن الصناعى ورخصتك تطلع واهى كويسة تنفع وقت اللزوم مش خسارة فيها الفلوسه فمشى نفسك فى الحاجات دية علشان تخلص رخصتك بسرعة .

يتبع إن شاء الله

ابراهيمم · #**102** (**permalink**) 05-05-2008, 11:19 AM

الف شكر لك اخى الكريم

ممدوح الجيار · #**103** (**permalink**) 07-05-2008, 12:15 AM

تلبية لطلب أحد إخوانا فى المنتدى كان قد دار معه حديث على الهوت ميل وطلب منى أن أذكر أسماء مصانع عبوات البلاستيك ، ومصانع الكرتون ، وشركات التصميم والطباعة ولما سألته ما هى الفائدة من ذكر أسماء هذه المصانع وهى فى محافظة الغربية فهى لا تفيد إلا من هم داخل المحافظة أو من هم أقرب إليها ممن لايوجد عندهم مصانع للبلاستيك مثلا أو الأسعار مرتفعة عندهم فقال لى لهذا السبب ولسبب آخر وهو أنه قد يكون معنا أحد الأعضاء من هذه المحافظة ولم يتم له عمل مشروع من قبل ويريد أن يبدأ فى هذا المشروع فبدل ما يتخبط هنا وهناك فيكون سهل عليه أن يستفيد من إرشاد غيره ممن كان لهم تجارب مع هذه المصانع .
وتلبية لطلب أخى فسأذكر أسماء وتليفونات هذه المصانع وإشارة بسيطة إلى عناوينهم لإنه من الصعب ذكر كل عنوان لكل مصنع هذا أمر يطول وبالتليفون تستطيع الحصول على العنوان إن شاء الله تعالى
بالنسبة لمصانع عبوات البلاستيك فى محافظة الغربية أنا لن أذكرها كلها لإنهم كثيرون ومش هتعجبك أسعارهم وهيفرضوا عليك كميات كبيرة ممكن 10000 عبوة من النوع الواحد ولكن سأذكر من سترتاح معهم فى المعاملة والأسعار إن شاء الله تعالى وممكن تاخد منهم من أول 200 جركن لو عايز ومش هيفرق كتير فى السعر عما لو خدت كميات كبيرة :
1 _ مصنع : علاء سلامة وانتا طالع على سريع طنطا متجه إلى القاهرة قبل أما تدخل على مدخل المحلة الكبرى اللى على اليمين كل ده وانتا على السريع قبل اما تدخل على مدخل المحلة الكبرى بحوالى 200 متر هتلاقى ميزان بسكول أول مدخل بعد ميزان البسكول يعتبر لاصق فيه عبارة عن طريق ترابة هتدخل فيه تمشى بتاع 70 متر هتلاقى المصنع على ايدك الشمال _ وتليفونه : 0127972545 _ 0403327597
2 _ وفيه 4 مصانع فى بلد بعد طنطا من على السريع برده وانتا متجه للقاهرة اسمها ميت غزال
1 _ فى واحد فى أول البلد على ايدك اليمين اسمه مصنع الشروق _ عبد الغنى عبد الغنى عجيزه وأخوه جلال وتليفوناتهم : 0124604585 _ 0126178858
2 _ وفيه مصنعين قريبين من بعض واحد معاية تليفونه والتانى معاية اسمه بالنسبة للى معاية تليفونه اسمه هشام ترك فى آخر ميت غزال جانب المقابر وتليفونه : 0122210883 _ 0122210884 3 _ والتانى بتاع واحد اسمه أحمد كان شريكهم وفاتح دلوقتى لوحده عامة اسأل عليه فى البلد البلد كلهم عارفين بعض لإنها بلد صغيرة مش كبيرة
4 _ فيه واحد جوة البلد تقريبا فى دخلة من ميت غزال اسمه محمود درويش وتليفونه : 0101714795طبعا المجال ده مش مجال انى اذكرلك مميزات الجراكن وايه الفرق بين الخامة البيور والدرجة الصينى والصبغة وطريقة النفخ والحقن لإن ده عايز وقت طويل عامة الناس دول ناس محترمة وأسعارهم كويسة وحاجتهم نظيفة وبيقبلوا اى مرتجع فاتعامل مع اى حد فيهم وانتا مطمئن ووالله معاملتهم كويسة عن مصانع تانية كبيرة وأسعارهم أرخص .

يتبع إن شاء الله

اللى ميتسمى · #**104** (**permalink**) 07-05-2008, 12:32 AM

بشمهندس ممدوح...يا ريت لو فاضى تكلمنى على
0106135260
أو تقوللى تليفونك وانا أكلمك عشان عايزك فى شغل مهم
دكتور ...........
أنا دلوقتى أون لاين
مع حبىىىىىىىىى

شريف بحر · #**105** (**permalink**) 07-05-2008, 04:22 AM

السلام عليكم

أدوات الموضوع
مشاهدة صفحة طباعة الموضوع أرسل هذا الموضوع إلى صديق
تقييم هذا الموضوع
تقييم هذا الموضوع: