|
|
|
|
|
|
يسر إدارة الملتقى أن تهنئ الجميع بحلول شهر رمضان المبارك ، تقبل الله منا ومنكم صالح الأعمال ( اضغط هنا ) |
|
|||||||
| الهندسة الكيميائية ................ بإشراف : أبو عزام |
 |
|
|
LinkBack | أدوات الموضوع | تقييم الموضوع |
22-03-2008, 12:05 PM
|
|||
|
|||
|
---------------------- هنتكلم دلوقتى على الإزاز -------------------------------------
أولا : إزازة السوبر : وهى الإزازة اللى هنعبى فيها الفنيك السوبر المركز وتسمى عند بتوع الإزاز ( مانتا ) وفيه منها برقبة قلووظ ورقبة عادية كبس الرقبة القلووظ علشان نركب عليها الغطاء المعدنى الذهبى مقاس 28 اللى هنغطى بيه الإزازة السوبر وهنستخدم فى تغطيته لإزازة السوبر الماكينة الأتوماتيك أو اليدوى اللى ذكرناها قبل ذلك ودية فى الشكل أفضل أما الرقبة العادية الكبس دية لو عايز تركب عليها الغطاء الأصفر البلاستيك أبو علامة 11 اللى بنغطى بيه ازازة الشعبى وده بيدخل فى الإزازة ضغط عادى بالإيد وفيه من ازازة السوبر المانتا نوعين مانتا كبير ومانتا صغير المانتا الكبير ( اللى هى ازازة السوبر الكبيرة اللى بتسع نصف لتر ) المانتا الصغير ( اللى هى ازازة السوبر الصغيرة اللى بتسع ربع لتر ) وفيه من ازايز السوبر ( المانتا المقلوظ أو العادية الكبس ) سواء المانتا الكبير او المانتا الصغير فيه منها مستعمل بيبقى الإزازة بعد اما اتعبت واستعملت بيخدوها بتوع الإزاز المستعمل ويغسلوها تانى ويعبوها فى شكاير تانى ويبعوها بسعر رخيص وفيه منها جديد عند مصانع الجديد بس لو عايز نصحتى انا بعمل الأتى بروح أربط مع بتاع المستعمل قبل اما اشترى منه بيومين واقوله عبيلى شكاير مانتا كبير ومانتا صغير مقلوظ على قد ما تقدر وتخلى باللك انه يعبى الشكاير كلها مقلوظ علشان ميحطلكش منده على ده يعنى من المقلوظ على العادى تأكد عليه لو هتشتغل على المقلوظ يبقى كل الشكاير تأكد عليه انها مقلوظ ولو هتشتغل فى العادية يبقى كل الشكاير تأكد عليه انها مانتا عادية كبس وبرده تأكد عليه انها تكون كلها شكل واحد لأن فيه من الأزايز فى السوق المانتا بتبقى محفور عليها كلمة فنيك الخليج ومختلف فى الشكل شوية عن باقى الإزاز المانتا الى فى السوق فتأكد عليه انه ميحطلكش منها فى وسط الشكاير علشان ميتعملكش مشاكل فى السوق لأنها واضحة قوى لإن دية بتاعة واحد صاحب مصنع فنيك فى القاهرة وعامل اسم الفنيك بتاعه اسطنبة على الإزاز علشان محدش يعرف يعبى فى ازازته وبرده تتأكد ان الإزاز كله سليم من عند البوزة بتاعته البوزة بتاعة الرقبة يعنى ميبقاش مشطوف من البوزة يعنى ميبقاش مكسور او مفلق من البوزة علشان ميسربش الفنيك من الغطاء لما تغطيه بالغطاء طيب انا بعمل ايه انا بجيب كميات كبيرة مستعمل بس كلها ماية واحدة ومغسولة كويس بتبقى فى النهاية زيها زى الجديدة وبسعر ارخص بكتير وبعدين بعد كده اروح اجيب جديد لإن برده المستعمل مبيبقاش متوفر على طول او بياخدوا وقت عبال اما يوفرولك يعنى ممكن اسبوع او اتنين انما الجديد موجود كل يوم وبالكميات اللى انتا عايزها فانتا ممكن تتعامل مع دول ومع دول وده الأحسن طبعا وبالنسبة لأماكن بتوع المستعمل وتلفونتهم : 1 _ صلاح رمضان وعادل _ شارع الجامع الأحمر _ العتبة بجوار القهوة اللى جانب بوابة الجامع الأحمر فى الحارة اللى جانبها ودول أحسن ناس يجبولك مانتا كبير وصغير مقلوظ او عادى بسعر كويس وبيقبلوا اى مرتجع من الإزاز وغسيلهم نظيف التليفون : 0105415499 وهما معروفين فى شارع الجامع الأحمر وسعر المانتا الكبير عندهم 31 قرش الإزازة والشكارة بيبقى فيها 70 ازازة وسعر المانتا الصغير عندهم 17 قرش الإزازة والشكارة بيبقى فيها 120 ازازة 2 __________________________________________________ _______ 2_ الحاج سعيد مصباح بتاع الإزاز _ راجل برده معاملته كويسة _ وغسيله نظيف وعنده بواقى جديد لإنه كان فاتح مصنع للجديد العنوان : 19 درب القطة متفرع من كلود بيه اول شارع يمين من ميدان باب الشعرية التليفونات : 0123227604 _ 025926576 _ 0125237328 __________________________________________________ ______ 3 _ محلات درويش لتجارة الزجاج الفارغ _ 26 شارع الجامع الأحمر _ العتبة 025901961 _ 0127570012 4 _ محمد شوقى شارع الجامع الأحمر بجوار مسجد الجامع الأحمر وامام القهوة اللى بجوار المسجد 0123123419 وعامة كل شارع الجامع الأحمر كله بتوع زجاج مستعمل __________________________________________________ ____ وبالنسبة لأماكن مصانع الجديد وتلفونتهم : اللى اعرفه واحد بس فى القاهرة لإنى ملفتش ومسألتش بعديه لإنى لما عرفت انه هو اللى بيصنع لشركة العالمية للمنظفات ( فنيك العاشر ) ودية من أكبر شركات المنظفات والفنيك فى جمهورية مصر العربية لما عرفت انه هو اللى بيصنعلهم الإزاز بتاعهم اتعملت معاه على طول لإنه تصنيعه نظيف المصنع : مصنع هشام حافظ _ العنوان : دخلة أبو زعبل من ناحية السلام _ أبو زعبل اسأل على مستشفى الجزام للأمراض العقلية هو عندها اسم المصنع مصنع هشام حافظ للزجاج هشام حافظ _ 0121607215 وسعر المانتا الكبير عنده 45 قرش الإزازة والشكارة بيبقى فيها 50 ازازة وسعر المانتا الصغير عنده 35 قرش الإزازة والشكارة بيبقى فيها 100 ازازة اما شكل الإزازة فهى كما فى الصورة صورة المانتا الكبير ال نصف لتر المستعمل  صورة المانتا الصغير ال ربع لتر الجديد  التعديل الأخير تم بواسطة ممدوح الجيار ; 22-03-2008 الساعة 01:05 PM. 
|
|
30-03-2008, 02:14 PM
|
|||
|
|||
|
الأخ العزيز / ممدوح الجيار
نسأل الله أن تكون في أتم الصحة والعافية ، لقد غبت عنا لأكثر من إسبوعين نتمنى أن يكون المانع خيراً. نرجوا أن لا تنقطع عنا ، فنحن إستفدنا كثيراً من هذا الموضوع الواقعي التفصيلي، ونحن في إنتظار المزيد لكي تكتمل هذه اللوحة الرائعة. م. وسام
|
|
31-03-2008, 07:08 PM
|
|||
|
|||
|
ثانيا : إزازة الشعبى :
وهى الإزازة اللى هنعبى فيها الفنيك الشعبى المخفف وتسمى عند بتوع الإزاز ( الكبيرة اللى بتاخد نصف لتر سقارة والصغيرة اللى بتاخد تلت لتر بريل ) وكلها رقبة عادية كبس ( هى ازازيز البيرة المستعملة ) بياخدوها بتوع الإزاز اللى بيبيعوا ازاز مستعمل يغسلوها ويبعوها لبتوع الفنيك وازازة الشعبى دية اللى هى ازازة بيرة اصلا لو عايز تركب عليها الغطاء الأصفر البلاستيك أبو علامة 11 ماشى وده بيدخل فى الإزازة ضغط عادى بالإيد ولو عايز تركب عليها غطاء كبسولة ( قزوزة ) اللى بيتغطى بيه ازايز البيرة والبيبسى ماشى بس هتعملها ماكينة كبس للغطاء القزوزة ده والماكينة دية بتتعمل عند واحد فى شارع الجامع الأحمر أمام حامد للعطور وبجوار مسجد الجامع الأحمر هو بجوار قهوة وقبل مسجد الجامع الأحمر بشوية أسأل عليه فى الجامع الأحمر قولهم الحاج فوزى اللى بيعمل ماكينة كبس الغطاء القزوزة اللى بجوار القهوة اسمه : الحاج فوزى _ وتليفونه : 025890565 _ 0127161451والماكينة ديه هو بيعملها ب 200 جنية وعنده كرتونة الغطاء الكبسولة ( القزوزة ) ب 60 جنية فيها 3500 غطاء وهو بيبقى غطاء قزوزة بتاع الحاجة الساقعة رشينه بلون ( أخضر _ أحمر ..... زى ما انتا عاوز حسب اللون اللى انتا عاوزه وكل ازايز الشعبى سواء ( السقارة الكبير اللى هى ازازة الشعبى الكبير اللى بيتعبى فيعا نصف لتر من الفنيك أو البريل الصغير اللى هى ازازة الشعبى الصغير اللى بيتعبى فيها تلت لتر من الفنيك كلها بتبقى ازايز بيرة مغسولة بيخدوها بتوع الإزاز المستعمل ويغسلوها تانى ويعبوها فى شكاير تانى ويبعوها بسعر رخيص وبالنسبة لأماكن بتوع المستعمل وتلفونتهم : 1 _ صلاح رمضان وعادل _ شارع الجامع الأحمر _ العتبة بجوار القهوة اللى جانب بوابة الجامع الأحمر فى الحارة اللى جانبها و دول غسيلهم نظيف وأسعارهم حلوة التليفون : 0105415499 وهما معروفين فى شارع الجامع الأحمر وسعر السقارة الكبير عندهم 20 قرش الإزازة والشكارة بيبقى فيها 80 ازازة وسعر البريل الصغير عندهم 7 قروش الإزازة والشكارة بيبقى فيها 110 ازازة __________________________________________________ 2 _ الحاج سعيد مصباح بتاع الإزاز _ راجل برده معاملته كويسة _ وغسيله نظيف العنوان : 19 درب القطة متفرع من كلود بيه اول شارع يمين من ميدان باب الشعرية وله دخلة تانية من شارع الجامع الأحمر أسأل بتوع الإزاز اللى فى شارع الجامع الأحمر عليه قولهم عاوز أروح للحاج سعيد مصباح بتاع الإزاز اللى فى درب القطة التليفونات : 0123227604 _ 025926576 _ 0125237328 __________________________________________________ ______ 3 _ محلات درويش لتجارة الزجاج الفارغ _ 26 شارع الجامع الأحمر _ العتبة وتلفونه : 025901961 _ 0127570012 4_ محمد شوقى شارع الجامع الأحمر بجوار مسجد الجامع الأحمر وامام القهوة اللى بجوار المسجد 0123123419 وعامة كل شارع الجامع الأحمر كله بتوع زجاج مستعمل ودية صور الإزاز الشعبى:  التعديل الأخير تم بواسطة ممدوح الجيار ; 31-03-2008 الساعة 07:23 PM.
|
|
02-04-2008, 10:04 AM
|
|||
|
|||
|
________________ بالنسبة للإستيكر اللى هنلصقه على إزازة السوبر وإزازة الشعبى ____
طبعا ده هيرجع ليك انتا وما تفضله من خامات للإستيكر وتكلفته ومقاسه على الإزازة كل هذا بيختلف من شخص إلى أخر حسب ما تفضل وما ستكلف ولكنى سأعطى لك نموذج عن إستيكرات لشركات لناس أصدقائى ساهمت معهم فى تصميم وشكل الإستيكر بالنسبة لإستيكر السوبر : أنا عملته مقاسه 5 سم فى 9 سم واديتله طبقة يو فى عليه علشان يلمع والتصميم والتعديل مجانا كل مرة تطبع فيها أى كمية انتا عايزها على الشركة نفسها لإنها شركة تصميم وطباعة وعموما انا بعمل الألف عندهم حتى لو هعدل أو هغير فى التصميم كل مرة لإن التصميم مجانا زى ما قلتلك بطبع الألف عندهم ب 29 جنية واستيكر السوبر الكبير انا بعمله زى استيكر السوبر الصغير نفس المقاس ونفس الشكل ولكن التعديل بيبقى فى كتابة حجم العبوة والسعر وصور إستيكر السوبر هى    وبالنسبة لإستيكر الشعبى : أنا عملته مقاسه 7 سم فى 10 سم واديتله طبقة يو فى عليه علشان يلمع وعموما انا بعمل الألف عندهم حتى لو هغير أو هعدل فى التصميم كل مرة لإن التصميم مجانا زى ما قلتلك بطبع الألف ب 40 جنية وصور إستيكر الشعبى هى :   التعديل الأخير تم بواسطة ممدوح الجيار ; 02-04-2008 الساعة 10:37 AM.
|
|
02-04-2008, 03:28 PM
|
|||
|
|||
|
شكرا لك اخى الكريم على هذةالمعلومات الشيقئ جزاك الله الف خير
|
|
03-04-2008, 02:36 PM
|
|||
|
|||
|
موضوع مفيد لك جزيل الشكر
|
|
04-04-2008, 11:16 AM
|
|||
|
|||
|
بارك الله فيك واذا بالامكان صورة الخلاط
|
|
04-04-2008, 08:17 PM
|
|||
|
|||
|
يا عم ممدوح فكر شوية فى منظف الحمام فلاش عاوزين نعمل زية وهو ماء نار فقط اى hclوبس ولا فية اضافات تانى الرجاء البحث فى هذا الموضوع واى واحد من الاخوة المهتميين بالمنظفات يكون عندة اى فكرة يا ريت ما يبخل ويكون كريم زيك كدة
|
|
07-04-2008, 02:47 PM
|
|||
|
|||
|
______________________ بالنسبة للكراتين اللى هيتتعبى فيها العبوات __________________
طبعا انتا هتروح لأى مصنع كراتين عندك وهتاخد معاك 6 ازايز من السوبر او 24 ازازة من السوبر وكذلك من الشعبى يعنى 24 ازازة من السوبر الكبير و24 ازازة من السوبر الصغير و 24 ازازة من الشعبى الكبير و24 ازازة من الشعبى الصغير حسب ما هيقلك تجبله 6 ازايز من كل نوع او 24 من كل نوع علشان ياخد عليها مقاسات الكرتونة من طولها وارتفاعها وعرضها وطبعا خليه يراعى مقاس الغطاء اللى هيتركب فوق كل ازازة من كل نوع والأحسن انك تاخدله 24 ازازة علشان ياخد المقاسات مظبوطة ومبيبقاش فيه لقة فى الكرتونة ( وسع يعنى ) وطبعا خامات الكرتونة بتختلف حسب رغبتك انتا وتكلفتك للكرتونة انا عامة هقلك انا بعمل ايه : أولا : بالنسبة لكراتين السوبر اللى هيتعبى فيها ازايز الفنيك السوبر : انا بعملها ورق اسمه ( ورق جرافت ) برة وجوة يعنى من برة الكرتونة ومن داخلها بعمله ورق جرافت لإن ده انظف ورق فى الكراتين يستحمل معاك والكرتونة بتبقى ناشفة مش طرية مخدومة يعنى وبعملها دوبل 5 رقات فوق بعض بس طبعا دية هتبقى مكلفة بس صدقنى ليها شكل جميل فى الأخر يميزك عن شركات كتير وبالنسبة لسعر الكرتونة بيوصل معاية ل........... بالنسبة لكرتونة عبوات ازازة المانتا الكبيرة السوبر ال نصف لتر بتكلف 3.15 جنية بالنسبة لكرتونة عبوات ازازة المانتا الصغيرة السوبر ال ربع لتر بتكلف 2.15 جنية ثانيا: بالنسبة لكراتين الشعبى اللى هيتعبى فيها ازايز الفنيك الشعبى : انا بعملها ورق اسمه ( ورق جرافت ) برة بس لكن من جوة بعملها ورق عادى رخيص اسمه ( فلتو ) علشان يبقى الشكل الخارجى نظيف واللى جوة عادى علشان برده الكرتونة متفتحشى فى السعر ويبقى سعرها مناسب وبعملها سنجل عادية علشان التوفير يعنى 3 رقات فوق بعض وبالنسبة لسعر الكرتونة بيوصل معاية ل........... بالنسبة لكرتونة عبوات ازازة السقارة الكبيرالشعبى الكبير يعنى ال نصف لتر بتكلف 1.40 جنية بالنسبة لكرتونة عبوات ازازة البريل الصغيرالشعبى الصغير يعنى ال التلت لتر بتكلف 1.10 جنية أما بالنسبة للرسمة اللى بتبقى على الكرتونة من برة فدية مصنع الكراتين اللى هتتعامل معاه هو اللى هيقلك اذا كان بيشتغل بسرلات ( شبلونة يعنى ) أو بيشتغل بزنكات وأفلام طيب انا هأعطيكم صورة لكراتين سوبر وشعبى :كراتين السوبر الكبير المشار إليها بالسهم اللى لونه أخضر وكرتونة سوبر صغير مشار إليها بسهم أحمر وكراتين شعبى صغير مشار إليها بسهم لونه أصفر والصورة هى :  التعديل الأخير تم بواسطة ممدوح الجيار ; 07-04-2008 الساعة 03:09 PM.
|
|
08-04-2008, 05:58 PM
|
|||
|
|||
|
عرض رائع
السلام عليكم ورحمة الله وبركاته
عرض رائع ودقيق وشكرا لمجهودك الغير عادي  وممكن تكمل جميلك وتقول لنا الشركات المصنعة للكراتين عناوينها أين أجدها ؟ وهل الأستيكر ذاتى اللصق ام يستعمل غراء للصق وما هي أسعاره وعناوين الشركات أين أجدها ؟ وشكرا جزيلا
|
|
09-04-2008, 02:37 PM
|
|||
|
|||
|
رسالة إدارية
نأسف لا يمكنك استخدام الرسائل الخاصة قبل 30 مشاركة لديك الأن 8 مشاركة
|
|
10-04-2008, 08:04 PM
|
|||
|
|||
|
يا حج ممدوح رد على من فضلك على موضوع الفلاش وحطة فى دماغك
|
|
16-04-2008, 05:09 PM
|
|||
|
|||
|
__________ دلوقتى هنتكلم على جراكن ال 4 لتر اللى بنسوقها لمحلات المبيدات والبذور وبرده بنسوقها لعيادات ومحلات الأدوية البطرية علشان بيدوها لبتوع المزارع وهنتكلم عن كده إن شاء الله بالتفصيل بعد كده ___________
أولا : بالنسبة لشكل الجركن وسعره : هو جركن بيسع 5 لتر بس احنا بنعبيه 4 لتر علشان التكلفة فى الأخر : وده الشكل المتبع اللى مشيت عليه كل الشركات وبالنسبة لخامة الجركن : فيه منه درجة أولى فى الخامة ودرجة تانية ( عامة كل الشركات شغالة على الدرجة التانية ) علشان معظم جراكن الدرجة التانية وخاصة اللون الأسمر والأزرق منها قريب جدا فى نقاءه من الدرجة الأولى هنتكلم على أسعار الدرجة التانية حسب ألوانتها الجركن اللى لونه أسمر 1.20 جنيه الجركن اللى لونه أزرق 1.40 جنيه الجركن اللى لونه أصفر 1.5 جنيه الجركن اللى لونه أبيض 1.5 جنيه ولو هيطبعلك عليه هو طباعة عادية هتعملك التصميم برة عند اى شركة او هو اللى هيعملهولك وتنزله عى كلك فى الأخر ويطبعلك بيه زى ما هوريلك فى الصور الجراكن اللى طباعة عادية مش استيكر وعامة هو بيدخلك الطباعة مجانا فى الجركن بس لون واحد الطباعة اما لو عايز 2 لون فى الطباعة هيزودلك على الجركن 4 ساغ ثمن الطباعة ولو عايز رآيى الإستيكر اشيك ودية صورة لجركن عليها طباعة عادية 2 لون :  التعديل الأخير تم بواسطة ممدوح الجيار ; 16-04-2008 الساعة 05:29 PM.
|
|
| مواقع النشر (المفضلة) |
| أدوات الموضوع | |
| تقييم هذا الموضوع | |
|
|
 |
 |
 |
