13_ هتشتريلك قماع صاج ( قمع يعنى ) من الكبير ده يملى معاك الجمدانات بسرعة وبيستحمل اشتريلك 3 ولا حاجة وابقى ركبلهم حتة خرطومة فى بوزة كل واحد علشان يعبى بسرعة فى الجمدانة وميعملش رغاوى لإن الفنيك بيعمل رغاوى عند تعبئته والجمدانة زى ما هاوريلك فى الصورة بتبقى طويلة عن الجركن ال 20 كيلو فلو حطيت القمع على بوز الجمدانة من غير ما تركبله حتة خرطومة طويلة هتلقيه بيعمل رغاوى للفنيك اما لما تركب الخرطومة فى القمع هتقرب من قاع الجمدانة تقوم مطلعش رغاوى إلا بسيط والقمع الصاج الكبير عامل الواحد 5 جنيه وجبلك برده قمعين صاج ولا 3 من الصغيرين والوسط للجراكن وابقى برده ركبلهم حتة خرطومة فى كل واحد والقمع الصغير عامل 2 جنية والوسط 3 جنية
وطبعا القماع الصاج اللى اقصدها زى اللى بيتعبا بيها الجاز فى الجراكن شوف بتستحمل ازاى وعملية مع بتوع الجاز احنا بقى عايزينها تعيش معانا برده بس فى الفنيك بدل اما تجيب بلاستك ويبوظ منك بسرعة .

14_ هتشتريلك 25 جمدانة ولا حاجة وطبعا فيه منها مستعمل وفيه جديد المستعمل ب 19 جنية والجديد ب 23 جنية وفيه سكك أرخص من كده وسواء جبت مستعمل ولا جديد مش فارقة كده كده هتتوسخ من الفنيك وانتا كده كده مش بتبعها للعميل ده انتا بتاخد مكانها واحدة تانية فاضية او بتسبها عنده وتاخدها المرة الجاية بس الأحسن انك تاخد مكانها علشان مش كل شوية تشتريلك جمدانات وتتعطل لحد اما تجيلك تانى اتعود تاخد مكانها واحدة فاضية بتاعة كلور بتاعة سلفونيك اى جمدانة كده كده انتها هتغسلها تانى قبل اما تعبى فيها .
وهى زى اللى فى الصورة :

بسم الله الرحمن الرحي

كل الاحترام لك اخي ممدوع علي جهودك وموضوعك القيم

ننتظر منك المزيد عن اشياء اخري مما علمك الله

ولك خير الجزاء

تحياتي
اعطر تحياتي لادارة المنتدي وللجميع
سلام

اولا اتقدم بالشكر الجزيل للاخ الاستاذ الفاضل ممدوح علي الموضوع القيم

ثانيا : وردا علي سؤال الاخ عبد الرزاق:

الفنيك هو ماده مطهره سائله تستعمل للحمامات والتوليت بشكل عام كمطهر من الجراثيم والميكروبات والبكتيريا وهي تطفي علي الحمام رائحه طيبه ومقبوله وتخفي راائح الحمامات وتقريبا لا تخلو من اي بيت الكل بيستعملها

اما بالنسبه للاستاذ ممدوح فسؤالي هو الاتي:

ما هي المخاطر المحتمله في تصنيع الفونيك من البدايه للنايا وما هي مدي خطورة اضراره علي صحة الانسان اثناء التصنيع

واخيرا انا اود التواصل مع سايدتك علي الاميل وال****** اذا امكنك ذلك
يا ريت تضيفني عندك علي هاد الاميل للتواصل
tard.co@
علي الهوت ميل

مع اعطر وارق تحياتي لك ولادارة المنتدي ولجميع الاعضاء والزوار

اخوكم
محمد
بانتظار الرد

سلااام

شكرا على هذا الموضع الجميل

15 _ هتجبلك برميلين بلاستيك الى بيسع 60 لتر علشان هنعوذهم ندوب فيهم الصودا والواحد عامل 20 جنيه
وهى المشار عليها فى الصورة بالسهم اللى لونه أصفر: وهى مش واضحة قوى فى الصورة وهى البرميل البلاستيك اللى باللون الأزرق الصغير ال 60 لتر سعة

16_ هتعملك حتين خشب ( عصايتان شوم خشب ) زى المقداف مشطوفة من تحت محملة علشان هنقلب فيها فى البراميل الواحدة ب 8 جنية ولو عايز تبتكر أحسن ماشى انا شوفت فى مصنع من المصانع عامل يد شوم طوية خشب وعلملها معلقة من تحت من الخشب معلقة مسطحة زى معلقة الأكل بالظبط جميلة وعجبتنى فكرتها جدا بس لما سألته قالى دية تعدى ال 30 _ 50 جنية عاملها اما اللى انا بقولك عليها يد شوم خشب طويلة ومشطوفة من تحت عادية حبيت تعمل التانية هتقلب بيها كأنك بتقلب بمعلفة أكل كبيرة
وبتاعتى العادية زى اللى فى الصورة : بس هى مش واضحة قوى فى الصورة:

17 _ طبعا لما نيجى نعبى الفنيك السوبر فى ازايز السوبر قدامك ماكنتين تشتغل عليهم علشان تقفل غطاء ازازة السوبر زى تقفيل العاشر الغطاء المعدنى الذهبى مقاس 28 يا إما نقفل بماكينة يدوى او نقفله بماكينه اتوماتيك هنتكلم على الأتوماتيك الأول : هى ماكينة لها ماتورين وتعمل اوتوماتيكيا لتقفيل الغطاء على رقبة الإزازة حيث انها بتقلوظ الغطاء على رقبة الإزازة القلاووظ وتقفل دبلة الغطاء على حافة الإزازة حنى تكون محكمة مثل غطاء ازازة اى علبة دواء
وطبعا انا مش هتكلم عليها كتير لإنك لو عملتها هى بتتعمل عمولة كده كده لازم المهندس اللى هيعملهالك هيدربك عليها فهتكون فى غنى عن شرحى لإنها عايزة شرح عملى وليس نظرى
وهى بتتعمل فى القاهرة _ العتبة _ الجامع الأحمر _ 18 درب عبد الخالق ده المعرض والمصنع نجيب الريحانى _ 14 عطفة البركة
اسمها ورشة الإتحاد الصناعى للصناعات الدقيقة _ محمد يحيى الخراط _ محمد حسن _ محسن _ الحاج حسن
التليفونات : 0225882916 _ 025903710
وهى كانت متكلفة 3800 جنية من سنة
وهى كما فى الصور :

وفيه الماكينة اليدوى : عبارة عن ماكنتين واحدة تقلوظ الغطاء والثانية تقفل دبلة الغطاء على الإزازة بس عيبها انها بطيئة شوية وعايزة ايديك تكون سريعة عليها علشان تنجز وفى نفس الوقت ايدك تكون حساسة عليها علشان متدبحش الغطاء من الجناب ( يعنى عايزة تعود شوية )
بس جميلة انا اشتغلت عليها فى الأول اول ما فتحت وقعدت سنتين اشتغل عليها ومدبحتش معاية غطيان لإن ايدى خدت عليها وكنت شغال سريع جدا عليها هى مسألة تعود بس بعد اما جبت الأتوماتيك حسيت بإنجاز رهيب فى الوقت وراحة لإيدى
وهى بتتعمل برده عمولة عند الورشة السابق ذكرها فى الكلام على الماكينة الأتوماتيك
وهما ماكنتين بيتعملوا مع بعض واحدة بتقلوظ الغطاء والتانية بتكبس الغطاء
وكانوا متكلفين الأتنين 450 جنية
صورة الماكينة اللى بتقلوظ رقم ( 1 ) وصورة الماكينة اللى بتكبس رقم ( 2 )

(1 )




( 2 )

اخي بارك الله فيك على هذا الشرح الوافي لكن في امر مهم الا وهو الاسم العلمي للمواد المستخدمه لان حضرتك ذكرتهم بالاسم المحلي المشهور في مصر وهي بالطبع تكون ذات اسماء اخرى محليه في العراق والدول الاخرى فياريت الاسم العلمي
وثانيا المخاطر المحتمله من التعامل مع المواد الكيمياويه ومدى خطورنها
وشكر جزيلا

18 _ هتشتريلك ماكينة لاصق الكراتين علشان تلصق بيها الكراتين معروفة طبعا اللى بيوضع فيها بكرة اللاصق وتشد الللاصق على الكرتونة وهى بتتباع فى آى مكتبة كتب او خردوات ب 27 جنية

---------------------- هنتكلم دلوقتى على الغطيان والإزاز -------------------------------------
أولا : الغطيان 1 _ غطاء ازازة السوبر وهو الغطاء المعدنى الذهبى مقاس 28 اللى هنغطى بيه الإزازة السوبر وهنستخدم فى تغطيته لإزازة السوبر الماكينة الأتوماتيك أو اليدوى اللى ذكرناها قبل ذلك وطريقة التغطية سواء باليدوى او السوبر المهندسين اللى فى الورشة الصناعية اللى ذكرتها لك قبل كده هيعرفوك بالتفصيل كيفية استخدام الماكينة اليدوى او الأتوماتيك وكل شىء عنها بالتفصيل لإن ذلك يحتاج إلى العملى وليس النظرى فاتصل بيهم واتفق معاهم واذهب اليهم وشوف بنفسك الطريقة العملية لتغطية الإزازة السوبر بالغطاء المعدن الذهبى مقاس 28
وهذا الغطاء بيركب على ازازة السوبر الكبيرة سعة النصف لتر وبيركب على الإزازة السوبر الصغيرة سعة الربع لتر وهو بيتباع بالكرتونة كرتونته فيها 4500 غطاء ب 390 جنية
وأماكن وجوده فى كذا محل هأذكر منها على سبيل الإجمال وليس حصر كل اللى بيبعوا الغطاء ده لأنك هتلاقى كتير فى المكان اللى هأقولك عليه محلات كتير
المهم اللى معاية عنوانه منهم دلوقتى وتليفونه هو :
محلات أولاد نصر سالم لتصنيع البلاستيك وجميع أنواع العبوات البلاستيكية _ الحاج : عيد ورشاد نصر سالم _ العنوان : القاهرة _ العتبة _ كلوت بك _ 22 ش الجامع الأحمر _ 0101310224 _ 0123341828 _ 5930029 _ 5886844
------------------------------------------------------------------------------------------------
وعامة كل شارع الجامع الأحمر الأغلبية فيه بتوع غطيان وانا ذكرت المحل السابق لإنى مش معاية كروت للمحلات التانية لإنى مش محتاج كروت انا بنزل الف على كل المحلات اللى هناك لإنى كده كده بنزل اتابع الأسعار بنفسى اهم حاجة تاخد معاك ازازة سوبر كبير وازازة سوبر صغير علشان تشوف الغطاء بيركب عليها ولا لأ وتتأكد إنه مش واسع على الإزازة وإنه مقاسها بالضبط واهم حاجة تتأكد انه مقاس 28 لإن هو ده المقاس اللى بيجى على قد الإزازة بالضبط
---------------------------------------------------------------------------------------------
وفيه مصنع للغطاء ده بس طبعا والله أعلم ممكن ميطلعش غير كميات كبيرة على العموم جرب انا لم اتصل به وه :
نور _ الوكيل الوحيد _ شركة جلاس كاب _ العاشر من رمضان _ 015387072 _ 015387073
-----------------------------------------------------------------------------------------------
وصور الغطاء هى :

عايز اعرف ph بتاع ال hcl بيكون كام اى بتاع الفلاش او بوم كلين

2 _ غطاء ازازة الشعبى وهو الغطاء البلاستيك الأصفر اللى عليه من فوق علامة 11 اللى هنغطى بيه ازازة الشعبى وده بيدخل فى الإزازة ضغط عادى بالإيد
وهذا الغطاء بيركب على ازازة الشعبى الكبيرة سعة النصف لتر وبيركب على الإزازة الشعبى الصغيرة سعة التلت لتر وهو بيتباع بالألف سايب الألف ب 38 جنيه
وأماكن وجوده فى كذا محل هأذكر منها على سبيل الإجمال وليس حصر كل اللى بيبعوا الغطاء ده لأنك هتلاقى كتير فى المكان اللى هأقولك عليه محلات كتير
المهم اللى معاية عنوانه منهم دلوقتى وتليفونه هو :
محلات أولاد نصر سالم لتصنيع البلاستيك وجميع أنواع العبوات البلاستيكية _ الحاج : عيد ورشاد نصر سالم _ العنوان : القاهرة _ العتبة _ كلوت بك _ 22 ش الجامع الأحمر _ 0101310224 _ 0123341828 _ 5930029 _ 5886844
---------------------------------------------------------------------------------------
وعامة كل شارع الجامع الأحمر الأغلبية فيه بتوع غطيان وانا ذكرت المحل السابق لإنى مش معاية كروت للمحلات التانية لإنى مش محتاج كروت انا بنزل الف على كل المحلات اللى هناك لإنى كده كده بنزل اتابع الأسعار بنفسى اهم حاجة تاخد معاك ازازة شعبى كبير وازازة شعبى صغير علشان تشوف الغطاء بيركب عليها ولا لأ وتتأكد إنه مش واسع على الإزازة وإنه مقاسها بالضبط واهم حاجة تتأكد انه مش بيفلق من الجناب لما تضغطه فى الإزازة لإن فيه نوعية منه بتفلق بسرعة او مخرمة جامد من الجنب تقوم تسرب الفنيك من الإزازة وبيهدلك الكرتونة يعنى بإختصار كده ابقى جرب تحط فى الإزازة وانتا بتشترى ماية وبعدين غطى بالغطاء واقلب الإزازة وشوف بتكب ولا لأ وهو معروف باسم الغطاء البلاستيك الأصفر ال 11
وصور الغطاء هى :

و الله يعجز اللسان عن الشكر وأقف مندهشا من هذا الجهد الرائع بوركت و بورك عملك و جزاك الله خيرا