افيدونى يابشمهندسين

السلام عليكم انا مهندس ميكانيكا قوى هشتغل فى الورش المركزية التابعة لشركة القاهرة لانتاج الكهرباء فممكن حد يفيدنى هل انزل فى مجال الصيانة وهل هو الاقرب الى تخصصى ولا برضه بعيد ولاا انزل فى خطوط انتاج

- تنقسم الورش إلى أربعة خطوط إنتاج رئيسية :-
* الخط الأول وهو متخصص فى تشكيل الصاج ومجهز بالماكينات الآتية :-
1- ماكينة تشكيل الصاج على الساخن بسمك من(0.5-1.25مم) وسرعة تشكيل 15م/د
2- ماكينة قص هيدروليكى .
3- ماكينة قص صاج بسمك 1.25مم وعرض 1 متر .
4- ماكينة قص Guillotin بسمك 12 مم وعرض 3.1 متر
5- ماكينة ثنى صاج هيدروليك بالضغط حتى 300 طن بسمك 12 مم بزوايا مختلفة .
6- ماكينة قطع بالأوكسجين O X Y Cutting Bench بسمك 300 مم .

* الخط الثانى وبه الماكينات الآتية :-
1- ماكينة ثنى بقطر خارجى 890 مم بأقصى نصف قطر 400 مم .
2- ماكينة ثنى Boaster بقطر خارجى 890 مم .
3- ماكينة ثنى بقطر خارجى 114.3 مم بأقصى نصف قطر 450 مم .
4- ماكينة ثنى بالتسخين بقطر خارجى (25-80) مم .
5- ماكينة Reducing .
6- ماكينة قطع .
7- فرن .
8- ماكينة تلميع .
9- ماكينة شطف Bevelling قبل وبعد الثنى .
10 - فرن معالجة حرارية متنقل Portable .

* الخط الثالث وهو متخصص فى لحام الزعانف الحلزونية :-
المواصفات :-
1- قطر الأنبوبة (19-114.3) مم .
2- سمك الأنبوبة (2.4-9.52) مم .
3- سمك الزعانف (0.762 - 3.175) مم .
4- ارتفاع الزعانف (12.7-38.4) مم .
5- وحدة التصنيع (1-7) زعنف / بوصة .
6- طول الأنبوبة (10-60) قدم .

* الخط الرابع :-
1- ماكينة لحام Flash .
2- ماكينة لحام أوتوماتيك (MIG) .
3- عدد (2) ماكينة لحام (MIG) متنقلة .
4- عدد (8) ماكينة لحام (TIG) متنقلة
5- عدد 14 ماكينة لحام .
6- ماكينة فريزة .
7- ماكينة خراطة .
8- مثقاب .
9- ماكينة تجليخ معادن .
10- ماكينة منشار .

* قسم مراقبة الجودة :-

يوجد بالقسم ماكينات عديدة وأطقم للإختبارات كالآتى :-
1- اختبار بالموجات Radio Graphic.
2- اختبار بالموجات فوق الصوتية Ultrasonic.
3- اختبار المغناطيسية .
4- الإختبار الجزئى .
5- اختبار الصلادة .
6- الاختبار الهيروليكى .
7- اختبار التصادم .
8- اختبار الصلادة (متنقل) .

بالإضافة إلى :-
1- فرن المعالجة الحرارية

2- ميكروسكوب فحص معادن .
3- جهاز لقياس السمك .

هو حضرتك مش شايف ان شغل الخطوط تخص مهندسن ميكانيكا انتاج اكتر من مهندسى قوى؟؟؟

استخير ربنا و فكر فى الصيانة

السلام عليكم ورحمته تعالى وبركاته ,أما بعد :
أنا مهندس ميكانيك قوى وأمارس الصيانة منذ عشر سنوات
مع كل هذه المعدات التي تذكرها , يكاد لعابي يسيل ............
وأقول ويحياتك لا تتردد الصيانة فن وارضاء رغبة قوية , ولا يوجد احساس بنظري أجمل من إصلاح آلة معقدة وشرب كاسة شاي (ثقيل ) بعدها .
وفقك الله وايانا

شكرا جزيلا لاخوانى الكرام
ولكن يابشمهندس ابومحمد السورى هل الصيانة فى هذا المجال مطلوبة فى السوق اقصد فرص كويسة وعروض كويسة للمهندسين

القصه تعتمد عليك انت
هل بتحب الصيانه؟؟؟
هل ممكن تبدع وتستمر فيها؟؟؟؟
أما بالنسبه للفلوس والفرص فدول يعتمدو على موهبتك وتوفيق ربنا

والله يوفقك

السلام عليكم يا بشمهندس وائل طبعا انت هنا تلاقى اراء كتير مختلفه بس نصيحتى انك قبل ما تدور هتشتغل فى ايه حدد الاول انت عايز ايه ؟ بمعنى انك لو عايز تاخد خبره فى المكان ده وتروح بعد كده مكان احسن وطبعا بمرتب احسن فانا شايف انك تنزل ورش الانتاج قسم مراقبه الجوده وخصوصا بعد ماذكرت ان فى الحاجات دى
وجد بالقسم ماكينات عديدة وأطقم للإختبارات كالآتى :-
1- اختبار بالموجات Radio Graphic.
2- اختبار بالموجات فوق الصوتية Ultrasonic.
3- اختبار المغناطيسية .
4- الإختبار الجزئى .
5- اختبار الصلادة .
6- الاختبار الهيروليكى .
7- اختبار التصادم .
8- اختبار الصلادة (متنقل) .


الاختبارات اللا اتلافيه مطلوبه جدا جدا جوه مصر وبره مصر خصوصا فى مجال البترول يعنى لو اخدت الدورات اللازمه فى مجال الاختبارات اللا اتلافيه وقعدت سنه واحده بس فى المكان ده انا متأكد انك ان شاء الله هتتبسط جدا بعد كده وهتلاقى فرص كتير
على فكره انا مهندس ميكانيكا باور وشغال صيانه بس حاليا خدت دورات فى الاختبارات اللا اتلافيه بس للاسف المشكله اللى قدامى دلوقتى انى معايا الشهادت من غير خبره عمليه فى المجال ده انا انصحك انك تسأل اكتر عن المجال ده لو مش مقتنع بكلامى
وبالنسبه للصيانه فهى مش زى ما انت متخيل وخصوصا انك رايح حكومه او قطاع عام تقريبا اعتقد انك مش هتلاقى الخبره اللى انت متوقعه دا غير ان مافيش تقدير وبعد اربعت سنين من التخرج ااقدر اقولك ان مهندسين الصيانه فى اى مكان اكتر ناس بتتعب وااقل ناس بتتقدر. وربنا يكرمك ويوفقك وتستقر على حاجه بس ابقى قولنا عملت ايه

لو ينفع ااقدم معاك قولى الطريقه عشان انا عايز اشتغل ف المجال ده

السلام عليكم انا مهندس ميكانيكا قوى هشتغل فى الورش المركزية التابعة لشركة القاهرة لانتاج الكهرباء فممكن حد يفيدنى هل انزل فى 1- مجال الصيانة وهل هو الاقرب الى تخصصى ولا برضه بعيد ولاا انزل فى او2- خطوط انتاج


*****************************
ارجو توضيح الإنتاج هل هو في انتاج الكهرباء _ تشغيل محطة التوليد او
الصيانة : صيانة معدات التوليد مثل الغلاية والتربينة والمولد وغيرها

اذاكان العمل في محطة لإنتاج الكهربا : فتشغيل وصيانة معداتها من المجالات الجيدة جدة.

وفقك الله اخي المهندس وائل