الملاحظات
صفحة 1 من 2 12 الأخيرةالأخيرة
النتائج 1 إلى 10 من 12
  1. #1 قصائد ايمان بكرى وورد و 3gp للموبايل 
    تاريخ التسجيل
    Aug 2007
    المشاركات
    236
    Thumbs Up
    Received: 1
    Given: 0
    استمعت الى شاعرة مصرية تدعى ايمان البكرى وقد مست قصائدها اوجاع القلب لكن وعذرا فلغتها العربية فى هذة القصائد ضعيفة جدا ورغم احترامى الشديد لما تقول فهذا الراى يمكن ان يكون خطأ عموما لقد استمتعت بهذة القصائد وهى منشورة بصيغة word ولها ملف بالمرفقات بصيغة 3gp للهاتف المحمول وارجوا ان تشاركونى الراى فى هذا الموضوع واليكم القصائد.
    مافيش حاجة
    مانيش عايزة خلاص حاجة
    ولا محتاجة انا لحاجة
    ولو عايزة صحيح حاجة
    مخليتوليش ولا حاجة

    عموماً بصوا فيه حاجة
    هقولها بس محتاجة
    لعقول تفهم
    ولو حاجة
    مهيش مفهومة او حاجة
    نفسرها بكام حاجة
    نوضحها بكام حاجة
    وأهى حاجة مع حاجة
    هتظهر وتبان لنا حاجة
    وانا ما بخفش من حاجة
    مانيش مسنودة ولا حاجة
    لكن ما بخفش من حاجة
    لكن فرضاً لو هقول حاجة
    هيحصل إيه ؟؟؟ ولا حاجة
    هيعملوا إية ؟؟ ولا حاجة
    و بعد الشر بعد الشر
    لو واحد من القاعدين
    من السامعين من الضالين
    فِهِم حاجة هَيعملوا إيه ؟؟؟؟
    اكيد برضُه ولا حاجة
    فنتوكل على الستار لوجه الله نقول حاجة
    فيه ناس بتعيش علشان حاجة
    وناس بتموت علشان حاجة
    وناس بتموت على الحاجة
    وناس تديلك الحاجة
    وتبقى ليها محتاجة
    وناس تديلك الحاجة
    و تاخد ادامها ميت حاجة
    وناس تكبر تكون حاجة
    و ناس تصغر علشان حاجة
    وناس منظر ومش حاجة
    وتلقاه كبيرحرس ونفير عليه منظر
    وهو جبان وشيخ منصر
    ولا يبـنش عليه حاجة

    كلامى يا خلق فيه حاجة؟
    لحد دلوقتى فيه حاجه؟
    كلام عادى وبسيط جداً ولا فِهشِ ولا حاجة
    ما انا ما أقدرش أقول حاجة
    صحيح نفسى أقول حاجة وميت حاجة
    لكن مش قادرة اقول حاجة
    لأنى لو هقول حاجة
    هييجى ناس بتوع حاجة
    وياخدونى ورا الحاجة
    وهو لو سمع حاجة
    هيعملوهالى ميت حاجة

    عموما بصو لو واحد من القاعدين
    عاوزنى أبلغه بحاجة
    يقول مايخفش من حاجة

    نعم فيه إيه؟
    لالالالالأ مافيش سرقه
    ولا تهليب ولا تهريب ولا حاجة

    وبتقول إيه
    مصمصوا إيه؟ وخصخصوا إيه؟
    ده كله كلام مفيش حاجه

    قضية إيه؟
    ياشيخ روح خلاص مافيش حاجه

    حرامى إيه ؟ ولَكّح إيه؟وهرب إيه؟
    شــفـافـيـه ومافيش حاجة

    وبتقول إيه؟لالالآلأ عـــيب
    لافيه تدليسولاترقيص
    ولا تدبيس ولا حاجه

    سمع مع هووووس
    انا حاسسة انه فيه حاجة

    دقيقة سكات لَتبقى حداد
    انا حاسسه انه فيه حاجة

    زمنكوا ياخلق فيه حاجة
    ولازموا كام وميت حاجة
    ده لو يعنى إذا كان فيه حاجة
    انا عن نفسى مش حاسسة ولا بحاجة
    ولا متضايقة ولا حاجة

    سعادتك برضه مش زيـى مافيش حاجة ؟
    أهـه بيقول مافيش حاجة

    جنابك برضه مش زَيـىِ وعلشان زيي مافيش حاجة
    أهـه بيضحك بيقول مافيش حاجة

    ما أنا قولتلكو من الأول مافيش حاجة

    عليا النعمه يا اخوانا مافيه حاجة
    ورحمة ابويا ويا أبوك على إللّى جابوك ما فيه حاجه

    وعهد الله . وعهد الله. وعهد الله
    ما خللولنا ولا حاجه

    بقلك ايه خلاص خلص و فركش
    يلا يا اخونا مفيش حاجه
    جريمتنا هويتنا
    جريمتنا هُويتنا وفينا الجرح يرتحلُ
    ولا ندري لنا رشدا وقد ضاقت بنا السبلُ
    يطارد ظلنا الداء وتجثم فوقنا العلل
    جريمتنا لنا حلم علي الطرقات منسحِلُ
    لنا حق بأن نحيا ونور الحق معتقلُ
    ومحتلون في دمنا علي أشلائنا احتفلوا
    علي أجفاننا ناموا وتحت جلودنا انسلوا
    مع أشباحهم عبروا حدود الروح فاحتلوا
    وســــفاح يطاردنـــا يقيـــم الحد يستل
    يصادر لون بشرتنا يحاصر دمع من صلوا
    مطالبنا لنا حلم ... لنا أرض... لنا أمل
    نريد لحلمنا وطنا ، فهل أحلامنا خلل
    هنا في ساحة الأقصي لنا خل لنا أهل
    لنا صلوات أضلعنا وأدمعنا لها ظل
    لنا زيتونة تبكي يعانق جرحَها الطللُ
    وساقية ودالية ... لنا موالنا ... الليل
    ووجه نخيلنا الدامي يقبل نزف من قتلوا
    لنا ثقب من الجرح ترشف نبضَه الرملُ
    ومنديل من الحزن علي أكتاف من صلوا
    وأم ملء عينيها تصاوير لمن رحلوا
    لنا مهد من القلق وزاوية لها مقل
    وأعمدة من الصمت وطفل عزمه جبل
    تفاصيل ستذكرنا إلي أن ينتهي الأجل
    تراب القدس قدسي سيشهد أننا الأهل
    زرعنا أرضنا صبرا ففاض الصبر والكيل
    لنا خمسون نأتكل علي عصف وهم أكلوا
    وفينا الليل يستشري فكيف سيهتدي الأمل
    وبعض أمورنا خبل وكل أمورنا هزل
    مصيبتنا مقاليد إلي الغلمان تنتقل
    عمادُ رشادِهم حيل ووجه عروشهم دجل
    مشينا خلفهم دهرا وقلنا علنا نصل
    علي أكتافنا مالت هوادجهم ولم يصلوا
    وشاب غرابُ طالعهم ومازلنا وما وصلوا
    وجعجعة بلا طحن وأقوال ولا فعل
    وأخماس وأسداس وما عزموا وما ارتحلوا
    أساءوا الرعي فاستسقوا وما ضاقت بهم حيل
    إذا ما استشعروا شررا أصاب ثيابهم بللُ
    وأحكام مغربلة وأدمغة ولا عقل
    فهل للحق أبواقٌ وهل يجدي لنا قول
    وهل ولّي أبو جهل لنصبحَ كلنا جهل
    دماء صغارنا اعتصرت وفي التلفاز نحتفل
    عظامهم هنا طُحنت بجرم ماله مثلُ
    وأعين فجرنا اقتلعت وقَرَّ الآثمُ الندلُ
    فكان الحكم بالنفي لمن بقيت له مُقـلُ
    وأسلحة مجنزرة ومجزرة ومختلُ
    ومنذهلٌ ... ومحتشدٌ ... ومنبطحٌ ... ومحتفلُ
    وأضلاع لنا فرت بوجه بارد ولوا
    قلوبهم هنا معنا سلاحهم لمن قتََلوا
    وبعض الخلق أتباع وأعداء بما جهلوا
    وكل الناس أعوان لمن فجروا وما خجِلوا
    فأين نلوذ مولانا وما المطلوب؟ ما الحلُّ؟
    ندير ظهورنا خزيا نقبل نعْل من ركلوا
    نقدم لحمنا هدْيا نبارك هضم ما أكلوا
    ونرشف سمهم طوعا علي الترياق نتكل
    ونملأ صدرَنا صمتا إلي أن ينطق الجملُ
    يمين الله لاذلٌ ولا خوفٌ ولا وجلُ
    إذا لم يستقم عود فلا عود ولا ظلُ
    ولا رأي لمن يعصي ولا حكمٌ لمن زلوا
    فمن لا يركب الأهوال لا يصبو له أملُ
    ومن لا سيف يحميه سيسحق ظلَّه الذلُ
    ومن تسبي له أرضٌ وأعراضٌ ويحتملُ
    فبسم الله نرفعها علي من ليس يمتثلُ
    وبسم الله نطلقها محررة ونتكلُ
    فلا سلمٌ ولا عهدٌ ولا رقصٌ ولا حجلُ
    سنشعل حولهم نارا ونفعل مثلما فعلوا
    أدمع عيونهم خمرٌ ودمع عيوننا خلُ
    أملءُ عروقنا ماءٌ وملء عروقهم عسلُ
    وهل أطفالنا جيفٌ وهل أطفالهم رسلُ
    نريد العدل في زمن أصاب ضميرَه الشلل
    فأين ُصلبت يا عدلُ؟ وأين نُفيت يا خجل
    معاهدة مفخخة ويشرب نخبَها الكل
    مؤامرة مدبرة وأحكم غلقَها الفذل
    وأول غيثها ديفي وشر ختامها أوسلو
    ومأساةٌ وملهاةٌ وأذنابٌ لها ذيل
    وهذا محور الشر وذا أفعي وذا حملُ
    وأدوار موزعة علي الأصنام والحفلُ
    سننقله مباشرة علي الأشهاد فاتصلوا
    هنا زنزانة العصر وخط القهر متصلُ
    هواتفكم مراقبةٌ جوائزنا لمن يصلُ
    لأوصافٍ لهاجرحٌ ومقبرةٍ بها بطلُ
    الديك دا طور
    ايها السادة اللى مش ساده
    اليكم نشرة الهم المعاده
    فى حديث خاص لاذاعة
    هس هس العالمية
    صرح الوالى المعظم
    من ولاية ننه ننه
    للولايه بتاعنا احنا
    اللى فاهم كل حاجة
    واللى مش محتاج لحاجة
    الا لشوية عزيمه
    على حبة من ارادة
    بس عايزين الصراحه
    كان حديثه نيله خالص
    سورى عفوا !!
    كان حديثه حلو خالص
    والمذيعه حلوه خالص
    والكلام كان حلو خالص
    بس كان هايس ولايص
    تنك الساعتين بطوله
    مش لاقى حاجه يقوله
    واللى يقوله يعيده
    واللى بيعيده يقوله
    خلت العثمان بتاعنا
    عقله خلبط خلطبيطه
    قاله يخرب بيت ابوكى
    قولى حاجه يا مصيبة
    انتوا وياهم علينا
    ولآ ويانا عليهم
    تنح المذكور وقاله
    يا بلاوى أفهمونى
    انا طول عمرى حيداى
    اعشق اللون الرمادى
    و أكره الفعل الارادى
    بس فكرى زى فكر اللى جابونى
    كان ضرورى يكون احادى
    قاله عثمان يا عظمتك
    يعنى قصدك ديك دا تور
    قاله ديك دا اللى قصادك ولا طور
    قاله ديك ..
    قاله يبقى انت اللى طور ... !!
    يابنت بلدي
    يابنت بلدي عيب ..لما اللجام هيسيب .. يسترخصوكي الناس
    في بنطلون مزنوق .. وبلوزه شبر لفوق .. ولا حتى فـ الجمباز
    عريتي تحت وفوق.. ولا عدش عندك زوق .. ولاحتى فيه احساس
    لحم الخروف مدبوح ..بنجيبه بعد الروح .. ما تحصّــل الأنفاس
    ولحمتك بالكوم .. دكان وطول اليوم ..مفتوح لأرخص ناس
    يخرب زمنا زمان .. كأنه عُمر ما كان .. لالينا اصل ولا اساس
    قالوا الرجال
    قالوا الرجال إن النسا مالهمش في الوزارات
    ونهار ابونا مِسا لو حكّموا
    الستات
    في وزارة التموين و الاقتصاد بالذات
    حتضيع فلوس البلد في اللبس و
    البوتيكات
    بالذمة ده اسمه كلام
    يبقى وزيرنا مدام
    واسم البعيد
    فتكات
    يختي عليه لو مشي
    يدخل مجالس إشي
    لابس قميص شفتشي
    من كلمة واحده
    يختشي..وينزل صويت وعياط
    يا اهل العلام والادب
    اقروا التاريخ اللي انكتب..فوق
    الطريق علامات
    كليوباترا حكمت بلد
    بالحيلة ويّا الجلد
    من غير لا خد ولا
    هات
    وكام من وزير كان قفا
    جه في الطريق واختفى .. ولهف وراه ألوفات
    قصر
    الكلام يتقال .. مين فيهم اللي يفيد
    مش مسالة عضلات
    وساعات كتير ستات بيكونوا
    رجالة
    ورجال بطبع النسا
    وطالعلهم شنبات
    البغبغان



    آخر بيان للبغبغان اللي ف بلاد العم سام
    كان بهبهون مافهمناهوش

    بعبع وقال بُقين كلام والمعني إيه
    ماعرفناهوش

    معقول يكون البغبغان اللي تبغبغ من زمان صماويل جنابه
    اتلخلخوا

    طول عمره سايق في الجنان والعقل عامل شقلبان قام جاب له أورطة
    يمغمغوا

    عملوا وطن من غير بيبان اتملكوا فيه الغيلان

    ووطن جعان ازاي
    ينام والطمعجية ف خيره ناموا وأنتخوا

    والبغبغان يكره يموت يسمع سكوت
    المخروسين

    إن قلت بم قفاك يرن عليه أيادي المحروسين

    بيجرجروك أنت
    وذووك زي الخروف ويسمعوك يادي الكسوف لستة كلام !! ماأبوخه

    والبغبغان اللي
    تبغبغ كل من قرب حداه اتبغبغوا

    جوم طرمخوا ع الطرمخان واللي يطرمخ يبسطه
    وينغنغو

    وف مجلس البغابيغ بنلقي البغبغان قاعد يبغبغ بالكلام يضحك وهما
    يسخسخوا

    ماتقلش يعني البغبغان اللي ف بلاد الألعبان هوا اللي كان
    بيزغزغو

    إلهي يهدي البغبغان واللي تبغبغ يوم معاه تقصف رقبته
    ودغدغو

    وإلهي يوم المعمعان ألقاه هناك وكتير معاه م البغابيغ اللي افتروا
    يوم أو بغوا



    ياخلق لأو اللأه قوموا اتلحلحوا

    شوفوا الكلاب
    !! حتي الكلاب لو شافوا يوم واحد حرامي بينبحوا

    وانتو اللي مسروق
    عمركم

    وانتوا اللي ضايع حلمكم

    ولا حتي يوم تتلحلحوا

    ونصيحتي
    ليكم تروحوا

    سبحانه من حكم عليكو البغبغان

    تستاهلو ميت مليون
    كمان

    وان شفتم مرة بغابيغ جايين عشان
    يبغبغوكم

    اتبغبغوا

    اتبغبغوا
    دستور يا أسيادنا
    دستور يا اخوانا يا بعدا

    لأ سوري دستور م البعدا

    محبوس حابس يا سيادنا

    و بكاكي من فوق مدنة

    و ورايا ديوك بيكاكو

    حرصوا عالباقي معاكو

    بركة مولانا هولاكو

    حلت و علينا اللعنة

    طرطور طرطر طراطير

    بيغروا فالدساتير



    و لا عاد فالحتة كبير

    و يا وارث تورث مين

    ما الورث إتباع و إتبعنا

    نرجع تاني لموضوعنا

    و بيان لديار الإفتا

    من جمهورية زفتا

    لعبو و عملوها إستفتا

    صوت ياللي سامعنا

    و قوللي ملك ولا كتابة

    أسد شبل ف الغابة

    و احلف وحياة راس بابا

    زفة فمولد كدابة

    و الله يجازي اللي خدعنا

    للجوكر ألف تحية

    ملعون خاش الحرية

    يحيا قانون العبودية

    و القوانين الوضعية

    و الحكومات الشمولية

    لها مني ألف تحية

    وحياة أمي دي رجعية

    و لو صوتنا و جعجعنا

    واحد ولافيش غير هوه

    قاعد متربع جوة

    و بكيفك أو بالقوة

    لو سوبر مان و فتوة

    روح قله بقى يودعنا

    عصابات شغل فتوات

    و إستعباط على حركات

    و السقا أبوه لو مات

    حيقوم يسقي الشربات

    و يكمل على مواجعنا

    مزيكة و تراباتتو

    و نفديك بالدم.. إفدوه

    بس إحنا و رحمة أبوه

    مين ده اللي حيلوي دراعنا

    روح هاتلي لمون بالصودا

    انا حاسة بريحة شوطة

    حيصعدوا فصل الروضة

    و الورث حيصبح موضة

    لم الجدعان و اتبعنا

    على قهوة ساقية مكي

    نصرخ نلطم و حنبكي

    ده ناويها و بيتكتكلي

    قبل ما حتى يودعنا

    ظقططوا يا عيال قولوا هيه

    الحكم صبح تيك أواي

    لو عايز قول أوكيه

    و لو رافض قول أوكيه

    في كلا الحالتين نوو واي

    غير كودية و زار ينفعنا

    لأنا عايزة بخور م الجاوي

    و حمار أرمل و حصاوي

    و دراع برغوت مش غاوي

    تنطيط عفريت و مخاوي

    شلة مقاطيع يقطعنا

    حابس من شر الكرسي

    من شر عزيزة و مرسي

    من قرص النمل الفارسي

    م الأحياء و الأموات

    من كايرو إلى بغداد

    أشتات أشتوت أشتات

    حرصوا من لعب السيكا

    م الحكشة و م البولوتيكا

    و لا تشمت يوما فيكا

    مارشيل بنت أم ماريكا

    قول حاجة الله يهديكا

    و ادعي معايا يخليكا

    حلوا بقى عن أوجاعنا

    و انصرفوا عليكوا اللعنة

    انصرفوا عليكوا اللعنة


    مواضيع ذات صلة

    0 Not allowed!


    الملفات المرفقة
    (اللهم اني اعوذ بك من علم لا ينفع ومن قلب لا يخشع ومن دعاء لا يستجاب له يا رب العالمين).
    حياتنا لوحة فنية الوانها القول واشكالها العمل واطارها العمر ورسامها نحن فأذا انقضت حياتنا اكتملت اللوحة وعلي قدر روعتها تكون قيمتها فاذا قامت القيامة عرض كل انسان لوحته وانتظر عاقبته فأبدع في لوحتك فما زالت الفرشاة في يدك.
    رد مع اقتباس  

  2. #2  
    تاريخ التسجيل
    Aug 2007
    المشاركات
    236
    Thumbs Up
    Received: 1
    Given: 0
    الاخوة المصريين اين مشاركاتكم


    0 Not allowed!


    (اللهم اني اعوذ بك من علم لا ينفع ومن قلب لا يخشع ومن دعاء لا يستجاب له يا رب العالمين).
    حياتنا لوحة فنية الوانها القول واشكالها العمل واطارها العمر ورسامها نحن فأذا انقضت حياتنا اكتملت اللوحة وعلي قدر روعتها تكون قيمتها فاذا قامت القيامة عرض كل انسان لوحته وانتظر عاقبته فأبدع في لوحتك فما زالت الفرشاة في يدك.
    رد مع اقتباس  

  3. #3  
    تاريخ التسجيل
    Jan 2007
    المشاركات
    5,978
    Thumbs Up
    Received: 858
    Given: 1,469
    طبعا ايمان بكرى غنيه عن التعريف لاى مهتم بمجال الشعر
    و على فكره انا اعرفها شخصيا :)
    بس عاوز اقول حاجه
    هى لغتها العربيه مش ضعيفه و لا حاجه ده نوع من الشعر يعرف بشعر العاميه و طبعا اشهر مثال لشعر العاميه هو الابنودى


    0 Not allowed!


    ليكن اخر كلامنا فى كل مجلس هو دعاء كفاره المجلس
    سبحانك اللهم و بحمدك... اشهد ان لا اله الا انت... استغفرك و اتوب ا
    ليك

    من طلب رضا الله بسخط الناس
    رضى عنه الله و ارضى عنه الناس
    و من طلب رضا الناس بسخط الله
    سخط عليه الله و اسخط عليه الناس


    كل ما املك من برامج و كتب و شرح و خلافه
    ملفات اخرى مهمه على Dropbox
    رد مع اقتباس  

  4. #4  
    تاريخ التسجيل
    Aug 2007
    المشاركات
    236
    Thumbs Up
    Received: 1
    Given: 0
    ماشاء الله كل هذا العدد من المشاهدات ولا يوجد سوى تعليق واحد هل اصبح الشعراء والمهتمين بالشعر بخلاء لهذا الحد عموما اشكركم علي اهتمامكم.


    0 Not allowed!


    (اللهم اني اعوذ بك من علم لا ينفع ومن قلب لا يخشع ومن دعاء لا يستجاب له يا رب العالمين).
    حياتنا لوحة فنية الوانها القول واشكالها العمل واطارها العمر ورسامها نحن فأذا انقضت حياتنا اكتملت اللوحة وعلي قدر روعتها تكون قيمتها فاذا قامت القيامة عرض كل انسان لوحته وانتظر عاقبته فأبدع في لوحتك فما زالت الفرشاة في يدك.
    رد مع اقتباس  

  5. #5  
    تاريخ التسجيل
    Jul 2010
    المشاركات
    2
    Thumbs Up
    Received: 0
    Given: 0
    شكرا جدا جدا


    0 Not allowed!


    رد مع اقتباس  

  6. #6 شكرا ليك يا اخي. 
    تاريخ التسجيل
    Aug 2007
    المشاركات
    236
    Thumbs Up
    Received: 1
    Given: 0
    اقتباس المشاركة الأصلية كتبت بواسطة tarek elgammal مشاهدة المشاركة
    شكرا جدا جدا
    في زماننا هذا حينما تجد محبا للشعر فان ذلك يسعدك ويعطيك امل بان الحياه ما زالت تعطي نماذج يستطيع الانسان اذا وضعها بجانب نماذج مثل ابو الليف المطرب المصرى فانه يدرك ان التوازن ممكن ان يولد من جديد شكرا لك اخي الكريم علي زيارتك للموضوع.


    0 Not allowed!


    (اللهم اني اعوذ بك من علم لا ينفع ومن قلب لا يخشع ومن دعاء لا يستجاب له يا رب العالمين).
    حياتنا لوحة فنية الوانها القول واشكالها العمل واطارها العمر ورسامها نحن فأذا انقضت حياتنا اكتملت اللوحة وعلي قدر روعتها تكون قيمتها فاذا قامت القيامة عرض كل انسان لوحته وانتظر عاقبته فأبدع في لوحتك فما زالت الفرشاة في يدك.
    رد مع اقتباس  

  7. #7  
    تاريخ التسجيل
    Jul 2010
    المشاركات
    114
    Thumbs Up
    Received: 1
    Given: 0
    ايمان البكري شعرها رائع جدا بالنسبة لي ولا ارى في ضعف اللغة في ما يخص القصائد الفصيحة اي ضرر يخل بالمعاني صحيح انها لم تقم القصائد على قواعد النحو ولكنها اقامتها على ماهو اهم وهو العاطفة وصدق الشعور واظن ان هذان العاملان انفع لبنيان الشعر وشكرا لموضوعك الرائع


    0 Not allowed!


    رد مع اقتباس  

  8. #8  
    تاريخ التسجيل
    May 2010
    المشاركات
    1,467
    Thumbs Up
    Received: 10
    Given: 1
    مانقراء هو إسترسال لخواطر تتأرجح بالذهن غير مقيدة بتسلسل شعورى أو بأوزان وبحور محددة ولاحتى تتقيد بثوابت النحو العربى ولاتلتزم بصحيح الفاظ اللغة ولايجمع الكتابات
    وحدة شعورية واحدة وهذا ليس بشعر وإنما هو أقرب للنثر المسجوع وليس وضعه فى ترتيب وسطور متتالية أن يطلق عليه شعرا فالشعر شىء آخر....له ضوابطه وثوابته...وقد ظهر فى
    فترة من الفترات بدعة تسمى بالشعر الحر وفيه لايوجد تقييد بأى ضوابط من بحور شعرية ولكن فيه على الآقل التزام بقواعد اللغة العربية ولايلجاء إليه إلا ضعاف الموهبة واللغة وغزير الإطلاع وحفظ أبيات الشعر ودراسة قواعد اللغة وبحور الشعر والثقافة الغزيرة تصقل الموهبة وترتقى بها إلى عليين فالموهبة وحدها عاجزة لاتكفى ولها حدودها القصوى ....


    0 Not allowed!


    التعديل الأخير تم بواسطة eng.mohamedafifi ; 03-08-2010 الساعة 03:53 AM
    رد مع اقتباس  

  9. #9  
    تاريخ التسجيل
    May 2010
    المشاركات
    1,467
    Thumbs Up
    Received: 10
    Given: 1
    اقتباس المشاركة الأصلية كتبت بواسطة محمدالمذحجي مشاهدة المشاركة
    ايمان البكري شعرها رائع جدا بالنسبة لي ولا ارى في ضعف اللغة في ما يخص القصائد الفصيحة اي ضرر يخل بالمعاني صحيح انها لم تقم القصائد على قواعد النحو ولكنها اقامتها على ماهو اهم وهو العاطفة وصدق الشعور واظن ان هذان العاملان انفع لبنيان الشعر وشكرا لموضوعك الرائع
    العاطفة والشعور وحدهما لايقيما شعرا وإن كانا صادقين ..ولكن يقيما مقالا أوخطابا أوغير ذلك
    أما الشعر فله ضوابط صارمة.. وإن توفرت فيسبقها الموهبة الواضحة والثقافة الرفيعة ..


    0 Not allowed!


    رد مع اقتباس  

  10. #10  
    تاريخ التسجيل
    Aug 2007
    المشاركات
    236
    Thumbs Up
    Received: 1
    Given: 0
    اقتباس المشاركة الأصلية كتبت بواسطة eng.mohamedafifi مشاهدة المشاركة
    مانقراء هو إسترسال لخواطر تتأرجح بالذهن غير مقيدة بتسلسل شعورى أو بأوزان وبحور محددة ولاحتى تتقيد بثوابت النحو العربى ولاتلتزم بصحيح الفاظ اللغة ولايجمع الكتابات
    وحدة شعورية واحدة وهذا ليس بشعر وإنما هو أقرب للنثر المسجوع وليس وضعه فى ترتيب وسطور متتالية أن يطلق عليه شعرا فالشعر شىء آخر....له ضوابطه وثوابته...وقد ظهر فى
    فترة من الفترات بدعة تسمى بالشعر الحر وفيه لايوجد تقييد بأى ضوابط من بحور شعرية ولكن فيه على الآقل التزام بقواعد اللغة العربية ولايلجاء إليه إلا ضعاف الموهبة واللغة وغزير الإطلاع وحفظ أبيات الشعر ودراسة قواعد اللغة وبحور الشعر والثقافة الغزيرة تصقل الموهبة وترتقى بها إلى عليين فالموهبة وحدها عاجزة لاتكفى ولها حدودها القصوى ....
    اخي الفاضل.
    كلامك لا غبار عليه وانا متفق معك في اغلب ما قلت اما اختلافي البسيط معك فهو وصفك للشعر الحر ببدعة فالبدعة ضلالة والضلاله في النار و انا متفق معك في ان الشعر الحر يهدر جميع قواعد اللغة لاكن يمكن وصفه باي شيء اخر غير البدعة فنحن نعرف البدعة علي انها ضلاله ولا نعرفها بمعناها اللغوى الصحيح فيجب مراعاه حال المستمع يا اخي الفاضل وقبل ان انهي كلامي اود ان اقول لك ولكل اخواننا في العالم الاسلامي.



    0 Not allowed!


    (اللهم اني اعوذ بك من علم لا ينفع ومن قلب لا يخشع ومن دعاء لا يستجاب له يا رب العالمين).
    حياتنا لوحة فنية الوانها القول واشكالها العمل واطارها العمر ورسامها نحن فأذا انقضت حياتنا اكتملت اللوحة وعلي قدر روعتها تكون قيمتها فاذا قامت القيامة عرض كل انسان لوحته وانتظر عاقبته فأبدع في لوحتك فما زالت الفرشاة في يدك.
    رد مع اقتباس  

  
صفحة 1 من 2 12 الأخيرةالأخيرة
الكلمات الدلالية لهذا الموضوع

عرض سحابة الكلمة الدلالية

RSS RSS 2.0 XML MAP HTML