صناعة الثنر

:جديد المواضيع
صفحة 1 من 11 12345 ... الأخيرةالأخيرة
النتائج 1 إلى 10 من 106

صناعة الثنر

  1. #1
    عضو متميز

    User Info Menu

    صناعة الثنر

    السلام عليكم ورحمة الله وبركاته
    اولا بشكر ربنا سبحانه وتعالى على معرفتى بهذا المنتدى الرائع الذى فتح لى ابواب الرزق والحمد لله اصبحت امتلك مصنعا للثنر بسبب هذا المنتدى الرائع وبأعضائه الرائعين امثال اخونا مهندس المحبة والفتى النبيل ونبيل عواد الغبارى وchemicaleng.......الخ
    ثانيا انا حابب ان انقل تجربتى هنا ليستفاد الجميع مع انى لست كيميائيا لكن مع التجارب الحمد لله تعملت الكثير وعلى استعداد لتقديم اى شيئ بخصوص هذا الموضوع

    دى مثلا تركيبة للثنر العادى لتخفيف البويات والسيلر والانتركوتر ...الخ وهذا النوع يطلق عليه الثنر الشعبى او البلدى وهو رخيص جدا بالنسبة لثنر الاكريلك الذى سأقوم بذكر تركيبته ايضا فى الموضوع باذن الله
    بنزين معالج 44%
    ميثانول 41%
    بوتيل اسيتات 4%
    بوتيل جلايكول 6%
    اسيتون او ميثيل ايثيل كيتون(ميك) 5%
    نيجى بقى بالنسبة للبنزين المعالج ازاى يتعالج؟؟
    هنجيب حاجة اسمها تراب تبييض امريكى(هتلاقى منه نوعين صينى وامريكى) هات الامريكى افضل بكثير وبتحتاج توضع منه على لتر البنزين 25 جرام يعنى هتلاقى تكلفته مش كبيرة باذن الله عليك وده اللى هيضيع لون البنزين الاحمر بالنسبة للبنزين ال 80 او الاخضر للبنزين ال 90
    نيجى بقى لخطوات التركيبة هنجيب تنك الطن المكعب وسعته 1000 لتر ولكن احنا مش هنحط فيه الطن كله لكن هنضع فيه من تركيبة الثنر 750 لتر عشان التقليب يعنى لو على التركيبة اللى ذكرتها من قبل البنزين لو على الطن هتبقى 440 بنزين و410 ميثانول و40 اسيتات و60 جلايكول و50 ميك ولو جمعت الحسبة دى هتلاقيها 1000 لتر هتقسمها على اربعة ثم تضربها فى تلاتة هيطلعلك الناتج النهائى هو ده اللى هيبقى داخل التتنك المكعب
    نيجى لمرحلة التقليب ونقل مواد الخام من البراميل للتنك هنجيب موتور مياه نصف حصان ونركب سيكس بلف ونوصله من الطرفين خرطومين مخصصين للمواد الكيماوية (هتلاقيه عند بتوع المواد الصناعية)ونضع اللى يسحب فى ال\برميل والتانى فى التنك وبعد ما نخلص نقل هنحط الخرطومين فى التنك ليتم التقليب (للثنر) عن طريق الهواء وده احسن من تقليب العصا ويغنينا عن الاجهزة المكلفة للتقليب
    بعد كدة هنجيب طبعا ميزان صغير كهربائى لوزن المواد الخام عليه عن طريق جردل عادى وكذلك لوزن جراكن الثنر اللى ممكن مثلا تجيب زجاجات مياه الغازية وتقوم بعيارها ثم بالنظر تعبى من التنك وتضع فى الجراكن ونيجى لمرحلة التعبئة من التنك للزجاجات ؟؟
    هنركب حنفية ايطالى(عشان بتستحمل) ونفتح ونقفل من غير ما نسكب الثنر فى الارض
    اما بخصوص الثنر الاكريلك مش بيتحط عليه بنزين والميثانول بتقل نسبته كثيرا وبتضع مكانه طولوين او تى اكس او زيلين ودى مواضيع تعلمت منها الكثير والكثير http://www.arab-eng.org/vb/t174962.html
    http://www.arab-eng.org/vb/t188988.html
    http://www.arab-eng.org/vb/t184204.html
    ولو فى اى استفسار انا تحت امركم
    وارجو الدعاء لوالدى ووالدتى (رحمهم الله)ولشهداء ثورة مصر الثورة العظيمة 25 يناير ولجميع المسلمين يارب العالمين


    2 Not allowed!
    لا اله الا انت سبحانك انى كنت من الظالمين

  2. #2
    عضو فعال

    User Info Menu

    الاستاذ / توكة
    ألف مبروك وتمنياتى لك بالتوفيق
    ولكن هل تقوم بالتوزيع بنفسك أم عن طريق تاجر جملة ؟


    0 Not allowed!

  3. #3
    الحمد لله

    User Info Menu

    ما شاء الله وبارك الله بك وبالعلم الذي لم تبخل به علينا
    واخص بالشكر الجنود المجهولين
    الاخوة مهندس المحبة والفتى النبيل ونبيل عواد الغبارى وchemicaleng
    وبارك الله بكم اخوة في الله متحابين


    0 Not allowed!
    من كان يخشى الله واليوم الاخر فليدخل وليدعُ لنا ولتعلم ان اخوانا لك ينتظرون دعائك فلا تبخلن عليهم عسى ان تكون مجاب الدعوة



    كن مع الله تر الله معك......... و اترك الكل وحاذر طمعك
    وإذا أعطاك من يمنعه......... ثـم من يعطي إذا ما منعك
    الفقير لله الياس عبد النور
    ▌║││║█║▌│║│█║▌█│║▌▌║│││  
    11 0011 10101 10101 1100 11

  4. #4
    عضو متميز

    User Info Menu

    اقتباس المشاركة الأصلية كتبت بواسطة محمد اسماعيل السيد مشاهدة المشاركة
    الاستاذ / توكة
    ألف مبروك وتمنياتى لك بالتوفيق
    ولكن هل تقوم بالتوزيع بنفسك أم عن طريق تاجر جملة ؟
    الله يبارك فيك اخويا محمد وانا اسف انى لم اذكرك فى موضوعى لانك ايضا من الناس اللى ساعدونى الحمد لله
    اما بخصوص سؤالك فأنا اقوم بالتوزيع بنفسى وايضا عن طريق تجار فى كذا محافظة واى شيئ انا تحت امرك


    0 Not allowed!
    لا اله الا انت سبحانك انى كنت من الظالمين

  5. #5
    عضو متميز

    User Info Menu

    اقتباس المشاركة الأصلية كتبت بواسطة الياس عبد النور مشاهدة المشاركة
    ما شاء الله وبارك الله بك وبالعلم الذي لم تبخل به علينا
    واخص بالشكر الجنود المجهولين
    الاخوة مهندس المحبة والفتى النبيل ونبيل عواد الغبارى وchemicaleng
    وبارك الله بكم اخوة في الله متحابين
    الحمد لله والاخوة الافاضل علمونى انى مبخلش على حد بأى حاجة اتعلمتها واكرر مرة اخرى شكرى لكل من ساعدنى وشرفتنى بمرورك


    0 Not allowed!
    لا اله الا انت سبحانك انى كنت من الظالمين

  6. #6
    عضو

    User Info Menu

    ربنا يباركلك ويوسع عليك وان الان بصدد عمل مشروع تنر للدوكو وايضا للأكريليك ارجو منك المساعدة في التوزيع
    وارسال لي علي الخاص متوسط رأس المال كبدايه وشكرا لك


    0 Not allowed!
    [frame="11 70"] :) أمير محمد[/frame]

  7. #7
    عضو متميز

    User Info Menu

    اقتباس المشاركة الأصلية كتبت بواسطة amir مشاهدة المشاركة
    ربنا يباركلك ويوسع عليك وان الان بصدد عمل مشروع تنر للدوكو وايضا للأكريليك ارجو منك المساعدة في التوزيع
    وارسال لي علي الخاص متوسط رأس المال كبدايه وشكرا لك
    ربنا يخليك
    نصيحة ليك بعد ما تعمل تركيبتك روح للتجار واعرض عليهم منتجك الاول واعطيهم عينات منها وشوف رد فعلهم ايه وحاول متكسبش كتير فى الاول عشان تكسب سوق وبعد كدة ابقى غليه (حسب الاسعار المتعارف عليها فى السوق)
    اما بخصوص رأس المال المناسب فممكن تبدء ب 30 الف مثلا لو هتشتغل شعبى بس وانا انصحك ان تبدء بالشعبى افضل عشان بيعه اكتر وتوكل على الله وابدء مشروعك


    0 Not allowed!
    لا اله الا انت سبحانك انى كنت من الظالمين

  8. #8
    عضو

    User Info Menu

    شكرا ليك جدا يا محمد وربنا يبارك فيك وبخصوص جركن العبوات اللي زي جركن المهندس بيتجاب منين وسعره كام والكرتون برده اعمله فين


    0 Not allowed!
    [frame="11 70"] :) أمير محمد[/frame]

  9. #9
    عضو متميز

    User Info Menu

    اقتباس المشاركة الأصلية كتبت بواسطة amir مشاهدة المشاركة
    شكرا ليك جدا يا محمد وربنا يبارك فيك وبخصوص جركن العبوات اللي زي جركن المهندس بيتجاب منين وسعره كام والكرتون برده اعمله فين
    العفو اخى الكريم
    الجراكن ب 1 جنيه 3 لتر واقل كمية الف جركن اما بخصوص الكرتون فبيبدء من 1.25 للكرتونة وطبعا لو عايز تطبع لازم تعمل اسطمبة ليك باسم منتجك وتقريبا بتكلف 250 جنيه ولو انت من اسكندرية تعمله فى برج العرب


    0 Not allowed!
    لا اله الا انت سبحانك انى كنت من الظالمين

  10. #10
    عضو

    User Info Menu

    جزاك الله خيرا يا محمد وبارك الله لك في مالك واهلك وربنا يوسع ليك تجارتك بس يا ريت تقولي المصنع اللي بيصنع الجراكن


    0 Not allowed!
    [frame="11 70"] :) أمير محمد[/frame]

صفحة 1 من 11 12345 ... الأخيرةالأخيرة

الكلمات الدلالية لهذا الموضوع

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •