:جديد المواضيع
صفحة 15 من 37 الأولىالأولى ... 511121314151617181925 ... الأخيرةالأخيرة
النتائج 141 إلى 150 من 363

تصنيع الفنيك المطهر من الألف إلى الياء

  1. #141
    عضو

    User Info Menu

    اللهم اجعل هذا العلم نورا يهدى كل ضال واجعل لصاحبه فيه احسن الاجر والثواب واجعله اللهم علما ينتفع بيه الى يوم القيامه واجعله لصاحبه صدقة جارية
    الى كل الاخوه الاعزاء الى من جر الله الحق على السنتهم جزاكم الله خيرا
    الى اخوا الاعزاء نرجوا ان نلتمس للاخ الكريم وندعوا الله له بالقبول السداد وان يتقبل الله منه صالح الاعمال
    اخوكم


    0 Not allowed!

  2. #142
    عضو فعال

    User Info Menu

    (أرجو عدم وضع وسائل أتصال لمخالفتها القوانين ............ المشرف مهندس المحبة)


    0 Not allowed!
    التعديل الأخير تم بواسطة مهندس المحبة ; 2010-07-10 الساعة 07:49 PM

  3. #143
    عضو فعال

    User Info Menu

    2_ هنجيب شكارة صودا كاوية أو شكارتين اللى معروفة عند عوام الناس بالبطاس

    وأفضل صودا تشتغل بيها الصودا القشور وأفضلها بتاعة القوات المسلحة المصرية المعروفة عند شركات الكيماويات بالشكارة الصفراء بتاعة القوات المسلحة بتاعة شركة النصر للكيماويات الوسيطة

    وهذه صور ليها :






    وطبعا زى ما انتم شايفين الصور ان تركيزها من 98 _ 99 %

    والشكارة بيبقى وزنها 25 كيلو ب 85 جنية وهتلقيها عند شركات الكيماويات اللى انا ذكرتها عند الكلام على القلفونية

    طيب لو ملقنهاش ممكن نجيب اى صودا قشور تركيزها يكون عالى هتلاقى فى السوق منها الصينى او الأردنى او السعودى أو اى نوع المهم تكون صودا قشور تركيزها يصل ل 98 % علشان تصبن معانا كويس عند عمل صابونة الفنيك



    0 Not allowed!

  4. #144
    عضو فعال

    User Info Menu

    3_ هنجيب حوالى 3 كيلو مادة على شكل البودرة لونها ابيض وناعمة زى البودرة ودية مادة مش أساسية فى الفنيك
    ولكن هنستخدمها فى بعض التضريبات وخاصة الفنيك السايل السوبر اللى بيتعبى فى جراكن 20 لتر وجمدانات 60 لتر فهنستخدمه كمادة مالئة متخنة للفنيك لرفع لزوجة الفنيك السائل
    والمادة دية اسمها المعروفة بيه فى السوق هو :
    (تايلوز) (tylose) واسمها العلمى هو هيدروكسى ايثيل سلليلوز"hydroxy ethyl cellulose"
    وسعرها عندنا فى مصر45 جنيه للكيلو فى الشكارة ومنشأه إيطالى وفيه منه ألمانى الشكارة بيبقى مكتوب عليها "scmc" يعنى صوديوم كربوكسى ميثيل سلليلوز وده سعره عندنا 28 جنيه للكيلو فى الشكارة ومنشأه ألمانى

    وهو بيشترى من شركات الكيماويات اللى احنا ذكرناها قبل كده فى الكلام على القلفونية



    0 Not allowed!

  5. #145
    عضو

    User Info Menu

    جزاك الله خيرا


    0 Not allowed!

  6. #146
    عضو فعال

    User Info Menu

    4 _ هنجيب خامة هى أساسية فى بعض التضريبات وغير أساسية فى بعض التضريبات بس لازم تكون موجودة عندنا لإن فى الغالب بنخليها أساسية فى أغلب شغلنا وهذه الخامة هى ( فينول كريستال )( phenol crystal )

    وهو بيأتى فى برميل وزنه 200 كيلو وفيه منه كذا منشأ فى السوق ألمانى ساسول وإيطالى وجنوب أفريقيا

    إحنا هنجيب بتاع جنوب أفريقيا المنشأ أرخصهم وأنا صراحة جربته ممتاز جدا
    وسعر الكيلو فى البرميل 10.5 جنية ( عشرة جنيهات ونصف ) يعنى البرميل يعمل 2100 جنية

    وهو بيأتى من الشركات السابق ذكرها عند الكلام على القلفونية والصودا والتايلوز
    انا طبعا بجيب بالبرميل أوفر وضمان انه مبرشم ومن بلده
    وفيه فى القاهرة فى شارع الجيش شركات كتير بتبيع الفينول بالكيلو بس صراحة انا معرفشى منشأه اللى بيتباع سايب بالكيلو ولا سعره ولا إذا كان مضمون ولا لأ لإنى مجبتوش سايب بالكيلو قبل كده المهم ممكن تذهب إلى هناك وتسأل الشركات كلها اللى فى شارع الجيش وعلى رأسهم شركة مروان جروب اللى ذكرتها قبل كده وشركة سمير نيرول على ما سمعت إن حاجتهم مضمونة
    وعندك برده الشركات التانية اللى انا ذكرتها زى اللى فى قويسنا واللى فى طنطا وغيرهم كتير وممكن انتا تلاقى شركات تانية فى محافظتك انتا دور واسأل
    ومادة الفينول اللى بتبقى فى البرميل عبارة عن كريستال صغير على شكل سكر النبات

    وبعد اما بتشتريه بيتم تسييحه آى تحويله من الحالة اللى عليها وهو كريستال صغير إلى سائل

    وهنبقى نشرح ذلك بالتفصيل عند الكلام على طرق التصنيع


    ودية صور لبرميل الفينول اللى منشأه جنوب أفريقيا:












    0 Not allowed!

  7. #147
    عضو فعال

    User Info Menu

    5_ هنجيب حوالى جمدانتين فاضيين ( فارغتين يعنى أقصد علشان نعبى فيهم الجاز الأبيض ) ونشترى فيهم جاز أبيض يعنى حوالى 120 لتر جاز ابيض هو لتر الجاز الأبيض ب 1.5 جنية من مصدره من كوبانية الجاز أو هتشتريه من أى دكان بقالة أو من أى مكان
    المهم يكون جاز أبيض مش جاز مخلوط على سولار زى ما بيتغش





    0 Not allowed!

  8. #148
    عضو فعال

    User Info Menu

    6_ هنجيب حوالى 1 كيلو من مادة تشبه حبات السكر بيضاء اللون اسمها بولى أكريمالي معروفة عند محلات الكيماويات باسم بولى

    وهذه المادة بتستخدم فى الصابون السائل احيانا بتعطى عرق للصابون السائل فاحنا بنستخدمها هنا فى الفنيك علشان تعطى عرق للفنيك وتزود فى لزوجته

    وهذه الخامة الكيلو فيها ب 35 جنيه
    وهو بيأتى من شركات الكيماويات السابق ذكرها





    0 Not allowed!

  9. #149
    عضو فعال

    User Info Menu

    [right][size="5"][b]7 _ هنجيب خامة اسمها
    زيت محمض


    وهو عبارة عن ايه زيت مرتفع الحموضة فهما فى الشركة هناك الزيت اللى مرتجع عندهم من الزيوت النقية اللى عندهم زى زيت بذرة القطن او الصويا مثلا اللى هو الغير نقى اللى هو الدرجة اللى بيقولوا عليها ثالثة بياخدوه ويوضع له نسبة صودا 1% او 1.5 % يعنى يتعمله عملية مسولاج فيبقى عبارة عن صابون يقوموا بعد كده حاطين عليه حامض كبرتيك مركز تركيز 98 % يقوم يدينى فى النهاية زيت مرتفع الحموضة اللى هو بيسموه زيت محمض عبارة عن ( مسولاج + حامض كبريتيك ) فيدينى فى النهاية زيت أسمر سائل قابل لنسبة بسيطة من التجمد فى الشتاء اما فى الصيف فبيبقى على حالته السائلة
    والزيت ده بنشتريه من شركة اسكندرية للزيوت اللى فى كفر الزيات وبشتريه عادى من غير ورق ولا اجرائات اى اقصد من غير بطاقة ضريبية ولا سجل يعنى اى حد ممكن يشتريه من غير اى اجراءات

    وسعر الكيلو 3.1 جنية ( ثلاثة جنيهات وعشرة قروش ) واى كمية انتا عايزها بيدوهالك حتى لو كيلو واحد

    واحنا هنعوز كمية بسيطة منه حوالى 100 كيلو

    _ وفيه كمان زيت تانى هنجيبه هو عبارة عن زيت بذرة قطن غير مهدرج يعنى غير صالح للإ ستخدام الآدمى بس مش هنجيبه من شركة اسكندرية للزيوت ده هنجيبه من معاصر زيت بذرة القطن وطبعا اسأل فى القرى والأرياف القريبة منك على معاصر زيت بذرة القطن

    عامة انا بجيبه من معاصر فى بلدين فى المحلة فى الطريق الدائرى بتاعها ( بلد اسمها الجبرية _ وبلد اسمها عزبة راتب قريبة من الجبرية ) ودول اكبر بلدين تبع المحلة عندهم معاصر زيت بذرة قطن

    اهم حاجة تجيب الزيت من عندهم نقى خالى من الشوائب لإن هما بيحطوه فى بيارة عندهم بير يعنى بعد اما يعصروا بذرة القطن بياخدوا الزيت ويحطوه فى بيارة ويسيبوه لمدة يومين علشان الرواسب اللى فيه تنزل تحت فى قاع البير فانتا لو رحت لأى معصرة شوف الأول لو الزيت بقاله كذا يوم فى البيارة خد من فوق الوش النقى اللى هو مش مرسب اما لو رحت ولقيت البيارة فيها شوية صغيرين غالبا متخدش منها لإن ده بيبقى فيه رواسب كتير حاول تاخد الزيت لما البيارة تكون عالية والزيت بقاله اكثر من يومين فيها علشان تضمن عدم الرواسب

    المهم علشان مطولش عليكم زيت البذرة ده بنعوذه فى تضريبات السوبر بيتعمل منه فنيك غالى نعبيه فى ازايز وتركيزه بيبقى مقارب جدا لتركيز فنيك العاشر او فنيك عابدين وبيتعمل منه كمان فنيك سايب مركز بدرجاته

    فالزيت ده بيبقى انفع للتضريبة اللى بيبقى فينولها عالى طبعا انا هشرح الكلام ده بالتفصيل

    المهم الزيت ده هنعوذ منه 200 كيلو لإن احنا بناخد منه حاجات بسيطة
    وسعر الكيلو حاليا 3.5 جنية لإن الأسعار مش ثابتة فى السوق بترجع لحسب سعر البذرة وانتاجها



    0 Not allowed!
    التعديل الأخير تم بواسطة مهندس المحبة ; 2010-11-13 الساعة 06:53 AM

  10. #150
    عضو فعال

    User Info Menu

    وبكده نكون إتكلمنا على المعدات والخامات اللى بنحتاجها فى تضريبات الفنيك المختلفة من سوبر سايب وشعبى سايب وسوبر معبأ وشعبى معبأ
    _____________________________________


    وهنبتدى إن شاء الله دلوقتى نتكلم على تضريبات الفنيك المختلفة سواء سوبر ( عالى التركيز ) أو شعبى ( مخفف التركيز ) أو وسط ( متوسط التركيز )
    وسنذكر إن شاء الله التصنيع بالتفصيل مع رفع الصور لعمليات تصنيع تمت قبل ذلك


    وأوعدكم ايضا إن بعد أما ينتهى الموضوع إنى أحاول أرفع لكم بعض تضريبات للفنيك مصورة فيديو





    0 Not allowed!

الكلمات الدلالية لهذا الموضوع

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •