:جديد المواضيع
صفحة 1 من 7 12345 ... الأخيرةالأخيرة
النتائج 1 إلى 10 من 64

عمارة من تصميمي شوفوها وعاوز ردودكم

  1. #1
    عضو فعال جداً

    User Info Menu

    عمارة من تصميمي شوفوها وعاوز ردودكم

    تحياتي للجميع هذا اخر مشاريعي عبارة عن مبنى سكني تجاري سيتم تنفيدها في جدة على شارع رئيسي وتتكون من :
    1- بدروم : يحتوي مواقف سيارات .
    2- الدور الارضي : عدد2 محال تجارية + استقبال و استعلامات (شقق مفروشة في المتكرر) .
    3- دور الميزانيين : جزاء تابع للمحال التجارية , وجز خدمات للشقق المفروشة .
    4- الدور المتكرر: عدد شقتين في كل دور (اربعة ادوار).
    5- فيلا السطح : فيلا ( للمالك) من دورين دور السفلي للمعيشة و العلوي للنوم .
    اعرض عليكم مناظير للمشروع










    0 Not allowed!

  2. #2

  3. #3
    عضو متميز

    User Info Menu

    يا اخى ربنا يسامحك
    انا مستمتع جدا بالمنتدى ده ، و ده بيضيعلى وقت كبير فى المشاركات ، عايز اشتغل فى مشروعى بقه .
    و موضوعك ربنا يسامحك عليه ، لانى صعب اعدى عليه من غير ما اشارك.
    نيجى للجد

    انا بحب جدا جدا جدا الاسلوب ده فى التصميم
    و تعالى بقى احكيلك رأيى
    اولا ، ان امقتنع بأن المبنى الرأسى ، لابد ان يكون قوى التكوين ، و ده انت حققته فعلا ( بكره بشده جدا المنحنيات الكتير و المفتعله اللى تحسسك ان المبنى بيرقص ، لازم يبقى تكوين قوى - مجرد راى شخصى -)

    ثانيا : الميديول اللى الناس بتكرهه عشان ممل
    انت رائع انك اكدت عليه بالعناصر الانشائيه ، و منه قدرت تحصل على تكوينات مختلفه ( اسطوانه ، مسطحات بارزه ) و برده مأكد على الميديول بتاعها بتقسيمات الزجاج .
    انت رائع انك تستغل الميديول الممل فى عمل تكوين رائع غير ممل اطلاقا و قوى ، و كمان مأكد عليه ، و الاروع انك بالاعلى استغليت تأكيدك عليه لعمل ترسات رائعه للفيلا .
    حقيقى ارفعلك القبعه احتراما لتصميمك ( فعلا مهندس )

    بس استنى ، تعالى بقى اقولك اللى مش تمام اوى ، و برده من وجهه نظرى
    البرجولا اللى فوق ، و لون الميديول ( الاعمده و الكمرات بالواجهه ) ياريت تشيلها و تغير لون الاعمده ، اديتنى احساس انك خلطت مادتين ليس لهم علاقه ، حوائط ستائريه زجاج (مودرن) ، و فجأه نلاقى طابع تراثى شويه (برجولا و لون خشبى فى الواجهه ) الانسجام ليس جيد .
    ثانيا الاسطوانه الزجاجيه ، اعتقد انها هاتبقى اروع اذا حذفت من امامها الاعمده و الكمرات ( الاسطوانه هاتبقى اقوى و اوضح ، صعب تشيل العمود ؟ بس ممكن تشيل الكمرات ، او تخرج الاسطوانه بره ، و تأكد على الميديول بتاع الاعمده و الكمرات بتقسيمه مختلف للزجاج او لون مختلف امتداد للكمرات ، اتمنى تكون فهمتنى .

    تعليق على اشياء غير واضحه :
    بلانات و قطاعات ، طبعا ماعرفش عنهم اى حاجه
    ثانيا ، اوعى تقولى ان العماره ليها واجهتين ، اكيد ليها واجهه واحده و الجوانب جيران ، عشان كده انت اهملت شويه الواجهه الجانبيه ، و خفيت تماما عننا الواجه الجانبيه الاخرى
    وفقك الله و ايانا .


    0 Not allowed!

    just i want to make my own impression
    then i'll be happy to go away


  4. #4
    عضو

    User Info Menu

    بنشترى التكنولوجيا الحديثة للبناء (مبانى زجاجية) ونشترى اجهزة التكيف على شان نعالجها ,
    دى مش مشكلتك لوحدك دى مشكلتنا كلنا مين يؤمن بالبيئة والعمارة الخضراء.
    يرب يرحمنا من الملاك لى عوزين منظر يلدوا بية اوروبا وخلاص
    الله يرحم استاذى حسن فتحى


    0 Not allowed!

  5. #5
    عضو فعال جداً

    User Info Menu

    الاخ / محمد اسير اشكرك على مشاركتك واسلوبك الحلو في في طرح ارائك التي اعتبرها شهادة على صدري .
    اما بانسبة للون الخاص بالاعمدة و الكمرات كنت في البداية عوزها تتغطا بالخشب كتأكيد على علاقة العمارة الثراثية بالحداثة و التاكيد على ثراتنا بشكل مودرن بس التكاليف بتكون عالية ومش ممناسبة للمالك من هنا انا اخترت الون الخشبي و ايضا بالنسبة التغطية بالبرجولا .
    بانسبه للاسطوانة ابعاد الكمرات بيعطينا مسطح زجاجي على ارتفاع كبير فيصير شكل الواجهة كأنها لمبنى اداري اكثر منة سكني (ولا اية رأيك ) وايضا انا اؤكد ان المديول او ( الجريد ) هو المسيطر على المبنى .
    المساقط مقدرش اعرضها في الوقت الحالي.
    كلامك صحيح العمارة له واجهة وحدة على الشارع ومن الجوانب والخلف جيران.
    وفقك الله في مشروعك وانشاء الله امتياز.

    ِahmedarc2000 (مباني زجاجية!!!!!!!!!!!!!!!!!)
    شكرا على مشاركتك وتمنياتي لك بالتوفيق .


    0 Not allowed!

  6. #6
    عضو متميز

    User Info Menu

    اخى الكريم ، مسأله انى ادمج طرازين مختلفين ، او انى اطور اسلوب تعبيرى عن التراث ، اشكاليه و جدليه كبيره جدا ، بس انا هاقولك رأيى الشخصى ، و تحديدا فى عمارتك ، انا شايف انك لم توفق جدا فى هذا الدمج ، حقيقى مش حاسس ان الدمج قوى او معبر اوى ، و لكنى عجبنى انك ازاى تأكد على ميديول ، و من خلاله تكسر الملل ، و لكن انك تحافظ على التراث اعتقد انك غير موفق فيها ، و انا شايف انك تحافظ على اسلوبك و بلاش تدمج طرازين ( رأى شخصى فقط لا غير و لا يشترط انه يكون صحيح طبعا ) ، و بالنسبه للاسطوانه ، على فكره المبنى الادارى اللى بيميزه و يعطيك احساس انه ادارى ، اولا مسطحاته الزجاجيه الكبيره ( و ده عندك ) لان المبانى الاداريه لا تحتاج خصوصيه و تحتاج اناره طبيعيه بشكل كبي،ر و كمان عدم وجود اى تراسات ( و برده ده موجود عندك ) ، و اعتقد انه فى حاله تحرير الاسطوانه من شبكه الميديول ، و تأكيد استمرار الميديول بتقسيمات الزجاج ، او بتغير لون الزجاج امتداد للكمرات فقط ، هايبقى افضل و اقوى ، و ليس هذا ما يعبر عن كون المبنى اداريا .
    على فكره كمان ، انا فاهم رأى الاخ ( احمد ارك 2000 ) ، و يمكن انا مش مختلف معاه بدرجه كبيره ، لكن يا اخى دلوقتى الابنيه بقت رأسيه ، و الطرازات الاسلاميه كانت مبانى افقيه ، فى جميع الاحوال حاليا ، انت بتبنى باسلوب جديد ( خرسانه و استيل مش حجر و خشب ) ، يعنى كده كده انت مش هاتقدر تحافظ على التراث و الطراز الاسلامى ، و لكنى متفق معاك اننا بنستخدم مسطحات زجاجيه بشكل كبير و مفتعل ، و لكن يا اخى مسألتش نفسك ، ايه الاحساس الفراغى اللى ممكن يعطيه ليك حائط زجاجى ؟ حريه

    مش عايز اطول اكتر من كده ، اسف جدا للاطاله


    0 Not allowed!

    just i want to make my own impression
    then i'll be happy to go away


  7. #7

  8. #8
    عضو

    User Info Menu

    بصراحه المشروع جيد جدا وايد مهندس فعلا ربنا يوفقك

    لكن بالنسبه للتعليق اتفق مع الاخ محمد في موضوع الاسطونه جدا اعتقد ستكون اجمل واقوى لو استطعت ان توضحها وتزيل الاعمدة من حولها

    ثانيا الجزء العلوي بصراحه لم افهم وضع الفيلا جيدا ومش عارفه ليه حسيت انه جزء لم يتم اكتمال بناؤه بعد :) وكأن الاعمدة في انتظار بلاطات الاسقف لتكتمل !!!

    ثالثا استخدام البرجوله اعتقد انه غير مناسب لاجواء الخليج عموما فالمباني لا تسمح بالتهويه الطبيعيه لحد كبير نظرا لحراره الجو وان معظم المباني مكيفه مركزيا

    هذه مجرد ملاحظات لفتت نظري اتمنى ان تكون في محلها
    تمنياتي لك بدوام التوفيق


    0 Not allowed!

  9. #9
    عضو

    User Info Menu

    هذه لوحات فنيه مش تصاميم لازم تعرض قطاعات افقيه وعلى العموم تسلم يالاخو


    0 Not allowed!

  10. #10
    عضو متميز

    User Info Menu

    السلام عليكم ورحمة الله وبركاته ..
    مشروع جميل .. والاوجهات والمناظير توحي بذلك فعلا ..
    ولكن أين المساقط الأفية للإدوار .. أرجوأن تلحقها بالموضوع لكي يكتمل وللإستفادة أيضا ...
    وشكرا لك مرة أخرى هذا الموضوع .. جزاكم اله خير


    0 Not allowed!
    Eng.MTM

صفحة 1 من 7 12345 ... الأخيرةالأخيرة

الكلمات الدلالية لهذا الموضوع

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •