:جديد المواضيع
صفحة 1 من 5 12345 الأخيرةالأخيرة
النتائج 1 إلى 10 من 42

محتاجالكم فى الانشاءات << بلييييز>>

  1. #1
    عضو

    User Info Menu

    Unhappy محتاجالكم فى الانشاءات << بلييييز>>

    السلام عليكم
    انا عضوة جديدة معاكم
    ولاحظت نشاطكم الحلو مع كل من يحتاجكم
    ولأنى مش متخصصة معماريا لأنى ادرس الديكور فأحتاج منكم مساعدة
    انا عندى امتحان بعد اسبوع فى مادة الانشاءات المعمارية
    واحتاج ان احد منكم يفهمنى كيفية البناء يعنى وضع الأساسات فى الارض وكل شىء يحدث منذ استلام الارض المراد البناء عليها ولكن لو كان هذا بالصور والتفاصيل باللغة العربية يكون افضل بالنسبة لى
    وارجوا ممن سيساعدنى فى ذلك
    ان يستحمل ان ادخل معه فى مناقشات حول الاشياء الاخرى المتعلقة بهذا الاموضوع والتى لا افهمها
    ومشكورين جدا
    انتظر ردكم بفارغ الصبر
    اختكم منمنه


    0 Not allowed!

  2. #2
    عضو متميز

    User Info Menu

    بودى اساعدك فعلا ، بس حقيقى انتى بتطلبى معلومات كتير صعب اكتبهالك و باسكتشات كمان ، بس هاقولك اللى اقدر عليه ، و فاكره حاليا ، و ان شاء الله الزمايل التانيه تكمل بعدى و تذكر اللى انساه :
    مراحل تنفيذ منشأ
    1- وضع تصميم ابتدائى نهائى ( يقوم المعمارى بعد دراسه برنامج المنشأ بوضع تصميم له و وضع رسومات معماريه توضح التصميم - مساقط افقيه ، قطاعات ، واجهات ، مجسمات )
    2- تصميم الرسومات التنفيذيه ( يتم أخذ الرسومات التصميميه ، و تحويلها لرسومات تنفيذيه )
    هاتقولى ايه الفرق ؟
    الرسومات التصميميه توضح التصميم للمنشأ فقط ، الرسومات التنفيذيه هى التى يستعان بها فى الموقع للتنفيذ ( و الشرح يطول فى الفروق .
    3- تنفيذ المنشأ .

    اول شئ فى التنفيذ بيتم هو (((((( توقيع الاعمده )))))))
    بالاستعانه بالرسومات التنفيذيه ، تحديدا المساقط الافقيه ، يتم توقيع اماكن الاعمده عن طريق ما يطلق عليه (خنزيره) ، و هى عباره عن تحليقه من الخشب حول الموقع ، و يتم تثبيت مسامير بها لربط خيط ، و الخيط يمثل المحاور الاساسيه للمنشأ ( المحاور المرسومه باللوح التنفيذيه ) ، و عند تقابل الاخيوط ( المحاور ) يتم توقيع الاعمده بالموقع ، و بعدها يتم الحفر تبعا لابعاد جلسه العمود ، و يتم وضع شده خشبيه لصب الخرسانه .

    نفسى اساعدك اكتر ، بس حقيقى صعب بالنسبه ليا الشرح بالطريقه ديه ، و انا هادورلك على تفاصيل يمكن تفيدك .


    0 Not allowed!

  3. #3
    عضو متميز

    User Info Menu

    الموضوع طويل جدا يا منمنة ولكنى سافيدك بنبذة مختصرة عنه:
    عند البناء على ارض ما يجب تحديد منسوب الارض الصالحة للتاسيس وذلك عن طريق مجسات توضع فى الارض ونسحب به عينات اختبار لمعرفة نوع التربة
    بعد ذلك نبدا فى صب الاساسات وطريقتها حسب نوع الاساس ومادته فهناك خمس انواع للاساسات باذن الله عندما انتهى من الامتحان العملى غدا ساحاول ان اضيف الصور التفصيلية لها
    وساحاول ارفاق المحاضرات الخاصة بالمادة


    0 Not allowed!

  4. #4
    عضو متميز

    User Info Menu

    ديه تفصيله من مشروع ليا ، انا ازالت التفاصيل المعقده ، و تركت تفصيله بسيطه للارضيه بالدور الارضى ، هتلاقى الطبقات المختلفه للارض من الاسفل ، تربه ثم خرسانه عاديه (فرشه نظافه ) ثم عزل رطوبه ،ثم خرسانه عاديه ثم طبقات تشطيب الارضيه بالدور الارضى ، هتلاقى خطوط منقطه تحت الميده السفليه ( ده العمود و جلسته الخرسانه المسلحه و العاديه ، و طبعا هوا مش هايظهر فى التفصيله لاتى مش قاطع فيه فهايبان منقط لانه فى الخلف ) ، الميده عباره عن كمره عاديه تربط بين الاعمده و لكنها تتواجد فى التربه من الاسفل ، و خلى بالك من علاقه العزل بالميده ، و خلى بالك العزل يفضل ماشى باستمرار مافيش شئ يقطعه ، و عشان كده الميده تبقى تحتيه ، حقيقى نفسى اشرحهالك بتفصيل اكتر ، بس اعتقد انها واضحه جدا ، و اتمنى اساعدك اكتر ، و اى سؤال تحت امرك ، و انا حاططلك التفصيله ديه بالذات عشان لو عندك سلم فى المدخل مثلا ، ياريت لو احد الاعضاء عنده تعليق على التفصيله يضيفه ، ربنا معاكى .

    الملفات المرفقة الملفات المرفقة

    0 Not allowed!

  5. #5

  6. #6
    عضو

    User Info Menu

    Smile مع خالص تمنياتى بالتوفيق

    السلام عليكم ورحمة الله وبركاته

    اختى العزيزة منمنه هو فعلا الموضوع معقد لانه محتاج شرح بالتفصيل لكن هو سهل وباذن الله ربنا هيوفقك فى امتحانك
    هحاول ابسط لك على قدر المستطاع الخطوات واذا فى تعديل ارجوا من الاعضاء تعديله :

    1- فى البداية نقوم بعمل جسات فى الارض للتاكد من قوة التربة على التحمل ومنسوب الاساسات التى
    سوف نقوم بالتاسيس عليه (( بمعنى : عمق التأسيس سوف يكون عميق فى حالة تربة ضعيفة او
    منسوب التاسيس سوف يكون غير عميق فى حالة التربة القوية ) .

    2- بعد القيام بعملية الحفر فى التربة على منسوب وضع الاساسات المطلوب لابد من تحديد اماكن
    الاعمدة .

    3- نقوم بتوقيع المحاور التى تكون مارة بالاعمدة فى المسقط الافقى عن طريق (( عملية شد للخيط
    حيث يمثل الخيط المحور )) عند تقاطع محوريين ( خيطين ) احدهم افقى والاخر راسى او على
    حسب زوايا الميل لهم يكون نقاط التقاطع هى مكان الاعمدة الموجودة بالمسقط الافقى .

    4- يتم تحديد اماكن الاعمدة ( نقاط تقاطع المحاور ) عن طريق استخدام علامات تسمى خنزيرة

    5- بعد تحديد اماكن الاعمدة نقوم بصب الاساسات وهى لها انواع مثل : الاساسات المنفصلة ( كل قاعدة
    منفصلة عن الاخرى ) - اساسات متصلة ( اللبشة الخرسانية ) - اساسات حوائط حاملة ( وهى فى
    حالة البناء باستخدام الحوائط الحاملة للمنشأ دون الحاجة للهيكلالانشائى الخرسانى منالقواعد
    والاعمدة والاسقف والكمرات وغيرها ) - الخوازيق ( وهى تستخدم فى حالة التربة الضعيفة او فى
    حالة بناء منشأت ضخمة تحتاج لاساسات قوية للتحمل الاحمال الناتجة من المنشأ )

    6- فى حالة استخدام الاساسات المتصلة والاساسات المنفصلة يتشبهان كلاهما فى طريقة البناء بعد ذلك عدا فى خطوة واحدة وهى اول خطوة وسوف توضح لك الفرق بعد معرفة معنى الاساسات المنفصلة

    الاساسات المنفصلة : هى وضع قاعدةمن الخرسانة العادية ذات ابعاد محددة متنسبة الى مركز العمود
    (تقاطع المحاور ) فتكون لها طول وعرض وعمق وهذا على شكل مربع او مستطيل ( متنسب
    لمركز التقاطع ) وهذا المربع او المستطيل المعلوم الابعاد يتكرر عند كل تقاطع ( الذى سوف ينشا
    فوقه العمود ) (((رقم 1)))

    ولكن فى حالة منشا كبير ذو اعمدة كثيرة نجد ان القواعد الخرسانة العادية تكررت كثيرا وتكون بمساحة اكثر من 60% من مساحة قطعة الارض فنلجا الى :

    الاساسات المشتركة ((اللبشة )) بمعنى عمل قاعدة من الخرسانة العادية على مساحة الارض كلها ولها عمق وعلى مااذكر يكون عمق الخرسانة العادية حوالى 40 سنتيمتر


    7- ثم بعد صب طبقة الخرسانة العادية نقوم بصب القواعد الخرسانة المسلحة وهى تكون بمساحة ااقل
    من مساحة القاعدة الخرسانة العادية ولكن يكون سمك الخرسانة المسلحة اعمق من العادية يكون
    حوالى 60 سنيمتر (((رقم 2))))

    8- ثم نقوم بعمل ما يسمى بالميدة وهى تستخدم للربط بين كل قاعدة والتانية وهى تكون من الخرسانة
    المسلحة

    9- ثم نقوم بوضع الاعمدة فوق القاعدة الخرسانة المسلحة والاعمدة سوف تستمر معك على طول
    ارتفاع المبنى

    10- نقوم بالردم بين الاساسات بنوع من الحجر يسمى الدقشوم حتى لانترك فراغات بين القواعد
    وتساعد عملية الردم على تحمل ضغط الاحمال الناتجة من المبنى على التربة

    11- عند منسوب الدور الارضى نبداء فى وضع طبقات الدور الارضى وهى بالترتيب كالاتى ::

    15 سم خرسانة عادية
    2 سم عزل للرطوبة ( يرمز لها بخط من النقط المتقطعه )
    10 سم خرسانة عادية
    7 سم رمل تسوية
    2 سم مونة لصق
    2 سم بلاط

    12- ثم نقوم برفع الاعمدة على ارتفاع الدور كلما نعلو به

    13- نصب سقف الدور الاول والمتكرر والذى يتكون من ::

    12 سم خرسانة مسلحة
    7 سم رمل تسوية
    2 سم مونة لصق
    2 سم بلاط

    14- سقف الدور الاخير طبقاته ::

    12سم خرسانة مسلحة
    2سم عزل رطوبة
    3سم عزل حرارة
    7سم طبقة ميول
    5 سم رمل تسوية
    2سم مونة لصق
    2سم بلاط

    15- ثم بعد بناء المنشا الهيكلى ( الاساسات - الاعمدة - الاسقف )
    نقوم بعمل العناصر المعمارية مثل الحوائط من الطوب بين الاعمدة والابواب والشبابيك

    اختى منمنة اتمنى لك التوفيق ربنا يوفقك ياااااااااااااارب

    معذرة كنت اتمنى ان اكمل لك كيفية وضع العناصر المعمارية والابواب والشبابيك لكن منعنى ضيق الوقت والامتحانات
    نسالكم الدعاء لنا وللمسلمين

    ياريت تقدرى تستعينى بكتاب الدكتور محمد عبد الله ( كتاب الانشاء المعمارى )

    ملحوظة : رقم 1 & 2 الذين وردوا بالكلام هم على الرسمة التى ارسلها العضو محمد اسير جزاه الله كل خير فقمت بوضعهم لك للتوضيح

    ربنا ييسرلكم الحال
    اختكم فى الله : مسلمة :)


    0 Not allowed!

  7. #7
    عضو

    User Info Menu

    الف الف الف شكر لأهتمامكم
    والله فعلا انا سمعت كتير من صحباتى عن المنتدى لكن ماكنت اتصور مدى التعاون بين اعضاءة
    مشكورين جدا
    شكرا اخى العزيز محمد واخى العزيز عاشق حب رسول الله
    واختى العزيزة ميرو والعزيزة ايضا حبيبتى مسلمة
    على مجهوداتكم الرائعة وتعاونكم معى
    هذة المعلومات افادتنى والحمد لله وان شاء الله بتابع معاكم الموضوع فى اليومين الجايين بأذن اللله واسمحولى انى هبقى اتقل عليكم لأن فى اسئله تانية متعلقة بنفس الموضوع
    ان شاء الله هناقشكم فيها عن قريب
    الف شكر مرة تانية وجزاكم اللله كل خير


    0 Not allowed!

  8. #8
    عضو متميز

    User Info Menu

    لاشكر على واجب ، و احنا تحت امرك فى اى وقت ، أسئلى و اللى يعرف يجاوب بشكل افضل مش هايتأخر ، و انا برده شاكر لاخواتى ميرو ، عاشق لرسول ، ومسلمه لله ، و نتمنى نفيدك دايما .


    0 Not allowed!

  9. #9
    عضو

    User Info Menu

    السلام عليكم ورحمة الله وبركاته

    العفو منمه الشكر لله
    ابدا ياسيتى تقلى على راحتك :p احنا مش هنتاخر على اى طلب مادام نقدر نقدمهولك;)
    اختك فى الله مسلمة :)


    0 Not allowed!

  10. #10

صفحة 1 من 5 12345 الأخيرةالأخيرة

الكلمات الدلالية لهذا الموضوع

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •