كيفية تحويل طن التبريد الى قدرة كهربائية

thanxxxxxxxxxxxx

حكايه طن التبريد

ساحكى لكم حكايه طن التبريد والشوشره اللى حاصله فى موضوع التحويلات وكل ما ارجوه ان تقرؤا كل كلمه بعنايه .

عمنا العالم كارنوت كان قاعد كده مبسوط فكر وقال انا عايز اعمل طن تبريد يعنى عايز اقوم باذابه 2000 رطل من الثلج فى 24 ساعه اصل ال 2000 رطل اللى جابهم دول عباره عن الطن الامريكى انما الطن بتاعنا بيساوى 1000 كيلو جرام والراجل قعد وحسب الحراره الكامنه لاذابه المياه وجد ان الرطل الواحد عايز 144btu وحسب الحسبه بتاعته وجد انه محتاج 12000btu/hr .

الراجل قعد وقام بتحويل 12000 btu/hr الى كيلوات كهرباء حسب ما ا تعلم وجدها بتساوى 3.515 kw وقام راح يحولها الى حصان وجد الراجل ان طن التبريد ده بيساوى 4.7 حصان الراجل كان سيصل الى حاله الجنون وقعد يسال نفسه يعنى انا علشان اعكس واعمل طن تبريد استهلك كل الطاقه الكهربيه دى طيب وهى فين الطاقه الكهربيه دى اللى ممكن استخدمها واجعلها تعمل تبريد مباشره .يعنى انا اقوم واجيب حاجه زى السخان كده واديها كهرباء تقوم تبرد وتعطينى طن التبريد ده اللى انا عايزه .

الراجل كان حايتشل علشان يجمد طن الماء .

والراجل العالم الكبير ده لم يياس وقال انا علشان اعمل طن التبريد ده سوف اعمل اختراع اسمه دوره كارنوت وكل ده علشان انا ماعنديش طريقه مباشره اقدر احول الطاقه الكهربيه الى تبريد مباشره وكمان استخدم انتقال الحراره فى العمليه دى واوفر كل الكهرباء دى .

عمنا العالم كارنوت قال انا درست غازات وعندى سائل مثل الفريون طيب انا لو احضرت سائل الفريون ده ومررته خلال ماسوره سيحدث له تبخير ويمتص حراره من الوسط المحيط بالمواسير اللى احنا اسميناه بعد كده مبخر وقال ان المبخر ده لو السائل كله اتبخر فى الساعه تبقى قدرته 12000btu فى الساعه .

الراجل بعدها قال طيب انا عايز العمليه دى تستمر وابرد الفريون اللى سخن ده واحوله لسائل مره تانيه .

عمنا العالم كارنوت قعد فكر اصله كان فاضى والفاضى يعمل قاضى .

الراجل قال طيب ياواد يا كارنوت علشان اشيل الحراره دى طيب ما استخدم الهواء الخارجى اللى ربنا انعم علينا به واضغط الغاز اللى سخن فى المبخر ده ولما اضغطه ترتفع درجه حرارته اعلى من درجه حراره الهواء الخارجى قعد تانى وفكر ايه اللى يرفع لى الضغط قال ماهو ممكن استخدم الكباس ( الضاغط ) وقال يعنى انا ادى الكباس قدره كهربيه يقوم يضغط لى الغاز يعنى الكباس اديته كهرباء ضغط لى الغاز يعنى انا اضفت على الحراره اللى اخدتها من المبخر حراره الانضغاط .

الراجل قعد يفكر وقال انا علشان اشيل الحراره اللى عملها الكباس فى الانضغاط وحراره المبخر قال ما ان استخدم حاجه تنتزع مجموع حراره المبخر وحراره الانضغاط فاخترع المكثف ومرر الغاز فى المكثف وقام بتبريده بالهواء وبعد كده قال بعد ما انتزع الحراره من الغاز اخنقه علشان احوله لسائل ويدخل الى المبخر مره اخرى وبكده عم كارنوت عمل دوره التبريد .

عمنا العالم كارنوت وجد انه وفر كتير من الطاقه الكهربيه اللى كان عايز يستخدمها لانتاج طن التبريد وتحايل على قانون التحويلات اللى اتعلمه وقال انا علشان اعمل طن التبريد ممكن استخدم طاقه كهربيه اقل بكثير جدا من المفروض اللى بتتعمل عن طريق التحويلات .

ياساده كما شرحت هو ده الاختلاف فى عمليه التحويل

طيب من الشرح ده هل هناك علاقه بين طن التبريد اللى العالم كارنوت قاله وقدره الكباس لا والف لا والمتخصصين فى دراسه الثرموديناميك يعلمون تماما انه لانتاج طن التبريد من المبخر نستخدم دائره التبريد ودائره التبريد هذه تعتمد فى تصميمها على متغيرات كثيره حتى الكباس المستخدم فى كل دائره لانتاج طن تبريد فى المبخر مختلف فى قدرته من دائره لاخرى لذلك لا يمكن الربط بين طن التبريد المنتج فى المبخر وقدره الكباس وتثبيت هذه القيمه ليه لانها تعتمد على شى اسمه معامل اداء دوره التبريد وكل مصمم هو وشطارته فى التصميم .

اللهم قد بلغت اللهم فاشهد .

المشاركة الأصلية كتبت بواسطة sd_abs

اخي العزيز ان معنى 1 طن يساوي 3.51 كيلو واط فهذا يعني ان الطن الواحد يزيل حرارة مقدارها 3.51 كيلو واط وليس كهرباء اي هذه القدرة داخلية تعني حمل التبريد بالكيلو واط وليس الكهرباء الداخلة ارجو التاكد من المعلومات قبل طرحها
تحياتي للجميع

انا اسف خاننى التعبير فى الجمله دى وكان المفروض اقول ما يساويه من استهلاك قدره كهربيه .
طيب سؤال لحضرتك انا اريد تسخين 30لترمياه خلال ساعه والمياه التى لدى درجه حرارتها الابتدائيه 77F واريد تسخينها الى 177F عايزاحسب الحمل الحرارى بال btu وعايزك تحسب لى قدره السخان اللى حاشتريه بال kw .
انا منتظر الاجابه وبعدين نتكلم .