المساعد الشخصي الرقمي

مشاهدة النسخة كاملة : الي كل طلاب الهندسة بمصر وخاصة هندسة القاهرة



الصفحات : [1] 2 3 4

s.sakr
05-05-2011, 07:14 PM
شوفوا بقي ان متحركناش من اماكنا يبقي نقول علي هندسة السلام : الموضوع كالتالي
تعليم صناعي +2 سنتين =بكالوريوس هندسة وده لاي حد في تعليم صناعي
خلاص كل من هب ودب عايز يبقي مهندس
كل العتاب واللوم علي
طلاب هندسة القاهرة والذين هم وسط الحدث ولم يتحركوا ولانه اذا تحرك طلاب هندسة القاهرة ستتحرك باقي الكليات في مصر
اساتذة جامعة القاهرة والذي يكون الفرد فيهم كلمته ذات قيمة كبيرة وايضا لم يحركوا ساكنا
ولكن اذا بقينا علي ما نحن فية يبقي هنلاق هندسة زيطة وخلاص باظت
والعمل دلوقتي دعوة الي احتجاج رسمي علي القرار الوزاري اللي نزل لبتوع تعليم صناعي
ثانيا
نشر الموضوع علي الفيس بوك لان فيه ناس كتيرة في هندسة متعرفش الموضوع
بسم الله الرحمن الرحيم
قل هل يستوي الذين يعلمون والذين لا يعلمون
صدق الله العظيم
ثانيا :
قال المصطفي صلي الله عليه وسلم
من راي منكم منكرا فليغيرة
يا رب موضوعي ده الاقي فيه استجابه

almasrawy
05-05-2011, 07:55 PM
السلام عليكم ورحمه الله
اسمحى لى ايها الاخ ان اقول رايى فى هذا الموضوع مع العلم اننى لست خريج هندسه او تعليم صناعى ولكن الموضوع استفزنى وخاصه استشهادك ببعض الاحاديث التى لم تعرف حتى ان توظفها فكيف تشبه من يريد تطوير ذاته وبحثه عن العلم والرقى بذاته بانه يفعل منكر بل وتريد ان تغيره وايضا ما صله الايه القرأنيه قل هل يستوى الذين يعلمون والذين لا يعلمون هل تعرف ما معناها اشك فى ذلك
مارايك اذن فى هذه الايه
(لا يؤمن أحدكم حتى يحب لأخيه ما يحبه لنفسه)اعتقد انك تفهمها جيدا
ومعناها أنه لا يتم إيمانُ أحد الإيمان التام الكامل ، حتى يضم إلى إسلامه سلامة الناس منه ، وإرادة الخير لهم ، والنصح لجميعهم فيما يحاوله معهم
وفى اعتقادى ان خريجى كليات التعليم الصناعى هم مؤهلين جيدا افضل من طلبه الهندسه لان هذه الكليات تعتمد على التدريب العملى اكثر من النظرى كما هو متبع فى الهندسه وادراكه ايضا يكون اسرع من طالب الهندسه انا اعرف اشخاص خريجى تعليم صناعى ونفس التخصصات الموجوده فى الهندسه من الذين لاتتشرف بهم سيادتك وتتبرأ منهم يعملون فى مصانع حديد وصلب فى اعلى كفائة عمليه ومهنيه وايضا فى مصانع اسمنت ولهم وضعهم ويقال لهم ايضا يا باشمهندس
ارجو ان تتقبل نقدى بصدر رحب
والله الموفق

s.sakr
05-05-2011, 08:07 PM
السلام عليكم
طالما حضرتك لست من هذا ولا ذاك فكيف تحكم بان تعليم صناعي مؤهلين افضل من هندسة انت اغرب انسان شوفته بيقول كده
ثانيا
اما عن استشهادي بايات قرانية
الاية القرانية
طالب تعب في ثانوي وسهر الليالي وواحد ريح دماغة ازاي عايز تساوي ده بدة وكمان يا راجل واحد اتعذب في هندسة خمس سنين وفي الاخر عايز تساوي ده بده يا راجل من رايك كده من اللي يعرف اكثر اللي درس خمس سنيين ولا اللي درس سنتين
ثالثا
الحديث الشريف
الهندسة بكامل اقسامها تخدم البشرية مثل الطب تماما ينفع تسلم الموضوع لواحد يبوظ الدنيا
يعني الغلطة بارواح كتيير يبقي ده منكر ولا لاه
انت شكلك كده مصلتش المغرب
قوم يا راجل صلي المغرب الاول وبعدين اتكلم
الاهم لست ضلعا في الحوار فلماذا تشارك
حسبنا الله ونعم الوكيل

s.sakr
05-05-2011, 08:12 PM
ارجو المشاركة من كل من يهمة الحوار ولا غير ذلك حتي لا يغضب الناس منا
الظاهر كده البلد كلها عايزة تبقي خريجة هندسة
حسبنا الله ونعم الوكيل

asae
05-05-2011, 11:37 PM
الاخ العضو / المصري
تحية طيبة لك اخي الكريم
اعلم ان عاتبت علي استخدام الاحاديث الشريفة بدون فهم معناها لكن للاسف استشهدت انت الاخر بحديث اعتقد انك لا تعرف معناه ايضا ...(لايومن احدكم حتي يحب لاخيه مايحبه لنفسه ) وانا مهندس واحب اكون مهندس ناجح فمش معني كده ان احب لكل البلد انهم يبقوا مهندسين ناجحين!!!!!!!!!
حاجة تانية انا اتمني النجاح والتميز لكل خريجي التعليم الصناعي بس في مجالهم مثلما احب لكل معاهد التمريض ان يصبحوا ناجحين وليسوا دكاترة يا اخي الكريم
حضرتك كل واحد بيعتز بمهنته اسال حضرتك مهنتك ايه اما انت مش مهندس ولا غيره روح سلي وقتك في منتدي يخص مجالك افضل حتي تفهم مايقولوه زملائك وتستفيد منهم وتفيدهم
اذا انت شوفت الاخ س .سقر اخطا في استخدام ايات قرانية او احاديث فارجوا منك انت ايضا عدم استخدامها الا في محلها
واخيرا ااسف لكل من افتي بغير علم وتدخل فيما لا يعنيه .... ولاتزعل مني اخي الكريم

asae
05-05-2011, 11:48 PM
الي الاخ/ المصراوي
( لايومن احدكم حتي يحب لاخيه مايحبه لنفسه ) ده حديث شريف وليس ايه قرانية كما قولت انت سابقا
وهذه المشاركة لتصحيح الخلط بين الايه والحديث

s.sakr
06-05-2011, 12:40 AM
السلام عليكم
اذا كنت اخطات فليوضح من يقول اني اخطات
الله تعالي يقول
بسم الله الرحمن الرحيم
قل هل يستوي الذين يعلمون والذين لا يعلمون
نعم هل يستوي من يفهم الهندسة بمن لا يفهم الهندسة
ثانيا الحديث
عندما يكون هناك ظلما للمهندسين فهل هذا ليس منكر وينبغي علينا ان نغيرة
واخيرا انا اقصد مبدا معين بذاته وكل ما اردته الاستشهاد بكلام الله وسنة رسولة حتي يقدر الناس الموقف ويهتموا به
واذا كنت اخطات فاني لست ملاك بل انا بشر يخطا ويصيب
جزاك الله خيرا اخي الكريم asae (http://www.arab-eng.org/vb/u721226.html) وارجو لن تنشر الموضوع لمن يهمة الزملاء

m_sweedy
06-05-2011, 02:25 AM
نرجو الهدوء فى مناقشة هذ الموضوع الخطير

والاخ الفاض المصرى طالما ان حضرتك لست خريج هندسه او تعليم صناعى وان كنت اشك فى هذا فارجوك الا تتحدث لانك مش هتبقى ملم بابعاد الموضوع

وطبعا كما قال الاخ asae اننا اتمني النجاح والتميز لكل خريجي التعليم الصناعي بس في مجالهم لانه لايصح ان يصبح الجميع مهندسون ولا يوجد عمالة او فنييون

وتأكيدا على هذا الكلام اننى كمهندس مدنى اكون فى امس الحاجة للمشرفين والفيين والذين هم خريجى التعليم الصنايع والمعاهد الفنية المتخصصة

وللعلم ايضا ان كل موقع ممكن يكون فيه مثلا على سبيل المثال عدد 2 مهندس وعدد 4 مشرف او فنى لان كل واحد من هؤلاء سواء المهندس او الفنى له عمله فكيف اذا اصبح الجميع مهندسوووون

هل يصح ان يكون كل من فى الموقع مهندسون ؟؟؟؟ طبعا لأ ولذلك يجب على الجميع الاحتفاظ بمكانته

zoma82
06-05-2011, 02:57 AM
اولا فين الكلام دة ان خريجى معاهد صناعية وياخد بكالريوس هندسة ما سمعتش عنها اللى اعرفه ان ناس تدخل ثانوى صناعى وعن طريق التنسيق يدخلوا هندسة اوكى وساعات بيكونوا افضل من الطلبة العادية.
ثانيا للاسف لهجة الحوار سيئة جدا ولا ترتقتى الى لهجة المهندسين لا داعى للسخرية يا سادة ويا ريت كل واحد يركز فى هدفه ويحاول يطور من نفسه

المهندس احمد عكوش
06-05-2011, 04:08 AM
انا ضد الموضوع دية خلاص يفتحوا للمرض يكون طبيب
الله يرحمه المشير الجمسى لما قال هو الممرض بيكون طبيب
كيف يكون الصف ظابط ضابط والغى الترقية
المجتمع والعمل يسع الجميع
فلابد من توافر جميع المهن والتخصصات
لكن للثورة الفاشلة وبلطجة الشارع
وسياسية دعه يتكلم دعه يمر
ولذلــــــــــــــــــــــــــــــــــــــــــــــ ـــــــــــــــــــــــــــــــــك
اطالب جميع الاخوة المهندسين بعمل وقفة احتجاجية لما يحدث من تهريج وفوضى خلاقة
حيث ان مهنة الهندسة من اهم المهن التى هى اساس الحضارة والبناء
اطالب بعمل مظاهرة واعتصام امام النقابة العامة للمهندسين بالقاهرة
حتى يتم العمل بهذا التهريج
مثل ما حدث مع خريجى معهد الكفاية الانتاجية بالزيايق
تخرج الاف المهندسين الفاشلين بعد عمل معادلة لهم
وهم اساسا موظفين سبب فساد الجهاز الادارى
مثل المحليات والاسكان
هم سبب المصائب وانتشار الفساد والظلم
ولم يكون على المستوى العلمى المطلوب
والاخ العزيز اللى بيقول انه مش خريج هندسة ولا تعليم صناعى يا ريت يحترم نفسه ولايفتى فى شئ
انا لما درست معادلة رياضة واحدة وبلاش شغلى فى مشروع يعادل درجة الداكتوراة فى اقسام اخرى بشهادة اكبر استاذة مصر وهم الاستاذة بقسم الهندسة الانشائية.....يقعد مائة سنة ما على حضرته يفهمها ....عيب قوى
فعيب لما يقول بيعرفوا اكتر هما فعلا يعرفوا اكتر فى ايه
تعالى وانا اقولك .حاجات كتيررررررررررررة ....نستحى ان نذكرها...انا ليا واحد اعرفه كان بياخد ربع المقرر يا بيه
هيا يا مهندسين مصر حافظو على مهنتكم وشرف مهنتكم من الدخلاء الجهلاء
المهندس /
احمـــــــــــــــــــــد عكـــــــــــــــــــــوش
بكالوريس هندسة المنصورة

المهندس احمد عكوش
06-05-2011, 04:18 AM
انا ضد الموضوع دية خلاص يفتحوا للممرض والممرضة يكون طبيب
الله يرحمه المشير الجمسى لما قال هو الممرض ينفع يكون طبيب
كيف يكون الصف ظابط ضابط والغى الترقية
المجتمع والعمل يسع الجميع
فلابد من توافر جميع المهن والتخصصات
لكن للثورة الفاشلة وبلطجة الشارع
وسياسية دعه يتكلم دعه يمر
ولذلــــــــــــــــــــــــــــــــــــــــــــــ ـــــــــــــــــــــــــــــــــك
اطالب جميع الاخوة المهندسين بعمل وقفة احتجاجية لما يحدث من تهريج وفوضى خلاقة
حيث ان مهنة الهندسة من اهم المهن التى هى اساس الحضارة والبناء
اطالب بعمل مظاهرة واعتصام امام النقابة العامة للمهندسين بالقاهرة
حتى يتم العمل بهذا التهريج
مثل ما حدث مع خريجى معهد الكفاية الانتاجية بالزقازيق
تخرج الاف المهندسين الفاشلين بعد عمل معادلة لهم
وهم اساسا موظفين سبب فساد الجهاز الادارى
مثل المحليات والاسكان
هم سبب المصائب وانتشار الفساد والظلم
ولم يكونوا على المستوى العلمى المطلوب
والاخ العزيز اللى بيقول انه مش خريج هندسة ولا تعليم صناعى يا ريت يحترم نفسه ولايفتى فى شئ
شكلك تبع 25 خساير ....فعلاااااااااااااااااااااااااااااااا بدات اكره الثورة جعلت انصاف واشباة الرجال يتكلموا ...كلوا بيفتى وان شاء الله مصر كده هتخرب....مهندس فاشل (طرق فاشلة...محطات مياة وصرف صحى فاشلة.....ومبانى فاشلة .............الخ وفعلا دية مخطط لضرب اقتصاد مصر ويجب ان نتبهب لذلك....)
انا لما درست معادلة رياضة واحدة وبلاش شغلى فى مشروع يعادل درجة الداكتوراة فى اقسام اخرى بشهادة اكبر استاذة مصر وهم الاستاذة بقسم الهندسة الانشائية.....يقعد مائة سنة ما على حضرته يفهمها ....عيب قوى
فعيب لما يقول بيعرفوا اكتر هما فعلا يعرفوا اكتر فى ايه
تعالى وانا اقولك .حاجات كتيررررررررررررة ....نستحى ان نذكرها...انا ليا واحد اعرفه كان بياخد ربع المقرر يا بيه
هيا يا مهندسين مصر حافظو على مهنتكم وشرف مهنتكم من الدخلاء الجهلاء
اطلب من شباب المهندسين الواعدين ان يتم عمل لجنة لشرح مساؤى هذة الخرافات على مستقبل المهنة فى مصر
المهندس /
احمـــــــــــــــــــــد عكـــــــــــــــــــــوش
بكالوريس هندسة المنصورة

s.sakr
06-05-2011, 08:28 AM
شكرا لكل من اهتم بهذا الموضوع الخطير وارجو من الاخوة الافاضل نشر الموضوع علي الفيس بوك لانو فيه ناس كتيير متعرفش الموضوع
كمان فيه حاجة مهمة لكل واحد في كلية هندسة ان يتم كتابة ورقة بالموضوع وتعليقها امام ابواب الكلية
حتي يعلم كل الطلبة هذة المهزلة التي تحدث وذللك في جميع كليات الهندسة علي مستوي الجمهورية
سبحان الله : الناس بتقسم في هندسة زي ما هي عايزة مش لاقيين حد يقف لهم
ارجو الاهتمام يا بشمهندسين والدعوة الي احتجاج رسمي حتي نحفظ لهندسه ماء الوجه بعد ان عبس بها المسئولون وجعلوها مسرح مفتوح لكل من يريد ان يكون مهندسا هذا تهريج

لك كل الحق فيما قلته
يا بشمهندس
احمـــــــــــــــــــــد عكـــــــــــــــــــــوش
حسبنا الله ونعم الوكيل

alifoxaa
06-05-2011, 09:32 AM
بسم الله الرحمن الرحيم

اولا انتو متعرفوش يعنى ايه كليه تعليم صناعى

انا خريج مدارس صناعيه نظام 5 سنوات بتقدير لا يقل عن جيد جدا وهذا التقدير يؤهلني لدخول كليه التعليم الصناعي ودرست 4 سنوات تعليم صناعى نفس التخصص يعنى 9 سنوات بدرس تخصص واحد

كلية التعليم الصناعي هى الكلية الوحيده من نوعها التي تعطى الخريخ بكالريوس في التربيه في التعليم الصناعي وكانت فلسفة إنشاء هذه الكليه هي الاهتمام بالصناعه وايمانا من أن التعليم الفنى هو السبيل الوحيد للنهوض بالصناعه وقد تم إنشاء ثلاث كليات في مصر

قامت الكليه بتعديل اللائحة الخاصه بالوصف السابق الي الاتي:

1-مواد هندسيه تدرس في كليات الهندسه يتم تدريسها لطالب التعليم الصناعي بنسبة 85%
2-مواد تربويه تدرس من قبل كليات التربيه بنسبه 15 %

المشكله
اولا:-بعد تعديل لائحة الكليه حدث خلل في الرؤيه العامه للكليه ادي الي رفض قبول خريج الكليه للعمل كمعلم بسبب قله المواد التربويه في اللائحع الجديده

ثانيا:-بالنسبه لسوق العمل في المجال الصناعي يعمل خريج الكليه كمهندس لحين وقت التأمين عليه وبعد ذلك يتم التعامل معه كفني لعدم حصوله علي كارنيه نقابه المهندسين

وطبعا انا بخرج مش بلاقى شغل مع انى متخصص فى قسم واحد لمده تسع سنوات وطبعا ده ميرضيش حد
فا طبعا عاوز احسن مستوايا وده طبعا مش حرام ولا عيب وطبعا واكمل وها متحن وهانجح

وطبعا الى مش عوزنا نكمل ونخش دراسه تكمليه يبقا بيحقد ومش فاهم حاجه وملهوش اى مبرر علشان انا فهمتكم
وطبعا انت تريد وانا اريد والله يفعل ما يريد

ويا رب تكونو فهمتو

والله الموفق

s.sakr
06-05-2011, 10:07 AM
ميين قلك ان احنا بنحقد
اولا يا سيدي احنا عارفين المواد اللي بتدرسوها ولكنكم تدرسون اجزاء بسيطه مما ندرسه في مختلف المواد وليس كما قلت 85%
ثانيا :
يا سيدي ممكن تطلب بعمل نقابة توفر لكم شغل
ثالثا:
يعني هومين كان لاقي شغل في النظام السابق فالمدرسيين مكنوش لاقيين شغل وبعد الثورة اتعينوا ليه بقي متطلبوش حاجة في المعقول عايزين تيقوا مهندسين كده مرة واحدة من غير متدرس في هندسة خمس سنين
رابعا:
يعني انا اتعب واذاكر في ثانوي واسهر الليل وكمان اطحن في هندسة خمس سنين عشان ييجي يتاع تعليم صناعي اللي متعبش ادي ويبقي زيي ده حرام
خامسا
انت عارف كليتك قبل ما تدخل هتوديك فين يبقي لو مكنتش عجباك ليه يتدخلها من الاول
سادسا:يا سيدي لو عايز تدخل هندسة ليه مدخلتش ثانوي وتعبت زينا ودخلت هندسة يعني هو حد كان هيقولك حاجة
سابعا :
ازاي اسمكم تربية تعليم صناعي وعايزين تيقوا مهندسين كان الاولي انكم تبقوا مدرسين تطالبوا بكده مش تطالبوا انكم تبقوا مهندسين
الموضوع مش سايب وانتو عارفين لو عددكم 1000 واحد احنا مليون ومش هنسكت علي المهزلة دي

alifoxaa
06-05-2011, 02:36 PM
اولا برضو انت مش فاهم ومش ها تفهم لاانك برضو فى كلامك الحقد ازايه انت وازاى اناوهارد عليك كلمه كلمه ومش هاتفهم برضو
اولا بتعتك ال 85% دى مش كلامى دى كلام الوزاره و طبعا احنا بيجلنا نفس دكتره ونفس الكتب ومتاوحش وخلاص

ثانيا بتعتك انا طلب وطبعا من حقى اكون مهندس وليه نقابه وده مش حرام زى منتا بتقول لاانى متخصص فى قسم واحد ثم انا هقدم للدراسه وهاذاكر واخش امتحنات والنتيجه بتعتى هى الى تبين

ثالثا بتعتك برضو انا مشتغلتش مدرس اصلا علشان يعنونى ومش ها ستنه لم هم يعنونى انا بشتغل فى شركه مهندس طبعا ده لاانى جدير بكده

ربعا بتعتك برضو انت ذكرت فى ثانو صح؟؟ انا صلا متفوق من الاعدادى وجبت مجموع عالى فى الاعدى عشان اخش مدرسه خمس سنين واخش هندسه منه وطبعا مجموعى فى الاعدادى اعلى من المجموع الى بتقبل بيه الثانوايه العامه بكتير على تبقا عارف انى متفوق من البدايه مش من الثانوى بس ثم انا زكرت وتعبت 5سنين علشان اجيب مجموع على يدخلنى الكليه الى انا اتخرجت منها

خامسا بتعتك انا جبت مجموع عالى فى الثانوى الصناعى وطبعا التنسيق جبلى الكليه دى وتبعا مفيش تحول ولا اى حاجه يا اما اكمل تعليمى فيها يامه اكتفى بالثانو وطبعا علشان انا متوفوق كملت فيها علشان مكتفتش بالتعليم بكده وهاكمل تانى ربنا يعنى

سادسا بتعتك انا رديت عليها وها رد تانى انا اصلا داخل انا الخمس سنين علشان اخش هندسه من الطريق الصحيح وجايب مجموع كبير فى الاعدادى علشان المدرسه دى بتاخد المتفوقين فى الاعداى وطبعا مجموعى كان يدخلنى احسن مدرسه ثانوى عام بسانا عاوز اخش هندسه

سابعا بتعتك ابقا مهندس لانى متخصص وابقى برضو معلم لان فى مهندسين بيشتغلو فى التدريس وطبعا دى لو انت قارء وعاوز تفهم وبيدرسو فى الثانو الصناعى

وثامنا دى من عندى انا لو مدرس وبدرس للطلبه الى يطلعو من تحت ايدى مهندسين ؟؟ ومستحقش انى اكون على درجه مهندس يبقا احنا تعلمنا ....... ولا بلاش اكيد احنا عرفين

وها قلك حاجه حول تفهم وبلاش حقد ومفيش مبرر يمنع انى اذاكر واتعب تانى علشان اكملهم 10 او 11 سنه فى تخصص واحد وابقا مهندس بلاش عند وخلاص افهم وحاول تفهم واحاول تفهم يا بشمهندس وبلاش كلام وخلاص
وحاول وانت بتدرد تشغل عقلك يا مهندس
ربنا ينفع بينا البلد وبلاش كلام وخلاص بالله عليك

انت تريد وانا اريد والله يفعل ما يريد

والله الموفق

محمد محمود خيرى
06-05-2011, 04:03 PM
بسم الله الرحمن الرحيم
السلام عليكم ورحمة الله وبركاته
يؤسفنى جداً أن اقول هذا الكلام ولكن مااراه امام عينى لا بد من ان يتكلم احد فيه
انتصرت ثورة مصر العظيمة واستطعنا نحن شعب مصر العظيم ان نبدأ فى القضاء على الفساد الذى توغل فى كل ربوع البلاد .
وفى ظل دولة مازال اقتصادها يتعافى مما حدث نتيجة لتخريب النظام البائد لاقتصادها وظهور تلك المظاهرات الفئوية فلا أمل فى عودة الاقتصاد جيدا فى الوقت الحالى .
لأن هؤلاء الذين يقومون بتلك المظاهرات لاادرى ربما لايعرفون ما تمر به البلاد الان والتى تحتاج منا جميعا ان نقف وايدينا فى ايدى بعض لبناء اقتصاد مصر الذى كان منهارا لعقود طويلة .
ظهر طلاب قسم الاعلام بكلية الاداب جامعة القاهرة مطالبين بفصل القسم عن الكلية واعلانه كلية اعلام منفصلة وبما اننا فى وقت صعب على الجميع وافق - للاسف - وزير التعليم العالى على هذا المقترح الذى تدور حوله مئات علامات الاستفهام ؟؟؟؟؟؟؟؟؟؟!!!!!!!!!!!!!
والان وافقوا ايضا على مساواة طلبة كلية التعليم الصناعى بطلبة الهندسة
============== ياللعار=======================
فبدلا من تطوير مناهج الكليات الهندسية فى جميع انحاء الجمهورية لجعل خريجيها يواكبوا مايظهر من تطوير شبة يومى فى جميع مجالات الهندسة ويجدوا لهؤلاء المهندسين فرص افضل ويوفروا لهم كل متطلبات النجاح فى عملهم نجد الموافقة المفجعة على مساواة الكليتين
=========================================
ياسادة انظروا للفارق بين الكليات المختلفة قبل الموافقة على المساواة انظروا على المجاميع المطلوبة لدخول تلك الكلية والكلية الاخرى سواء هندسة او اعلام ؟؟؟
انظروا للمناهج التى تدرس هنا وهناك انظروا الى مدى التعب والجد الذى عانى منه من يتخرجوا من الهندسة (ثانوية عامة بقلقها و5 سنوات دراسة فى التخصص الهندسى ) وفى النهاية تساوون الكل ببعض
=============================================
قبل ان يتساوى خريج جامعة التعليم الصناعى بكليتنا ساوى خريج كلية الهندسة من مصر بخريج كلية الهندسة من الدول الاوربية.
=============================================
لابد لنا نحن المهندسون من وقفة امام مايحدث فقد سبق وتم رفض قيد خريجى كليات الحاسبات والمعلومات فى نقابة المهندسين وهم خريجين من كلية مثل كليتنا ونقبل الان بان يكون خريج كلية التعليم الصناعى بأن يأخد شهادة بكالوريوس هندسة على الجاهز
فلماذا اذا التعب كل هذه الاعوام الماضية اذا كان الكل فى النهاية واحد لافرق بين هذا وذاك
ومن يقول غير ذلك اقول له لماذا خلقنا الله اغنياء وفقراء ؟؟؟؟؟
====================================
أقترح بجمع توقيع اكبر عدد من المهندسين لرفض تلك المهزلة كما طلبنا قبل ذلك عندما طلبنا زيادة معاش النقابة عن طريق صفحة على الفيس بوك واخطار نقابة المهندسين بها للحفاظ على حقوقنا.

والسلام عليكم ورحمة الله بركاته

Abd elrahman Fathy
06-05-2011, 04:38 PM
الاخ اللى بيدافع عن خريجى كلية التعليم الصناعى ولهم كامل الاحترام طبعا
انا مش عارف هو ايه المشكلة انك تكون فنى هل هى عيبه ؟؟؟؟؟
المفروض اصلا ان النققابة منها لله اللى مش عاملنا اى حاجة تحترم نفسها شوية
المفروض ان النقابة دى تضم كليات الهندسة الحكومية ةالجامعات الخاصة وليست المعاهد ام 50 % كفاية كده
حرام بعد سنتين هنتحول لتجارة واداب
اللى بيحصل دا مهزلة
الاخ بيقول ان دخل الكلية وتعب علشان يدخل هندسة ياسلام
دخل من صناعة وفى الاخر بيقول انه هينجح ويعدى واننا بنحقد عليهم المشكلة ان حضرته مش فاهم
الفكرة فكرة قدرات مش معنى انك ذاكرت انك خلاص هتنجح بدليل
عندنا فى هندسة شبين الكوم فى اعدادى اللى ساقطين معظمهم من المعاهد والكلام ده
الموضوع ده بجد عايز وقفه وخصوصا ضد النقابة اللى مبتعملش حاجة خالص

civileng111
06-05-2011, 04:53 PM
بمنتهى البساطه انت فى بلد العلم لا قيمة له

خريجى تعليم صناعى لهم اهميه عظمى فى مجال الصناعه ولكن كخريجى تعليمى صناعى وليس هندسه

رحمنا الله

lina 2010
06-05-2011, 04:54 PM
ازاى يعنى كل واحد له مجال شغله انا مهندسه و عمرى ما سمعت عن الكلام ده بمعنى ان المهندس مش بيشتغل بايده لكن الفنى بيشتغل و كل احد له سعر للمرتب و المسئوليه على المهندس طبعا فى الاخر و ل المهندسين يخافا من الفنيين ياخدوا مكانهم يبقى عيب اوى الكلام ده

Abd elrahman Fathy
06-05-2011, 05:13 PM
ازاى يعنى كل واحد له مجال شغله انا مهندسه و عمرى ما سمعت عن الكلام ده بمعنى ان المهندس مش بيشتغل بايده لكن الفنى بيشتغل و كل احد له سعر للمرتب و المسئوليه على المهندس طبعا فى الاخر و ل المهندسين يخافا من الفنيين ياخدوا مكانهم يبقى عيب اوى الكلام ده

يا بشمهندسة احنا مش خايفين من الفنين ولا حاجة بس الفكرة اننا عايزين نحافظ على قيمة مهنة الهندسة
متبقاش سداح مداح اللى عايز يدخلها يدخلها
لو الموضوع استمر كده بعد شوية كليات القمة هتبقى حقوق واعلام
دا حقوق عايزين يخفضوا عددهم لميات بدل الفات احنا بقى نفتحها كده على البحرى
اصلا يا بشمهندسة عدد المهندسين اللى بيتخرجوا كل سنة حوالى 34 الف فى حين الاطباء البشريين حوالى 7 الاف بس
الموضوع لازم يتحجم شوية

s.sakr
06-05-2011, 05:39 PM
مش بعيد بكرة باقي المعاهد في مصر تدي بكالوريوس هندسه يعني الواحد يقعد 3 سنين صنايع و2 معهد ويبقي
بشمهندس اد الدنيا
يا سلام دي حاجة ايه مفيش بعد كده

s.sakr
06-05-2011, 05:44 PM
ربعا بتعتك برضو انت ذكرت فى ثانو صح؟؟ انا صلا متفوق من الاعدادى وجبت مجموع عالى فى الاعدى عشان اخش مدرسه خمس سنين واخش هندسه منه وطبعا مجموعى فى الاعدادى اعلى من المجموع الى بتقبل بيه الثانوايه العامه بكتير على تبقا عارف انى متفوق من البدايه مش من الثانوى بس ثم انا زكرت وتعبت 5سنين علشان اجيب مجموع على يدخلنى الكليه الى انا اتخرجت منها

خامسا بتعتك انا جبت مجموع عالى فى الثانوى الصناعى وطبعا التنسيق جبلى الكليه دى وتبعا مفيش تحول ولا اى حاجه يا اما اكمل تعليمى فيها يامه اكتفى بالثانو وطبعا علشان انا متوفوق كملت فيها علشان مكتفتش بالتعليم بكده وهاكمل تانى ربنا يعنى

سادسا بتعتك انا رديت عليها وها رد تانى انا اصلا داخل انا الخمس سنين علشان اخش هندسه من الطريق الصحيح وجايب مجموع كبير فى الاعدادى علشان المدرسه دى بتاخد المتفوقين فى الاعداى وطبعا مجموعى كان يدخلنى احسن مدرسه ثانوى عام بسانا عاوز اخش هندسه

سابعا بتعتك ابقا مهندس لانى متخصص وابقى برضو معلم لان فى مهندسين بيشتغلو فى التدريس وطبعا دى لو انت قارء وعاوز تفهم وبيدرسو فى الثانو الصناعى


والله الموفق
لما حضرتك جايب مجموعكويس كده مدخلتش ثانوي عام ليه ومنها الي هندسه
انا اقولك لانك مش قد ثانوي عام
ما هو كمان دخلت 5 سنين تعليم صناعي ورغم ذلك مقدرتش تدخل هندسه
فمعرفتش تدخلها بكدة ولا كدة قولت ندخلها بالدراع بس الدراع ده مش نتيجه دخلتك هندسه
لا دي بلطجة

gemygamal
06-05-2011, 05:53 PM
عتاب من طالب مدني المنصوره لزملائه اولا لا يصح التحدث بهذه الصوره عن زملائنا خريج تعليم صناعي وانهم مجموعه من الفاشلين ولكن في رأيي انه طالب اجتهد ودخل كليه الهندسه التي هي في دول اوربا ليست بتنسيق اصلا لكي تدخلها ولكن بالرغبه في العمل كمهندس
ثانيا طالب تعليم صناعي لو دخل كليه الهندسه وهو لا يستحق صدقني مش هيتخرج منها اذا كان احنا بتوع ثانوي عام طالع روحنا ولكن اذا اجتهد سيكون له نصيب للعمل كمهندس وسيكون بكم معلومات مثلك تماما ولا انت رأي حضرتك ان كلمتين رياضه ثانوي الي خدناهم دول الفرق بين كونه فاشل وكونك ناجح ارجو منك عدم التكبر في كلماتك والحفاظ ع شعور الاخرين

gemygamal
06-05-2011, 05:59 PM
ثانيا احنا مش مفي المنتدي عشان الكلام ده احنا هنا عشان نستفيد ونخدم الامه بأكملها ولا داعي لهذه الموضوعات التي تعد من وجهه نظري المتواضعه ( تافهه ) كون واحد زينا كان ثانوي عام ولا واحد كان صنايع وتفوق وعمل معادله دي اسمها تفااهه المهم نشتغل ببجد وبضمير واعتقد ان في مهندسين كتير كانو ثانوي عام ومرتشين وشغالين وكأنهم عمال ومقاولين ومش محتاجين نقول اكتر من كده

المهندس احمد عكوش
06-05-2011, 06:02 PM
يا رجالة واحد من الشباب يعمل لنا صفة على الفيس بوك ونسميها تطهير نقابة المهندسين من الخلاء عليها
لا للتفاف على حصول اى شخص على عضوية نقابة المهندسين الا من دخل كلية الهندسة من اعدادى هندسة
وطرد خريجى الكفاية الانتاجية بالزقازيق وعدم الاعتراف بهم كمهندسين
لانهم اساوء الى مهنة الهندسة
فهذة فرصتنا واتت الينا هبوا يا شباب المهندسين لتطهير المهنة والنقابة من الدخلاء
حاليا لا نجد شغل وانا متخرج من سنتين ولم اجد عمل يليق بى كمهندس مدنى
واجرى لا يساوى نجار خبرة 5 سنوات
والسبب الاستعانة بخريجى المعاهد الخاصة اللى مصاريفها بالافات
وطبعة النتجية معروفة مسبقا 99.999999%
وانا كنت فى المنصورة النسبة فى بعض المواد تصل الى 12 % او اقل قبل الرفع وبعد الرفع تصل 25%
هل هذا عدل
ان يتم كل عام فصل اكتر من 250 طالب فى هندسة المنصورة لاستنفاذ مرات الرسوب فى اعدادى
وبعد ذلك جزء من هؤلاء الطلبة يذهبون الى المعاهد الخاصة وينجحو بتقديرات عالية
هل معنى ذلك انهم اذكى منا
عيب هذا الهراء فلا داعى للمهاترات
فليس حقدااااااااااااااا منا ولكن حقنا الشرعى الذى لن نتازل عنه لحظة حتى فصل رؤسنا عن صدورنا
عندما قامت الحكومة الفاشلة بفتح هذة الكلية كانت تهدف لتخريج مساعد مهندس ويساعده وليس ليعمل مهندس وعندما دخل الطالب كان يعلم انه سوف يتخرج كفنى وسوف يتم عمل دورات لرفع كفاءته فلماذا الطمع والروكوب فوق الاحداث
انا مع الاصوات التى تنادى بتطويرة ورفع كفاءته وليس تعديل المسمى
والاخ اللى بيقول ان دراسته 85 % مواد هندسة
هو اصلا بيدرس ايه كام موضوع له صله بالهندسة...حتى يكون فنى ومساعد مهندس وليس كمهندس
الطالب بيدرس فى كلية العلوم قسم البيولوجى مهنج طب هل يصلح ان يكون طبيب
وقسم الكيمياء يكون صيدلى
وطالب اداب وعلوم يدرس التخصص
وطالب تربية يدرس نصف المقرارات بالافاضة الى التربوى لانه سوف يصبح مدرس
طالب اداب وعلوم عشان يبئى مدرس ياخذة سنتين تربوى ليكون مدرس
طالب تربية عشان يبئى دكتورة رياضة او فزياء
بيروح كلية العلوم وياخذ الكلية من سنة اولى وبعدها يعامل معاملة طالب العلوم
فلسنا اقل من كلية العلوم
فنحن الاصل فى العلوم التطبيقية
ولذلــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــك
حتى يتم قبول هؤلاء بكلية الهندسة يتم عمل امتحان معادلة لهم ومن ينجح يتقدم الى اعدادى هندسة
غير ذلك لن نقبل منهم شئ
واذا كانت الحكومة ضعيفة فلسان ضعفاء حتى نهدر كرامتنا وعزنا ومصدر رزق اولادنا
نحن ضيعنا عمرنا وصحتنا وكنا الاوائل فى جميع مراحل عمرنا الدراسية
فهل يستوى الذين يعملون والذين لا يعملون
اى عدلااااااااااااااا هذا يا اخوانى
كانت امنت عمرى ان اصبح مهندسا فعملت لذلك اليوم
وغيرى يتمع بمباهج الحياة والاخر يتساوى بي
فرصة عمركم وصلت الينا
نطهر نقابة المهندسين من الجهلاء والدخلاء عليها
النقابة لمن دخل اعدادى هندسة والصح لمن حصل على الثانوية العامة قبل اعدادى هندسة
وتكون مطلوبة كمسوغ لعضوية نقابة المهندسين المصرية