المساعد الشخصي الرقمي

مشاهدة النسخة كاملة : كيف تحترف الاتوكاد



الصفحات : [1] 2 3 4 5 6 7 8 9 10 11

السيد حلاوة
15-09-2010, 06:03 PM
كيف تحترف الاتوكاد

كيف تحترف الاتوكاد

كيف تحترف الاتوكاد

اولا انا عارف ان 99 % منا بيعرف اتوكاد ولكن المطلوب انك تكونه محترف اتوكاد مش بتعرف اتوكاد مش مجرد امر بتنفذه اهم شىء السرعة وطبعا السرعة تحتاج تركيز وممارسة كتييييييييييييييييررررررررررر
واحد يقولى وضح اكثر اوك هقول لكم خطوات لاحتراف فى الاتوكاد بحيث على ما نخلص مع بعض الجزء النظرى وده مهم اوى نكون احترفنا الاتوكاد ومستعدين للعملى وربنا يوفق
خلو بالكم فى مهندسين كتيير بتبقى مستعجلة عايز العملى على طول وده ما ينفعش لانى واضع نظام المفروض بعد ما نخلص الجزء النظرى واللى انا بعتبره اهم شىء نكون بنعرف نختار سيستم system صح لان اصعب شىء فى المشروع انك تختار نظام التكييف المناسب فى المكان المناسب




اولى خطوات احتراف الاتوكاد
اولا امسك الموس او الفأرة بايدك اليمين
واوعى ايدك اليمين تسيب الموس او تروح على لوحة المفاتيح عايزها تاتصق بالموس طول ما انت شغال على الاتوكاد
وايدك الشمال على لوحة المفاتيح اوعى تشيلها من لوحة المفاتيح
يبقى اتفقنا اليمسن على الماوس والشمال على لوحة المفاتيح
بعد كده
اوعى تستخدم الاوامر من شريط الاوامر اللى فوق فى الاتوكاد
اللى هيا
draw
وغير ذلك
واوعى تشتغل بالاختصارات الموجودة على يمين وشمال الاتوكاد
واوعى تنظر للامر
كومند تحت
وبعدين معاك طبعا واحد يقولى مش فاهم حاجة
هقوله وانا كمان مش فاهم
ههههههههههههههههههههههههههههه
طيبا نعمل ايه؟
اولا لازم ولابد وحتما ويجب عليك ان تستخدم اختصارات الاوامر
انا لو جالى حد المكتب اختبره بقول له اجلس اشتغل
اذا وجدته ما بيستخدم الاختصارات بعرف انه لسة مبتدا ومعندوش خبرة ولم يمارس التصميم
ولو كان هو كويس فى التصميم يبقى عامل ذى اللى اتعلم السباحة غلط صحيح بيعرف يعوم على الماء ولكنه بطىء
ويتعب بسرعة





طيب الاختصارات موجدوة بالفعل فى الاتوكاد ولكن هقول لكم اهمها بسرعة
الامر
line
الاختصار
L
ثم الضغط على انتر وطبعا المسطرة بتقوم بعمل انتر يعنى طبعا المحترف يضغط على الاختصار ثم مسطرة وطبعا كل ده بايدك الشمال لان ذى ما اتفقنا اليمين ملتصقة بالموس
شايفك ايوة انت ما تسطعبطش
انت
ايوة قلت لك ايدك الشمال هى اللى على الكيبورد بتكتب ليه بايد اليمين
متعود
معلش لازم ايدك الشمال تتعود تكتب بيها فى الاتوكاد هو كده الصح اوك
الامر دائرة
CIRCLE
الاختصار
C
ثم مسطرة ثم تضع بكليك شمال مركز الدائرة ثم تكتب نصف القطر بالشمال فاهم يا احمد يا رافع بالشمال
الامر قوس
A
ثم الضغط على مسطرة وطبعا انتم عارفين الامر انا هنا مش بعلمك الاتوكاد ولكن بعلمك احترافه يعنى علشان تعرف تتابعنى لازم تكون عارف اتوكاد
اوك
الامر بولى لين
PL
الامر نسخ
CO
او
CTRL+C
والامر لصق
CTRL+V
الامر مراة
MIRROR
MI
الامر دوران
RO

الامر مسح
E
الامر لعمل موازى
OFFSET
O

لعمل امتداد
EXTEND
EX
لعمل قطع لجزء من خط TRIM
TR ثم مسطر مرتيين او انتر مرتين ولكن احبائى اتفقنا ان الاصح استخدم مسطرة بدل انتر
ركز اوى فى الامر اللى فات
TR
ثم مسطرة مرتيت ورا بعض ثم نقطع

الامر
FILLET
F

الامر
MOVE
M
لرسم مستطيل
REC

لعمل هاتش
تهشير يعنى
H
على العموم دى اشهر الاختصارات اتدرب عليها واللى مش فاهم حاجة يسال اوك

السيد حلاوة
15-09-2010, 06:04 PM
طبعا ملحوظة مهمة
لعمل ذوووووووم
zoom
بدور بكرة الموس للامام او الخلف تعمل تصغير او تكبير مباشرة
ولو ضغط على البكرة بتاع الموس وتفضل ضاغط عليها وتحرك ايدك تتحكم فى حركة الشاشة امامك وده الامر
pan
اللى يمثله فى الاتوكاد ايد رمز يد طبعا عارفينه
ولنقل خواص خط الى خواص اخر نعمل
match
الاختصار
ma
ورمزه ذى المكنسة او الفرشاه
وكمان عايزك تجلس امام الاتوكاد تتحكم فيه مش هو اللى يتحكم فيك
وده ذى ما عرفتكم تقدر تستخدم لف البكرة بتاع الموس تكبر وتصغر بسرعة جدا ذى ما انت عايز او تضغط عليها علشان تحرك الرسمة امامك يمين وشمال وفوق وتحت طبعا بنحرك الشاشة نفسها وليس الرسمة
طيب
لو عايزين نكبر الرسمة فعليا بابعاد
sc
يعنى
scale
وننختار الشىء اللى عايزين نكبره او نصغره ونعلم عليه ونكتب الرقم اما جزء من الواحد للتصغير او مضاعفات الواحد للتكبير وهكذا

السيد حلاوة
15-09-2010, 06:05 PM
حجات تانى مهمة
سعات الرسمة تضيع منك وما تلاقيها نعمل ايه
z
ثم انتر او مسطرة
ثم
e
ثم انتر او مسطرة
يعنى
(z) enter after that (e) enter

السيد حلاوة
15-09-2010, 06:05 PM
طبعا ملحوظة سعات ناسن تلعب فى الاختصارات بتاع الاتوكاد نفسها فتيجى تعطى الاختصار لا يستجيب
خلى بالك
سعات الرسم خطوطها تتكسر منى
re
ثم انتر
وعيش حياتك مع الاتوكاد وادعيلى

السيد حلاوة
15-09-2010, 06:06 PM
طيب بعد ما نفهم الكلام ده كله
سيادتك تجلس كل يوم ساعة بالضبط امام الاتوكاد ساعة بالضبط
وطبعا سيادتك تكون غالق النت لان كل شوية واحد هيدخل عليك يجعلك بعيد عن التركيز
ويستحسن لو متزوج تودى زوجتك عند امها واولادك كمان
وياسلام لو تغلق المحمول وتشيل فيشة التليفون الارضى
طبعا لو عندك 2 محمول افصل الاثنين مش تقول انا قلت المحمول
وربنا يوفقكم جميعا

السيد حلاوة
15-09-2010, 06:07 PM
http://www.arab-eng.org/vb/attachment.php?attachmentid=60492&d=1279712596
ده الواجب

السيد حلاوة
15-09-2010, 06:09 PM
طبعا كنت عامل المشاركة دى داخل احد مواضيعى جعلتها لوحدها فى هذا الموضوع لتعم الفائدة

hamadalx
15-09-2010, 06:11 PM
جميل جدا .............. الكلام دة يابشمهندس بس ياريت حضرتك تقولى Xref إزاى أستخدمه يعنى لو معلش فيها غلاسة توضح الأمر وفايدته وإزاى أستخدمه

mouge
15-09-2010, 06:24 PM
شكرا علهلموضوع القيم اللي دائما اتمنى اكون محترفه فيه

محمد يس
16-09-2010, 09:08 AM
جزاك الله خيرا يا مهندس سيد به خير الناس انفعهم للناس

appess
16-09-2010, 09:20 AM
السلام عليكم موضوع و أسلوب شيق جدا جدا جدا
و احب اسئلك عن layout و كيفية عمل لوحات الرسم و الفرق بين paper Model
و شكرا جزيلا لك و حلاوة يا سيد حلاوة

السيد حلاوة
16-09-2010, 09:26 AM
الاكس رف اختصاره
xr
اتبع معى م حمادة التالى
اولا تضغط
xr
ثم انتر
تظهر لك قائمة على يسارك بها ثلاث ايكونات فى الاعلى
الاولى شكل فولدر لما تقف عليه بالموس دون ضغط يظهر
attach dwg
وجنبها سهم صغير اضغط عليه يظهر لك 3 اختيارات
attach drawing
attach image
attach dwf
اولا
اختار
attach dwg
يدخلك على البحث داخل جهازك
روح لاى رسمة اتوكاد مرسومة مثلا دور ارضى لفيلا مثلا واختارها تلاحظ انها نزلت عندك فى صفحة الاتوكاد ولو ما ظهرت اضغ
z
ثم انتر
و
e
ثم انتر تلاقيها ظهرت امامك على هيئة بلوك
لكنها ليست بلوك دى اكس رف من الرسمة اللى انت اختارتها وتلاحظ انك غير قادر على التعديل فيها الا من خلال الرسمة الاصلية اللى انت اختارتها اذا عملت فيها اى تغير يظهر عندك
نعطى واجب عملى

hamadalx
16-09-2010, 09:46 AM
شكرا لك يامهندسنا ... بارك الله فيك

السيد حلاوة
16-09-2010, 09:54 AM
طبعا نزلو الفيل به فيل اتوكاد
مروسوم فيه دور ارضى لفيلا نزله على جهازك وفك الضغط وضعه فى مكان معين ومش مهم تفتحه وانت بتعمل اكس رف
ثم افتح صفحة اتوكاد جديدة خالص واعمل
xr
ثم انتر
تظهر لك القائمة على يسارك
اختار
attach dwg
يظهر لك البحث على جهازك ادخل الى الفيل اللى لسه منزله طبعا بعد فك ضغطه ذى ما اتفقنا
واختاره سيظهر لك فى الوحة الجديدة على هيئة بلوك ولكنه ليس بلوك
واذا اردت ملاحظة التغيرات اذهب للفيل الاصلى وارسم مثلا دائرة ثم احمل حفظ واذهب للرسمة الاخر سترى الدائرة ظهرت
واى خدمة مهندس حمادة

السيد حلاوة
16-09-2010, 10:09 AM
طبعا اى واحد مبتدىء فى الاتوكاد هيقول ايه فائدة الاكس رف هفهمك
اولا المهندس المعمارى بيكون شغال فى نفس الوقت وطبعا بيكون فى تعديلات فى الرسمة المعمارية اثناء الشغل مثلا يضيف شباك يشيل شباك يكبر غرفة فطبعا بتكون انت شغال فى التكييف فوق الرسمة الاكس رف فتلاحظ ان الرسمة امامك اتغيرت دون ان يخبرك احد فانت كمان تعدل شغلك وكمان علشان المعمارى يضمن انك ما غيرتش شىء فى المعمارى واشتغلت على اخر تغيير لان سعات بيغير ولو انت مش شغال اكس رف وهو ما اعطاك اخر بلانات هيكون شغلك غلط يعنى وكانك شغال على مشروع تانى

السيد حلاوة
16-09-2010, 10:18 AM
المهندس
appess
مش عارف معنى اسمك ايه لكن عارف سؤالك
اولا تحت على يسارك لو نظرت للوحة الاتوكاد هتلاقى مكتوب موديل ومكتوب لاى اوت
model
ومكتوب
layout
لوحة موديل دى سوداء الشاشة وهى دى اللى بترسم فيها رسمك الاساسى ولما تخلص رسمك تدخل على لاى اوت
علشان تجهز الرسم للطباعة بالمقاس اللى انت عايزه وكمان تحدد الرسمة نفسها
بمعنى ان ممكن يكون عندك اكثر من رسمة فى الموديل لكن اللى هتخترها للطباعة رسمة واحدةى بتكون محدده انت
وكمان يفضل وضع الفريم فى الاى اوت
وعلى فكرة ممكن ترسم على الاى اوت لكن بلاش ال فى اوضاع معينة
خلينا نتكلم على واجب عملى نوضح فيه

السيد حلاوة
16-09-2010, 10:49 AM
ده مشروع انا مصممه كهرباء
اضاءة وبور وانذار حريق لسوق فى الرياض المملكة العربية السعودية
لما تفتح الموديل هتلاقى فيه كذا رسمة مثلا شعار المكتب بتاعى وتصميم الحسابات وتصميم الاضاءة وتصميم البور وانذار الحريق
لما تفتح
layout
هتلاقى الفريم موجود وبداخله رسمة واحدة اللى انا حددتها
كيف تم هذا
عندك على الاتوكاد اول شريط فوق العنوان
ثانى شريط القوائم
ثالث شريط المهام وده هتيجى على اى مكان فاضى وتضغط كليك يمين بالماوس تظهر لك قائمة اول شىء فيها اسمه cad
اقف بالماوس على كاد هتلاقى قائمة كبيرة جدا تحت فى الاخر شويه هتلاقى حاجة اسمها
viewports
اضغط عليها هيظهر لك فى نفس الشريط مجموعة من المهام منها واحد على شكل مستطيل لما تقف عليه بالماوس دون ضغط يظهر لك كلمة
single viewprt
ده اللى هنستخدمه الان
تمام كده
طيب نبدا الشغل
افتح اى رسمة مرسومة فى موديل وروح على layout
ثم اختر من شريط المهام المربع اللى اسمه
singel viewport
واعمل بكليك شمال بالماوس ضغطه على اى مكان فى الاى اوت ثم اسحب الماوس لتحت تلاقى بيحدد معاك مستطيل ثم اضغط ضغطة اخرى يعنى وكانك بترسم مستطيل
ستظهر لك رسالة اضغط
ok
ستلاحظ ان الرسمة اللى فى الموديل كلها ظهرت فى الاى اوت
تمام
بعد كده اضغط بكليك شمال ضغطتين سريعتين على الرسمة تلاقى ان المربع المحيط بالرسمة تظلل بلون غامق وهنا لو لفيت البكرة بتاع الماوس يعن عملت بيها زووم هتلاقى نفسك داخل الرسمة وممكن تختار الرسمة اللى انت عايزهها
عموما اللى يحب يجرب وفى حاجة تقف امامه ممكن يكلمنى تليفون والله المستعان
طبعا فى شغل كتييييييييييير بيتعمل فى لاى اوت لكن وحدة وحدة

sedra1
16-09-2010, 11:27 AM
سلام عليكم
مشكور يا خوي جدا جدا

sedra1
16-09-2010, 11:29 AM
:12::10::59::20:تاتنو ىةالةل:73::73::75::d

hamadalx
16-09-2010, 05:26 PM
والله يابشمهندس أنا بدعى ربنا إن الشخصيات الجميلة اللى فى المنتدى تفضل معانا زى حضرتك , المهندس صبرى, المهندس عبد العاطى,المهندس محمد ومهندسين نعتبرهم قدوة لنا ...... ونتمنى إن حضرتك تفضل بالعطاء والحماس دة ... لأن فى درس فى السكيل وإزاى نظبطه ونتحكم صح فى الرسمة ههههههههههه بهزر ربنا يبارك فيك يابشمهندس وكلنا متعطشين لكلامك ولك جزيل الشكر

دكتور صبرى سعيد
17-09-2010, 07:27 AM
السلام عليكم مهندس سيد
الحقيقة انا مبسوط اني وجدت من يشرح الاوتوكاد بهذه البساطة و التشويق والكلمة المناسبة التي لايعجز احد عن فهمها
و انا مرة اقترحت ان احد من الزملاء المحترفين يشرح لنا الموضوع خطوة خطوة بمقدمات يضع في اعتباره ان المتابع بليد زي حالاتي و فهمه بطئ و في المتابعة بأتوه بسرعة و احب اكتب حتي استطيع ان اتابع
انا موش عايز غير اقدر اعمل تعديل او انسخ جزء لأضعه في مكان آخرأو اطبعه اسود وابيض أو اضع عليه ملاحظة أو اعدل الكلام المكتوب و شكل الحرف و حجمه بحيث يكون مقروء ، فكم من اللوحات تأتي وحتي لو طبعتها على ايه زيرو تفضل مطموسة وغير مقروء ومهما حاولت تكبر جزء منها مافي فائدة

فانت كدة ابتديت صح بس ياريت تمسك رسمة و تحللها من وجهة نظر محترف يعني منين ابتديت و بايه و ايه الاداة، زي اخوانا اساتذة النحو لما يمسك جملة و يحللها نحويا بطريقة تخليك تحب اللغة و تفهمها دون الخوض في موضوعات متعددة ذات علاقة ما ان تنتهي منها حتي تكون نسيت اولها و يمكن الموضوع نفسه
الحقيقة موش عارف اعبر لأني زي ما قلت انا يادوب افتح الرسمة واقعد ابص فيها و لو عايز اشير لمكان محتاج تعديل اضطر اطبع اللوحة واعلم عليها بالقلم او اعدل بالقلم اثناء مراجعتي للمخططات التصميمية او التنفيذية
من ضمن الأشياء عندي كتاب فيه رسومات كثيرة مصورها من مراجع معظمها قديم و احيانا غير واضحة و ليس لدي مراجعها الآن مع تطور ماكينات تصوير المستندات وطلبت من زملاء يعملوها لكن مفيش حد فاضي لحد زي ما قالولي
ولا يحك جلدك مثل ظفرك
منتظر خلاصات داخل فايلات مرفقات اقدر احتفظ بيها و اذاكرها و ارجع لها لو نسيت ن و انا باشتري كتب من 2002 حتي 2009 ولاقي نفسي تايه زي ترزي موش عارف يبتدي القصة منين
بارك الله فيكم و في امثالك و زادكم الله من فضله

م.رامي قاسم
17-09-2010, 07:33 AM
مشكور أخى وما قصرت ولكن انا بطالب يكون موضوع الاوتوكاد ده موضوع واحد فقط مش متفرع كتير كدة ليكون سهل على الاعضاء

محمد سمير فرحات
17-09-2010, 08:08 AM
مشكوووووووووووووووووووورر

علاء احمد الخطيب
17-09-2010, 11:31 AM
زادكم اللة من علمة مشكوووووووووووووووور جدا على الجهد الكبير ده
ومتحرمناش من الزيادة

محمد يس
17-09-2010, 01:20 PM
مشكور جزاك الله خير