هتعمل التوعية دي إزاي
عارف كام ألف خريج هندسة سنوياً في مصر في مختلف التخصصات الهندسية
وكام واحد منهم متابع المنتدى ده
والناس اللي مظلومة برة فعلاً نجيب حقهم إزاي
كل واحد مظلوم عارف إنه مظلوم
بس إزاي نجيبله حقه
لازم عشان نحل الموضوع حل جذري ويحفظ حقوق الناس يكون مدعم من الدولة نفسها
لأنها حقوق ولادها وكمان الدولة بتستفاد من ده
صدقني أنا فكرت في الموضوع
وفي ظل الظروف الحالية
في ناس بتقبل بأي حاجة ولسان حالها بيقول بعدين ربنا يسهل إحنا لاقيين
عشان كدة لازم يبقى الموضوع ده بالذات مقنن من قبل وزارة التعمير والإسكان ونقابة المهندسين بالتبعية ووزارة الخارجية كمان
وطبعاً ده مش سهل
لأن المشاكل الداخلية مش قادرين عليها
هيتعبوا نفسهم كمان ويشوفوا مشاكل المهندسين الخارجية
طب نعمل إيه
تعالى نفكر
وزي ما في ناس حبت تغير بجد وخدوا شعار صناع الحياه
تعالى نفكر ونشوف هنعمل إيه
سيبني أفكر شوية وأقولك
فكر معايا
لأ
فكروا كلكم معايا