تلبية لطلب أخ معانا فى المنتدى طلب منى توضيح البيانات اللى على الإستيكرات واللى على الكراتين وكان وجهة نظره إن ممكن يكون حد معانا جديد وعاوز يعمل المشروع ده وعاوز يعرف ايه اللى بينكتب على استيكر إزازة الفنيك السوبر واللى بينكتب على إزازة الفنيك الشعبى وعلى الجراكن وعلى الكراتين السوبر والشعبى من بيانات
بالنسبة لبيانات إستيكر إزازة الفنيك السوبر :
ده استيكر لإزازة السوبر الكبير وبالنسبة لمقاسه زى ما انتا عاوز تعمله على الإزازة ده مقاسه 5 سم فى 9 سم وهو هو اللى هتعمله على ازازة السوبر الصغير بس هتغير بدل ما تكتب السعر 500 قرش للمستهلك هتكتب 300 قرش للمستهلك وبدل ما تكتب 500 مللى عند التعبئة بتكتب 250 مللى
وطبعا ده تصميم لشركة يعنى انتا هتغير فى الشكل والألوان ونوع الخط وكده وشكل الجمجمة هتصمم من جديد بس أهم شىء تقرب من شكل فنيك العاشر المشهور اللى فى السوق ده بيسهلك بيعه بيدى للعميل ثقة ان المنتج ده نظيف زى العاشر وبيميزك عن الفنيك الشعبى فى أشكاله المعروفة فى السوق
هوريلك برده تصميم تانى سوبر لشركة من الشركات عامل السوبر الصغير 5 سم فى 9 سم والسوبر الكبير 7 سم فى 9 سم
بالنسبة لبيانات استيكر ازازة الفنيك الشعبى :
ده استيكر لإزازة الشعبى الكبير وبالنسبة لمقاسه زى ما انتا عاوز تعمله على الإزازة ده مقاسه 7 سم فى 10 سم وهو هو اللى هتعمله على ازازة الشعبى الصغير بس هتغير بدل ما تكتب السعر 2.5 جنية للمستهلك هتكتب 2 جنية للمستهلك وبدل ما تكتب العبوة 500 مللى تقريبا هتكتب العبوة 300 مللى تقريبا وفى تصميم الشعبى اعمل اى شكل انتا تحبه ميز نفسك عن الشركات فى السوق خاصة لما تكون جديد
بالنسبة لبيانات الإستيكر اللى هنلصقه على الجركن اللى بيسع 4 لتر :
ده استيكر لجركن الفنيك اللى بيسع 4 لتر اللى هتعبيه فنيك سوبر أو شعبى براحتك وطبعا مقاسه مش هيفيدك فى شىء لإن الجركن بيختلف فى شكله من مصنع لآخر حسب شكل الإسطمبة اللى عندهم واللى شغالين عليها لإن فيه من الجراكن كذا شكل
بالنسبة للبيانات اللى بتبقى على كرتونة الفنيك السوبر الكبير وكرتونة الفنيك السوبر الصغير :
بالنسبة للبيانات اللى بتبقى على كرتونة الشعبى الكبير وكرتونة الشعبى الصغير :
يتبع إن شاء الله تعالى
التعديل الأخير تم بواسطة ممدوح الجيار ; 15-05-2008 الساعة 05:06 PM.
|