|
شرح مبسط جدا لل chilled water system بالصور
انا هنا هوضح نظام CHILLED WATER SYSTEM بس بشكل بسيط جدا يعنى ممكن يكون فيه ناس كتير عارفه الكلام ده بس انا واحد من الناس كان الشرح البسيط قوى ده مش واضح عندى وعشان كده انا عملت الموضوع ده
باختصار خالص
اى جهاز تكييف ( spilt مثلا ) عباره عن وحدتين وحده داخليه ووحده خارجيه الداخليه بتبقى فى الداخل والخارجيه فى الخارج والخارجيه تحتوى على ( كمبريسور والمكثف )
نفس الكلام ده فى chilled waterالوحده الداخليه هيا هيا كل الاختلاف هوا ان عشان عدد الوحدات الخارجيه هيبقى كبير جدا فاحنا جمعنا كل الوحدات الخارجيه فى وحده واحده كبيره وهيا (chiller (
انا دلوقت هشرح على مشروع مكون من 9 طوابق
المشروع بيه 156 unit يبقى ده الوحدات الداخليه
المشروع بيه 3 chiller يبقى دى تعتبر الوحده الخارجيه
دوره التبريد : دوره الفريون بتكون فى الوحده الخارجيه فقط وهيا chiller زى ما تفقنا اذا السئول الاول عن التبريد هو التشيلر
بالنسبه لوسيط التبريد لكل وحده داخليه مبيكنش الفريون بتكون المياه
يبقى دلوقت وظيفه التشيلر خفض درجه حراره المياه ( اللى هيا وسيط تبريد الوحدات الداخليه ) من درجه حراره 55 فهرنهايت الى 45 فهرنهايت
معنى ذلك كل وحده داخليه (fcu( بتدخل المياه ودرجه حرارتها 45 فهرنهايت ( قادمه من التشيلر ) وبعد عمليه التبريد داخل الغرفه تخرج درجه حراره المياه من fcu ودرجتها 55 فهرنهايت لتعود مره اخرى للتشيلر
طبعا بقى بين التشيلر وكل وحده صمامات كتيره و ده انا مرفقه فى لوحه اوتوكاد بتوضح بدايه خط المياه من التشيلر ومرورا بكل برانش branch لتصل لكل طابق ( ارجو مشاهده المرفقات )
ثانيا : fahu
وهو fresh air handling unit
بدايه فى بعض المبانى بتكون التهويه غير متاحه يعنى الهواء الداخلى لكل غرفه غير متجدد لذلك يتم تركيب وحده fahu ومهمتها تبريد الهواء الخارجى ثم توصيله او توزيعه على كل وحده داخليه fcu
وال fahu زيها زى اى وحده داخليه بتحتاج برده وسيط تبريد ( المياه فلذلك واخد خطين مياه زى كل fcu
ال fahu متركب عليها نوعين من الدكت واحد fresh air duct لادخال الهواء النقى لكل غرفه والتانى return duct القادم من كل غرفه لتبريده مره اخره فى fahu
اخيرا : احب اوضح بعض النقاط
نظرا لان المبنى بيكون ارتفاعه عالى فبنحتاج تركيب مضخات لرفع مياه التبريد
النظام بيحتوى على عدد صمامات كبير وده واضح فى المرفقات
اسف على الاطاله ومعذره على التبسط فى الشرح
ارجو من الساده المشرفين لو ليهم اى تعليق او تحديد خط معين فى الشرح تنيه الجميع
لا تنسوا المرفقات ( هامه جدا بواسطه الاوتوكاد )
وجزاكم الله خيرا
|