يا اخ ابو محمد
انت بتقول انك مساعد مهندس في خبرة مهندس وانا مريت علي مشاركه لحضرتك قبل كده بتطلب فيها مساعده من مهندسين المنتدي لتصميم سكن خاص بحضرتك علي قطعة ارض طب من الاولي انك تقوم بهذا العمل بنفسك ( مش بتقول انك في خبرة مهندس ) واحب اضيف لمعلومات لسيادتك الاتي :
اولا :المهندس خالد النمر اذا كان له مشاركات بيطلب فيها مساعده من اخوانه المهندسين في الموقع هنا ده شئ لا يعيبه ابدا لان الهدف الاساسي من المنتدي هو تبادل الخبرات بين المهندسين وبعضهم دون حرج او تجريح . يعني مش عيب انه يطلب مساعده من اخوانه المهندسين اهل الخبرة في هذا المنتدي !!!!!!!! ولا هو حلال عليك يامن في خبرة مهندس وحرام علي المهندس ؟؟؟؟؟؟؟؟؟؟؟؟؟؟؟؟
ثانيا : سيادتك ذكرت انك مراقب اعمال ومشرف علي شركات وواضح من كلام حضرتك انك بتعمل في جهة حكوميه يعني لا انت بتشتغل في مكتب استشاري ولا شركة مقاولات ولكن جهة حكوميه وانت عارف ان الحصول علي وظيفه في الحكومه في الوطن العربي عموما تخضع للواسطه والمصالح المتبادله والعلاقات العامه واشياء اخري اهمها في الاختيار الاعتماد علي اهل الثقه وليس اهل الخبره وخير مثال علي ذلك اختيار الوزراء والمناصب العليا في الحكومات العربيه مما يؤدي الي ارضاء الرؤساء للاستمرار في المنصب مهما كانت النتائج
يعني استمرارك في موقعك والترقي في المناصب لا يعتمد علي الكفاءة بقدر اعتماده علي ارضاء اولي الامر
ثالثا :عملك كممثل جهة حكوميه لا يتطلب كفاءات معينه في التنفيذ لانك لا تقوم بالتنفيذ ولا بالاشراف علي التنفيذ (حتي ولو كنت ذو خبرة في التنفيذ ) فانت مثل من يتذوق الطبخه بعد انتهائها ليقرر اذا كانت تحتاج ملح او ملحها زيادة ............. الخ وكل ذلك لتضمن الحكومه تنفيذ العمل طبقا للتعاقد ولصرف مستحقات المقاول والاستشاري ان وجد شغلانه بتعملها شركات الادارة دلوقتي ولا تحتاج الي مهندس من اصله يعني ادارة اعمال
رابعا :
حضرتك ذكرت في اول مشاركه انك بتشرف علي اعمال بتتراوح من 5 الي 15 مليون دولار يعني بالاماراتي عندنا هنا حوالي من 20 الي 60 مليون درهم ....... احب اعرفك ان المهندس خالد النمر بيشرف علي مشروع تكلفته الاجماليه 200 مليون درهم اماراتي وخبرته لا تتعدي الثلاث سنوات ........... يعني لما الراجل يدخل المنتدي ويطلب من زملاؤه المهندسين مساعده يبقي ده نابع من احساسه بالمسئوليه تجاه عمله
خامسا :
احب اقوللك ان المنتدي ده له فضل علي جميع المهندسين المشاركين فيه من اكبرهم الي اصغرهم ولا حرج في ذلك
والسلام عليكم ورحمة الله وبركاته