الاخ ابو محمد
موضوع ان الهوردي بالمتر المسطح ده مش قران . انا اشتغلت في مشروعات كان الهوردي بيتحسب بالمكعب وبيوضع في بند لوحده وبيكون شامل توريد ورص الطوب هذا نوع من انواع طريقة الحساب . ونوع اخر ان يتم حساب الهوردي بالمتر المكعب كخرسانه مسلحة فقط ويتم تفريغ قوالب الطوب من حجم الهوردي وفي تلك الحاله يكون الهوردي منقسم الي بندين ( بند الخرسانه المسلحه لبلاطة الهوردي ودة بالمتر المكعب - وبند لتوريد ورص الطوب في بلاطه الهوردي ودة بالعدد طبقا للرسومات المعتمده ) وهناك نوع اخر اكثر تفصيلا وهو انك تحسب توريد وصب مكعبات الخرسانه المسلحه بدون حديد في بند بالمتر المكعب وبند اخر يشمل الحديد فقط توريد وتصنيع وده بيكون بالطن وبند ثالث يشمل الطوب توريد ورص وده بيكون بالعدد وده كله بيرجع لمستندات المشروع ومواصفاته انما واضح انك ما شوفتش غير نوع واحد وماتعرفشي غيره
الفكرة يا ابو محمد انك تكون فاهم مش حافظ وموضوع الفهم ده وكيفيه التفكير في المشكلات الهندسيه علي اساس هندسي هو ده اللي بيتدرس في كليات الهندسه
وبعدينيا اخي الفاضل ربنا سبحانه وتعالي بيقول في كتابه العزيز ( ورفعنا بعضكم فوق بعض درجات ) صدق الله العظيم . وحكمة ربنا سبحانه انه قال بعضكم ولم يحدد سبحانه اساس التفضيل هل هو علي اساس الشهادات العلميه او الجنس ( ذكر او انثي ) او اللون و المهنه او العمر ............... الخ ولكن اساس التفضيل هو ارادة الله وحده عز وجل وحكمته والتي لابد وان نمتثل لها والا فيكون ذلك اعتراض علي ارادة الخالق عز وجل
اعاذنا الله واياك من الوقوع في ذلك الذنب العظيم