اهلا بيك يا ابو محمد
بس انا عاوز اعرف حاجه بعد اذنك يعني ...... ايه الداعي للكلام ده انك تكتبه هنا ماهو معروف ان الهندسه مهنه زيها زي اي مهنه فيها الضعيف والجيد والجيد جدا والممتاز
وهل معني كلامك انك ما قابلتش مهندس كويس في حياتك خالص ( كلهم من النوعيه اللي ذكرتها ) ؟؟؟؟؟؟؟؟؟؟؟؟
وبعدين مين قال لحضرتك ان تكلفة المشروع مقياس لاهميته طبعا لا
انت ممكن تشتغل في فيلا صغيرة يكون فيها شغل هندسه من ابداع معماري وانشائي وكل شئ جميل ومش اي مهندس يعرف يينفذها او يصممها وتكون تكلفتها بسيطه وممكن مشروع طرق او صرف صحي مجرد وجود مساح في المشروع فقط للتاكد من مناسيب الاعمال وابعادها وشوية معدات حفر وردم ..... الخ وميزانيته تدخل في اضعاف الارقام اللي حضرتك ذكرتها
وبعدين يابو محمد مافيش حاجه اسمها ان الخبرة في التنفيذ احسن من الدراسه النظريه لان ببساطه المهندس بيدرس دراسه نظريه علشان تبقي قاعده لخبرته العمليه وعمر قلة الخبرة ما كان عيب يعيب المهندس
وبعدين هل انت ليس لديك اي عيوب وماقلتلناش انت خبرتك في اي مجال من الهندسه يابو محمد
ونسال الله العلي القدير ان يغفر لنا ولك ولجميع المسلمين والمسلمات الاحياء منهم والاموات
وشكرا