بص يا باشمهندس
بالنسبه للنوع الاول وهو cost plus contracts
ده من اسمه واضح طبعا ان المقاول هاينفذ المشروع نظير انه يتقاضي اجرة والمكون من مصاريف اداريه تضاف علي التكلفه الفعليه الخامات والاجور لجميع بنود المشروع يعني مثلا :
بند خرسانه مسلحه متكون من رمل وزلط واسمنت وحديد ومصنعيه نجارة ومصنعيه حداده ومصنعيه صب واستهلاك اخشاب يتم التعاقد مع جميع العمال للمصنعيات عن طريق المالك وتحت اشراف المقاول الرئيسي وبالنسبه للاخشاب يتم التعاقد مع مقاول من الباطن يمتلك الاخشاب او شراء هذة الاخشاب علي تفقه المالك ز وبالنسبه للخامات يتم عمل عروض اسعار لانواع الخامات من حديد واسمنت وخلافه والتعاقد بين المالك وبين الموردين تحت اشراف المقاول الرئيسي لتنفيذ تلك الاعمال واستلامها طبقا لاصول الصناعه الفنيه وطبقا لمواصفات المشروع( كل التكلفه اللي فاتت دي بنسميها تكلفه مباشرة للبنود - يعني خامات ومصنعيات خاصه بالبند ده فقط )
يتم عمل كل الكلام ده لكل بنود المشروع والتعاقد من قبل المالك مع الموردين ومقاولي الباطن وتحت اشراف المقاول الرئيسي وده اللي احنا بنسميه التكلفه الفعليه للمشروع cost
لحد هنا احنا عرفنا دور المقاول الرئيسي لكن ما عرفناش ها يتحاسب ازاي وايه المطلوب منه بالظبط
المطلوب من المقاول الرئيسي هو متابعه الاعمال ويتحمل التكلفه الغير مباشرة للمشروع وهي الاشراف الهندسي والاداري لضمان تنفيذ الاعمال طبقا للرسومات والمواصفات المطلوبه وعمل مسح للسوق للحصول علي ارخص الاسعار مع الالتزام بالجودة المطلوبه وترشيح المقاولين بالباطن ومساعده المالك في اختيار افضلهم عن طريق التقييم الفني لاعمالهم السابقه الخ
وكل هذة الاعمال يقابلها اضافه نسبه معينه علي التكلفه الفعليه للمشروع ولتكن 10 او 15%

ولازم طبعا التعاقد يكون مذكور فيه بنود تحفظ حقوق الطرفين وعدد المهندسين المطلوبين ومستواهم الفني وطريقه ادارة العمليه نفسها لان المالك هنا هو اللي بيشري كل الخامات وهو اللي بيصرف للعمال اموالهم بناءا علي توصيات المقاول الرئيسي
وطبعا ممكن التعاقد اللي زي ده يصاغ باي طريقه المهم ان كل طرف يبقي عارف ايه اللي ليه وايه اللي عليه
وللحديث بقيه ان شاء الله وارجو الردود من الاخوة المشاركين اذا كان حد فهم حاجه ولا لا

والسلام عليكم ورحمه اللهوبركاته