المهندس شريف بدر,, طبعا ممكن تكون مهندس طيران بس بشروط,, أولا لازم تقوللي انت في مصر ولا فين علشان لو في مصر أقدر أساعدك وفي جامعة اية بالضبط,,,,,,
مبدئيا مهندس الطيران بيسمي احيانا مهندس ميكانيكا طائرات يعني هو بياخد معظم العلوم الميكانيكية اللي بتاخدوها بس الفرق انه بياخدها بتوسع واستفاضه وزياده عليها كمان شيوية علوم طيران ,, يعني وانا في الكلية لغاية سنه تانية كنا بناخد نفس مواد ميكانيكا وزايد عليها مواد خاصة بطيران,,
بالنسبة لحضرتك بقي , شوف انت عاوز تبقي مهندس طيران ازاي, بمعني ان انت لو عاوز تشتغل كمهندس طيران في الصيانة في الشركات , كل ماعليك هو انك تروح تاخد دورة تدريبية اسمها البيزك وهتاخد بيها شهاده تفيد بأنك ممكن تشتغل مهندس صيانة طائرات ودي بتتاخد في مصر للطيران أو معهد امبابة للطيران المدني أو أي شكر طيران حكومية بره مصر علي حد علمي.....
أما بقي لو عاوز تبقي مهندس تصميم وتصنيع طائرات وده هو مهندس الطائرات الحقيقي,, الموضوع ده هياخد منك شوية مجهود وهو انك بعد ماتخلص بعمل دراسات تمهيدي ماجيستير وماجيستير في أي علم من علوم الطيران المتشابكة مع علوم ميكانيكا قوي زي مثلا المحركات الغازية والتوربينات أو الديناميكا الهوائية وسريان الموائع ,
,وأنا تحت أمرك في أي استفسار