بسم الله الرحمن الرحيم,,
أولا بأحب أشكر الزميل AboAyoy77 علي ترحيبة بي وعلي المقدمة الجميلة اللي تفضل وقالها عن الصواريخ ولكن يسمحلي أغير كلمة واحده قالها وهو انه أطلق كلمة أحادي الوقودmonopropellant علي نوع الوقود الصلب في الصواريخ,, solid grain fuel>>>>
في حين إن حسب معلوماتي المتواضعة بتتكون ال grain الصلده من معجون الوقود والمؤكسد معا يعني ماينطبقش عليه لقب أحادي الوقود........

النوع الجديد المستخدم في بعض أنواع الصواريخ التجريبية وفي توجيه الأقمار الصناعية هو نوع وقود واحد ونظام حقن وتغذية ليه واحد,, وخدوا بالكوا, أنا بأقول انه بيستخدم في الفضاء في الأقمار الصناعية يعني مفيش أوكسجين كمؤكسد,
الفكرة بمنتهي البساطة اننا بندخل علم الكيمياء معانا في الموضوع وده بقي ميزة مهندس الطيران, انه لازم يكون ملم بمواضيع وتخصصات كتير علشان يقدر يشتغل في بيئة عمل خلاقة...........

المهم,,, وجدنا ان فيه بعض المواد الكيميائية السائلة عند مرورها علي بعض العادن والمواد التي قد تقوم بعمل العامل الحفاز, وكلنا طبعا درسنا كيمياء وعارفين يعني ايه عامل حفاز., المهم المواد دي بتتحفر بمرورها بالعامل الحافز وتتحلل الي موادها الأوليه منتجه حرارة عاليه جدا ومع وضعها في غرفة محكمة بينتج عنها ضغط عالي جدا,, لو أنا قدرت اخد نواتج التحلل دي من قوة اندفاع وضغط وحرارة ومررتهم من خلال نوزل , بأحصل علي قوة الدفع المطلوبة,,
ده شرح الفكرة بمنتهي البساطة’ وإن شاء الله ربنا يعيني وأقدر أشرح الموضوع كاملا تباعا