بارك الله فيك اختي المتوكلة على الله...
بالنسبة لسؤالك هل انت على صواب بدخولك الهندسة ام المجتمع
قبل ما جاوبك هاحكيلك حكاية صغيرة هههههههههههه
كان مرة جحا ماشي هوا وابنه ومعاهم الحمار بتاعهم ومر على بعض من الناس في الطريق فقالوا له هل جننت يا جحا اتمشي انت وابنك دون ان تركبا الحمار ( جحا كان بيريح الحمار شوية يعني ماعملش جريمة ) المهم ركب ابنه على الحمار ومشي هوا مر على ناس تانية وكالعادة ما عجبهمش حالة وقالوا انت مجنون يا جحا تقعد ابنك وتمشي انت في التربية وادبك لابنك عشان يركب هوا وانت تمشي...المهم نزل جحا ابنه وركب هوا قابل بشر تانين قالوا الكلام المعتاد برده قالوا يا جحا في راجل كبير وفي قلبة رحمة يسيب ابنه يمشي ويركب هوا على الحمار فين رحمتك على ابنك يا جحا...المهم راح جحا مش عارف يرضي مين ولا مين راح ركب هوا وابنه قابل بردة شوية بشر وبرده قالوا نفس الكلام يا جحا انت وابنك راكبين على الحمار فين الرفق بالحيوان فين الشفقة والرحمة...........
المهم الناس بتتكلم وهتفضل تتكلم للي يخصهم واللي مايخصهمش ومحدش بيريح نفسه
نصيحة ليكي اعملي اللي انتي شايفاه صح مادام مقتنعه بيه ويرضي ربنا وبس